ਜਿਵੇਂ-ਜਿਵੇਂ ਤਾਪਮਾਨ ਵਧਦਾ ਹੈ ਘਰ ਵਿਚ ਕੀੜਿਆਂ ਦੇ ਨਾਲ-ਨਾਲ ਕੀੜੇ-ਮਕੌੜੇ ਤੇ ਛਿਪਕਲੀਆਂ ਦਾ ਆਉਣਾ-ਜਾਣਾ ਵੀ ਵਧਣ ਲੱਗਦਾ ਹੈ। ਸਰਦੀਆਂ ਵਿਚ ਲੁਕ ਕੇ ਰਹਿਣ ਵਾਲੀਆਂ ਛਿਪਕਲੀਆਂ ਇਸ ਮੌਸਮ ਵਿਚ ਬਾਹਰ ਨਿਕਲ ਆਉਂਦੀਆਂ ਹਨ ਤੇ ਕਈ ਲੋਕ ਇਨ੍ਹਾਂ ਨੂੰ ਦੇਖ ਕੇ ਘਬਰਾ ਜਾਂਦੇ ਹਨ। ਖਾਸ ਤੌਰ ‘ਤੇ ਕਿਚਨ, ਬਾਥਰੂਮ ਤੇ ਖਿੜਕੀਆਂ ਦੇ ਆਸ-ਪਾਸ ਇਹ ਜ਼ਿਆਦਾ ਨਜ਼ਰ ਆਉਂਦੀਆਂ ਹਨ ਪਰ ਚੰਗੀ ਗੱਲ ਹੈ ਕਿ ਕੁਝ ਆਸਾਨ ਘਰੇਲੂ ਉਪਾਅ ਅਪਣਾ ਕੇ ਤੁਸੀਂ ਇਨ੍ਹਾਂ ਨੂੰ ਘਰ ਤੋਂ ਦੂਰ ਰੱਖ ਸਕਦੇ ਹੋ।
ਗਰਮ ਮੌਸਮ ਵਿਚ ਕੀੜੇ-ਮਕੌੜੇ ਜ਼ਿਆਦਾ ਹੁੰਦੇ ਹਨ ਤੇ ਛਿਪਕਲੀਆਂ ਇਨ੍ਹਾਂ ਦੀਭਾਲ ਵਿਚ ਘਰ ਦੇ ਅੰਦਰ ਚਲੀ ਜਾਂਦੀਆਂ ਹਨ ਜਿਥੇ ਰੌਸ਼ਨੀ, ਨਮੀ ਤੇ ਖਾਣੇ ਦੀਆਂ ਛੋਟੀਆਂ ਚੀਜ਼ਾਂ ਮਿਲਦੀਆਂ ਹਨ। ਇਸ ਲਈ ਗਰਮੀ ਦੇ ਦਿਨਾਂ ਵਿਚ ਕੀੜੇ-ਮਕੌੜੇ ਨੂੰ ਖਾਣ ਲਈ ਘਰਾਂ ਦੀਆਂ ਦੀਵਾਰਾਂ ਦੇ ਨਾਲ-ਨਾਲ ਜ਼ਮੀਨ ‘ਤੇ ਵੀ ਜ਼ਿਆਦਾ ਦਿਖਾਈ ਦਿੰਦੀਆਂ ਹਨ।
ਪਿਆਜ ਤੇ ਲੱਸਣ ਦਾ ਕਰੋ ਇਸਤੇਮਾਲ
ਪਿਆਜ਼ ਤੇ ਲੱਸਣ ਦੀ ਤੇਜ਼ ਸੁਗੰਧ ਛਿਪਕਲੀਆਂ ਨੂੰ ਪਸੰਦ ਨਹੀਂ ਆਉਂਦੀ। ਤੁਸੀਂ ਇਨ੍ਹਾਂ ਦੇ ਟੁਕੜੇ ਖਿੜਕੀ, ਦਰਵਾਜ਼ੇ ਜਾਂ ਉਨ੍ਹਾਂ ਥਾਵਾਂ ‘ਤੇ ਰੱਖ ਸਕਦੇ ਹੋ ਜਿਥੇ ਛਿਪਕਲੀਆਂ ਜ਼ਿਆਦਾ ਆਉਂਦੀਆਂ ਹਨ।
ਕਾਲੀ ਮਿਰਚ ਸਪਰੇਅ ਬਣਾਓ
ਛਿਪਲਕੀਆਂ ਨੂੰ ਭਜਾਉਣ ਲਈ ਪਾਣੀ ਵਿਚ ਕਾਲੀ ਮਿਰਚ ਪਾਊਡਰ ਮਿਲਾ ਕੇ ਸਪਰੇਅ ਬਣਾ ਕੇ ਰੱਖੋ ਤੇ ਫਿਰ ਇਸ ਨੂੰ ਦੀਵਾਰਾਂ ਦੇ ਕੋਨਿਆਂ, ਕਿਚਨ ਸਲੈਬ ਤੇ ਛਿਪਕਲੀਆਂ ਦੇ ਟਿਕਾਣਿਆਂ ‘ਤੇ ਛਿੜਕੋ।
ਕਾਫੀ ਤੇ ਤੰਬਾਕੂ ਬਾਲਸ
ਕਾਫੀ ਪਾਊਡਰ ਤੇ ਤੰਬਾਕੂ ਮਿਲਾ ਕੇ ਛੋਟੀਆਂ-ਛੋਟੀਆਂ ਗੋਲੀਆਂ ਬਣਾ ਲਓ। ਇਨ੍ਹਾਂ ਨੂੰ ਉਨ੍ਹਾਂ ਥਾਵਾਂ ‘ਤੇ ਰੱਖੋ ਜਿਥੇ ਛਿਪਕਲੀਆਂ ਦਿਖਦੀਆਂ ਹਨ। ਹਾਲਾਂਕਿ ਜੇਕਰ ਤੁਹਾਡੇ ਘਰ ਵਿਚ ਬੱਚੇ ਜਾਂ ਪਾਲਤੂ ਜਾਨਵਰ ਹਨ ਤਾਂ ਇਹ ਉਪਾਅ ਸਾਵਧਾਨੀ ਨਾਲ ਕਰੋ। ਜ਼ਿਆਦਾ ਲੋੜ ਨਾ ਹੋਵੇ ਤਾਂ ਇਸ ਨੂੰ ਛੱਡ ਹੀ ਦਿਓ।
ਘਰ ਦੀ ਸਫਾਈ ਰੱਖੋ
ਜੇਕਰ ਤੁਸੀਂ ਘਰ ‘ਤੇ ਛਿਪਕਲੀਆਂ ਆਉਣ ਤੋਂ ਪ੍ਰੇਸ਼ਾਨ ਹੋ ਤਾਂ ਤੁਹਾਨੂੰ ਕੁਝ ਗੱਲਾਂ ਦਾ ਖਾਸ ਤੌਰ ‘ਤੇ ਧਿਆਨ ਰੱਖਣਾ ਚਾਹੀਦਾ ਹੈ। ਸਭ ਤੋਂ ਜ਼ਰੂਰੀ ਗੱਲ ਇਹ ਹੈ ਕਿ ਛਿਪਕਲੀਆਂ ਉਥੇ ਆਉਂਦੀਆਂ ਹਨ ਜਿਥੇ ਕੀੜੇ ਜ਼ਿਆਦਾ ਹੋਣ। ਇਸ ਲਈ ਕਿਚਨ ਸਾਫ ਰੱਖੋ,ਖਾਣੇ ਦੇ ਟੁਕੜੇ ਨਾ ਛੱਡੋ ਤੇ ਕੂੜਾਦਾਨ ਢੱਕ ਕੇ ਰੱਖੋ।
ਵੀਡੀਓ ਲਈ ਕਲਿੱਕ ਕਰੋ -:
