ਗਰਮੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਮੌਸਮ ਵਿੱਚ, ਲੋਕ ਆਪਣੇ ਆਪ ਨੂੰ ਠੰਡਾ ਰੱਖਣ ਲਈ ਕਈ ਤਰ੍ਹਾਂ ਦੇ ਉਪਾਅ ਕਰਦੇ ਹਨ, ਜਿਨ੍ਹਾਂ ਵਿਚੋਂ ਇੱਕ ਹੈ ਏਅਰ ਕੰਡੀਸ਼ਨਰ। ਇੱਕ ਸਮਾਂ ਸੀ ਜਦੋਂ ਕਿਸੇ-ਕਿਸੇ ਦੇ ਘਰ ਹੀ ਏਅਰ ਕੰਡੀਸ਼ਨਰ ਯਾਨੀ AC ਹੁੰਦਾ ਸੀ। ਹੁਣ ਤਾਂ ਲਗਭਗ ਹਰ ਘਰ ਵਿਚ ਏਸੀ ਵੇਖਣ ਮੌਜੂਦ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ AC ਤੁਹਾਡੀ ਸਿਹਤ ਨੂੰ ਕਿੰਨਾ ਨੁਕਸਾਨ ਪਹੁੰਚਾਉਂਦਾ ਹੈ? ਭਾਵੇਂ ਇਹ ਗਰਮੀ ਤੋਂ ਰਾਹਤ ਪਾਉਣ ਦਾ ਸਭ ਤੋਂ ਆਸਾਨ ਤਰੀਕਾ ਹੈ, ਪਰ ਬਹੁਤ ਜ਼ਿਆਦਾ ਇਸਤੇਮਾਲ ਕਰਨ ‘ਤੇ ਇਹ ਤੁਹਾਡੀ ਸਿਹਤ ਲਈ ਜ਼ਹਿਰ ਦਾ ਕੰਮ ਕਰਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਸਾਰੀ ਰਾਤ ਏਸੀ ਵਿੱਚ ਸੌਣ ਨਾਲ ਸਿਹਤ ਨੂੰ ਹੋਣ ਵਾਲੇ ਨੁਕਸਾਨਾਂ ਬਾਰੇ ਅਤੇ ਨਾਲ ਹੀ ਤੁਹਾਨੂੰ ਕੀ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ-
ਸਕਿੱਨ ਅਤੇ ਅੱਖਾਂ ਦਾ ਡ੍ਰਾਈ ਹੋਣਾ
ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਏਸੀ ਵਿੱਚ ਰਹਿੰਦੇ ਹੋ, ਤਾਂ ਇਹ ਤੁਹਾਡੇ ਸਰੀਰ ਵਿੱਚੋਂ ਨਮੀ ਨੂੰ ਬਾਹਰ ਕੱਢ ਲੈਂਦਾ ਹੈ। ਇਸ ਕਾਰਨ ਚਮੜੀ ਖੁਸ਼ਕ ਅਤੇ ਬੇਜਾਨ ਮਹਿਸੂਸ ਹੋਣ ਲੱਗਦੀ ਹੈ। ਇਸ ਤੋਂ ਇਲਾਵਾ, ਇਹ ਸਾਡੀਆਂ ਅੱਖਾਂ ਵਿੱਚ ਜਲਣ ਜਾਂ ਖੁਜਲੀ ਵਰਗੀਆਂ ਸਮੱਸਿਆਵਾਂ ਵੀ ਪੈਦਾ ਕਰ ਸਕਦਾ ਹੈ। ਇਹ ਸਮੱਸਿਆ ਉਨ੍ਹਾਂ ਲੋਕਾਂ ਵਿੱਚ ਵਧੇਰੇ ਆਮ ਹਨ ਜੋ ਪਹਿਲਾਂ ਹੀ ਡਰਾਈ ਆਈ ਸਿੰਡਰੋਮ ਵਰਗੀਆਂ ਸਮੱਸਿਆਵਾਂ ਤੋਂ ਪੀੜਤ ਹਨ।
ਸਿਰ ਦਰਦ ਅਤੇ ਥਕਾਵਟ
ਲਗਾਤਾਰ ਏਅਰ ਕੰਡੀਸ਼ਨਰ ਵਿੱਚ ਰਹਿਣ ਨਾਲ ਤੁਹਾਨੂੰ ਸਿਰ ਦਰਦ ਹੋ ਸਕਦਾ ਹੈ। ਦਰਅਸਲ, ਏਸੀ ਸਰੀਰ ਦੇ ਤਾਪਮਾਨ ਨੂੰ ਵਧਾ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ ਸਿਰ ਦਰਦ ਦੇ ਨਾਲ-ਨਾਲ ਥਕਾਵਟ ਵੀ ਮਹਿਸੂਸ ਹੋ ਸਕਦੀ ਹੈ। ਜੇਕਰ ਤੁਸੀਂ ਏਸੀ ਵਿੱਚ ਰਹਿਣਾ ਹੈ ਤਾਂ ਤਾਪਮਾਨ 24 ਤੋਂ 25 ਦੇ ਵਿਚਕਾਰ ਰਖੋ ਅਤੇ ਸਮੇਂ-ਸਮੇਂ ‘ਤੇ ਏਸੀ ਨੂੰ ਬੰਦ ਵੀ ਕਰਦੇ ਰਹਿਣਾ ਚਾਹੀਦਾ ਹੈ।
ਸਾਹ ਲੈਣ ਵਿੱਚ ਸਮੱਸਿਆਵਾਂ
ਏਸੀ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਨੱਕ ਬੰਦ ਹੋਣਾ, ਗਲਾ ਸੁੱਕਣਾ ਜਾਂ ਖੰਘ ਅਤੇ ਜ਼ੁਕਾਮ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਜੇ ਤੁਸੀਂ ਪਹਿਲਾਂ ਹੀ ਦਮਾ, ਸਾਈਨਸ ਜਾਂ ਐਲਰਜੀ ਤੋਂ ਪੀੜਤ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।
ਸਰੀਰ ਵਿੱਚ ਜਕੜਣ ਅਤੇ ਦਰਦ
ਏਸੀ ਵਿੱਚ ਲਗਾਤਾਰ ਰਹਿਣ ਕਾਰਨ ਸਰੀਰ ਵਿੱਚ ਅਕੜਾਅ ਹੋਣਾ ਆਮ ਗੱਲ ਹੈ। ਜੇਕਰ ਤੁਸੀਂ ਕੰਬਲ ਤੋਂ ਬਿਨਾਂ ਸੌਂਦੇ ਹੋ, ਤਾਂ ਠੰਡੀ ਹਵਾ ਕਾਰਨ ਤੁਹਾਨੂੰ ਆਪਣੀ ਗਰਦਨ, ਪਿੱਠ ਜਾਂ ਮੋਢਿਆਂ ਵਿੱਚ ਦਰਦ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ :ਪੰਜਾਬ-ਹਰਿਆਣਾ ਵਿਵਾਦ ਵਿਚਾਲੇ CM ਸੁੱਖੂ ਦਾ ਵੱਡਾ ਬਿਆਨ, ਬੋਲੇ- ‘ਪਾਣੀ ਹਿਮਾਚਲ ਦਾ ਏ…’
ਇਮਿਊਨ ਸਿਸਟਮ ‘ਤੇ ਪ੍ਰਭਾਵ
ਏਸੀ ਦੀ ਠੰਡੀ ਹਵਾ ਇਮਿਊਨ ਸਿਸਟਮ ਨੂੰ ਕਮਜ਼ੋਰ ਕਰ ਸਕਦੀ ਹੈ। ਅਜਿਹੀ ਸਥਿਤੀ ਵਿੱਚ ਤੁਹਾਡਾ ਸਰੀਰ ਬਿਮਾਰੀਆਂ ਨਾਲ ਲੜਨ ਦੇ ਯੋਗ ਨਹੀਂ ਰਹਿੰਦਾ।
ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ-
- ਏਸੀ ਦਾ ਤਾਪਮਾਨ 24 ਤੋਂ 26 ਡਿਗਰੀ ਦੇ ਵਿਚਕਾਰ ਰੱਖੋ।
- ਏਸੀ ਨੂੰ ਟਾਈਮਰ ‘ਤੇ ਰੱਖੋ ਤਾਂ ਜੋ ਸਾਰੀ ਰਾਤ ਠੰਡੀ ਹਵਾ ਨਾ ਚੱਲੇ।
- ਸੌਂਦੇ ਸਮੇਂ ਹਲਕੀ ਚਾਦਰ ਜਾਂ ਕੰਬਲ ਦੀ ਵਰਤੋਂ ਕਰੋ।
- ਕਮਰੇ ਵਿੱਚ ਨਮੀ ਬਣਾਈ ਰੱਖਣ ਲਈ ਪਾਣੀ ਦੀ ਇੱਕ ਬਾਲਟੀ ਜਾਂ ਟੱਬ ਰੱਖੋ।
- ਹਫ਼ਤੇ ਵਿੱਚ ਕੁਝ ਦਿਨ ਬਿਨਾਂ ਏਸੀ ਦੇ ਸੌਣ ਦੀ ਆਦਤ ਪਾਓ।
ਵੀਡੀਓ ਲਈ ਕਲਿੱਕ ਕਰੋ -:
