103 ਸਾਲਾ ਬੇਬੇ ਚਰਨ ਕੌਰ ਦੀ ਲੁਧਿਆਣਾ ਵਿੱਚ ਸੋਮਵਾਰ ਨੂੰ ਮੌਤ ਹੋ ਗਈ। ਸੋਮਵਾਰ ਨੂੰ ਪਰਿਵਾਰ ਅਤੇ ਪਿੰਡ ਵਾਸੀਆਂ ਨੇ ਬੈਂਡ-ਬਾਜੇ ਨਾਲ ਵਜਾ ਕੇ ਚਰਨ ਕੌਰ ਦੀ ਅੰਤਿਮ ਯਾਤਰਾ ਕੱਢੀ। ਫੁੱਲਾਂ ਤੇ ਗੁਬਾਰਿਆਂ ਨਾਲ ਅਰਥੀ ਨੂੰ ਸਜਾਇਆ ਗਿਆ। ਪਟਾਕੇ ਚਲਾਏ ਗਏ। ਇਸ ਮਗਰੋਂ ਚਰਨ ਕੌਰ ਦਾ ਅੰਤਿਮ ਸੰਸਕਾਰ ਕੀਤਾ ਗਿਆ।
ਖੰਨਾ ਦੇ ਪਿੰਡ ਰਸੂਲੜਾ ਦੀ ਰਹਿਣ ਵਾਲੀ ਚਰਨ ਕੌਰ ਨੂੰ ਕਦੇ ਜ਼ਿੰਦਗੀ ਵਿੱਚ ਕੰਮੀ ਬੀਮਾਰੀ ਦਾ ਸਾਹਮਣਾ ਨਹੀਂ ਕਰਨਾ ਪਿਆ। ਕਦੇ ਕਦਾਈਂ ਬੁਖਾਰ ਜਾਂ ਖਾਂਸੀ ਦੀ ਸ਼ਿਕਾਇਤ ਹੋ ਜਾਂਦੀ ਸੀ। ਆਖਰੀ ਪਲਾਂ ਵਿੱਚ ਵੀ ਚਰਨ ਕੌਰ ਠੀਕ ਸੀ। ਪਰਿਵਾਰ ਨਾਲ ਹੱਸਦੇ ਹੋਏ ਗੱਲਾਂ ਕੀਤੀਆਂ ਤੇ ਇਕਦਮ ਹੀ ਮੌਤ ਦੀ ਨੀਂਦ ਸੌਂ ਗਈ।
ਚਰਨ ਕੌਰ ਦਾ ਪੂਰਾ ਪਰਿਵਾਰ ਸ਼ਾਕਾਹਾਰੀ ਹੈ। ਚਰਨ ਕੌਰ ਨੇ ਵੀ ਆਪਣੀ ਪੂਰੀ ਜ਼ਿੰਦਗੀ ਵਿੱਚ ਕਦੇ ਵੀ ਮਾਸ ਅਤੇ ਆਂਡੇ ਦਾ ਸੇਵਨ ਨਹੀਂ ਕੀਤਾ। ਉਹ ਸਾਦਾ ਜੀਵਨ ਬਿਤਾਉਂਦੀ ਸੀ। ਘਰ ਦਾ ਖਾਣਾ ਖਾਂਦੀ ਸਨ। ਸਵੇਰ, ਦੁਪਹਿਰ ਅਤੇ ਸ਼ਾਮ ਨੂੰ ਦਾਲਾਂ ਅਤੇ ਸਬਜ਼ੀਆਂ ਦੇ ਨਾਲ ਰੋਟੀ ਨੂੰ ਖੁਰਾਕ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਉਸ ਨੇ ਕਦੇ ਫਰਿੱਜ ਦਾ ਪਾਣੀ ਨਹੀਂ ਪੀਤਾ। ਉਹ ਗਰਮੀਆਂ ਵਿੱਚ ਵੀ ਤਾਜ਼ਾ ਪਾਣੀ ਪੀਂਦੀ ਸੀ।
ਬੈਂਕ ਮੈਨੇਜਰ ਮੇਵਾ ਸਿੰਘ ਨੇ ਦੱਸਿਆ ਕਿ ਉਸ ਦੀ ਮਾਂ ਮੂੰਗੀ-ਮਸਰ ਦੇ ਨਾਲ ਸਾਦੀ ਰੋਟੀ ਪਸੰਦ ਕਰਦੀ ਸੀ। ਉਹ ਬਾਜ਼ਾਰ ਦੀਆਂ ਚੀਜ਼ਾਂ ਅਤੇ ਤਲੇ ਹੋਏ ਖਾਣੇ ਤੋਂ ਦੂਰ ਰਹਿੰਦੀ ਸੀ। ਰੋਜ਼ਾਨਾ ਇੱਕ ਸੇਬ ਅਤੇ ਕੇਲਾ ਉਸ ਦੇ ਖਾਣੇ ਵਿੱਚ ਸ਼ਾਮਲ ਸੀ। ਬੇਬੇ ਨੂੰ ਹੋਰ ਫਲਾਂ ਵਿੱਚ ਅੰਗੂਰ ਵੀ ਬਹੁਤ ਪਸੰਦ ਸਨ।
ਚਰਨ ਕੌਰ ਦਿਨ ਦੀ ਸ਼ੁਰੂਆਤ ਭਜਨ ਸਿਮਰਨ ਨਾਲ ਕਰਦੀ ਸੀ। ਉਹ ਡੇਰਾ ਰਾਧਾ ਸੁਆਮੀ ਸਤਿਸੰਗ ਬਿਆਸ ਨਾਲ ਜੁੜੀ ਹੋਈ ਸੀ। ਉਹ ਸਵੇਰੇ ਉਠਦੀ, ਇਸ਼ਨਾਨ ਕਰਦੀ ਅਤੇ ਭਜਨ ਸਿਮਰਨ ਕਰਦੀ ਰਹਿੰਦੀ ਸੀ।
ਚਰਨ ਕੌਰ ਦੇ ਪਤੀ ਭਜਨ ਸਿੰਘ ਦੀ ਸਾਲ 2015 ਵਿੱਚ ਮੌਤ ਹੋ ਗਈ ਸੀ। ਭਜਨ ਸਿੰਘ ਦੀ ਉਮਰ 96 ਸਾਲ ਦੇ ਕਰੀਬ ਸੀ। ਚਰਨ ਕੌਰ ਦੇ ਦੋ ਪੁੱਤਰਾਂ ਵਿੱਚੋਂ ਵੱਡੇ ਪੁੱਤਰ ਲਕਸ਼ਮਣ ਸਿੰਘ ਦੀ ਕੁਝ ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਛੋਟਾ ਪੁੱਤਰ ਮੇਵਾ ਸਿੰਘ ਬੈਂਕ ਮੈਨੇਜਰ ਹੈ। ਉਸ ਦੀਆਂ 2 ਧੀਆਂ ਵੀ ਹਨ।
ਇਹ ਵੀ ਪੜ੍ਹੋ : ਪੰਜਾਬ ਬਜਟ 2024-25, ਕੋਈ ਨਵਾਂ ਟੈਕਸ ਨਹੀਂ, ਔਰਤਾਂ ਲਈ ਜਾਰੀ ਰਹੇਗੀ ਮੁਫਤ ਬੱਸ ਸੇਵਾ
ਚਰਨ ਕੌਰ ਦੇ ਖੁਦ 7 ਭੈਣ-ਭਰਾ ਸਨ। ਇਨ੍ਹਾਂ ਵਿੱਚੋਂ ਚਰਨ ਕੌਰ ਸਭ ਤੋਂ ਵੱਡੀ ਉਮਰ ਦੀ ਸੀ। 5 ਦੀ ਮੌਤ ਹੋ ਗਈ ਹੈ। ਫਿਲਹਾਲ ਦੋ ਭੈਣਾਂ ਜ਼ਿੰਦਾ ਹਨ। ਉਸ ਦੀ ਉਮਰ ਵੀ 85 ਤੋਂ 90 ਦੇ ਵਿਚਕਾਰ ਹੈ।
ਬੇਟਾ ਮੇਵਾ ਸਿੰਘ (ਬੈਂਕ ਮੈਨੇਜਰ) ਅਤੇ ਪੋਤਰੇ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਹ ਪਰਿਵਾਰ ਨੂੰ ਬੇਬੇ ਦੇ ਜਾਣ ਦਾ ਦੁਖਹੈ, ਪਰ ਖੁਸ਼ੀ ਵੀ ਹੈ। ਕਿਉਂਕਿ ਅੱਜ ਦੇ ਦੌਰ ਵਿੱਚ ਹਰ ਇਨਸਾਨ ਕਿਸੇ ਨਾ ਕਿਸੇ ਬੀਮਾਰੀ ਤੋਂ ਪੀੜਤ ਹੈ ਅਤੇ ਉਮਰ ਮੁਸ਼ਕਲ ਨਾਲ 60-70 ਤੱਕ ਜਾਂਦੀ ਹੈ। ਉਨ੍ਹਾਂ ਦੀ ਬੇਬੇ 100 ਸਾਲ ਤੋਂ ਜ਼ਿਆਦਾ ਸਿਹਤਮੰਦ ਜੀਵਨ ਬਤੀਤ ਕੀਤਾ, ਇਸ ਦੀ ਖੁਸ਼ੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
