ਤੁਰਕੀ ‘ਚ ਭੂਚਾਲ ਤੋਂ ਪਹਿਲਾਂ ਰਾਤੀਂ ਪੰਛੀਆਂ ਨੇ ਕੀਤਾ ਸੀ ਅਲਰਟ! ਅਜੀਬ ਹਰਕਤਾਂ ਕਰਦੇ ਦਿਸੇ (ਵੀਡੀਓ)

ਤੁਰਕੀ-ਸੀਰੀਆ ਸਣੇ 4 ਦੇਸ਼ਾਂ ਵਿੱਚ ਆਏ ਭੂਚਾਲ ਨੇ ਭਾਰੀ ਤਬਾਹੀ ਮਚਾਈ ਹੈ। ਚਾਰ ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ ਹਜ਼ਾਰਾਂ ਲੋਕ ਜ਼ਖਮੀ ਹੋ ਗਏ। ਲੱਖਾਂ ਘਰ ਤਬਾਹ ਹੋ ਗਏ ਹਨ। ਇਕੱਲੇ ਤੁਰਕੀ ਵਿੱਚ ਤਿੰਨ ਹਜ਼ਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਮਾਹਿਰ ਕਈ ਤਰ੍ਹਾਂ ਦੇ ਦਾਅਵੇ ਕਰ ਰਹੇ ਹਨ। ਇਸੇ ਵਿਚਾਲੇ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜੋ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।

ਇਸ ਤੋਂ ਪਤਾ ਲੱਗਦਾ ਹੈ ਕਿ ਪੰਛੀਆਂ ਨੂੰ ਪਹਿਲਾਂ ਹੀ ਇਸ ਭਿਆਨਕ ਤ੍ਰਾਸਦੀ ਦਾ ਅਹਿਸਾਸ ਹੋ ਗਿਆ ਸੀ ਅਤੇ ਉਨ੍ਹਾਂ ਨੇ ਅਲਰਟ ਵੀ ਕੀਤਾ ਸੀ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਪਰ ਮਸ਼ਹੂਰ ਕਾਰੋਬਾਰੀ ਆਨੰਦ ਮਹਿੰਦਰਾ, ਆਈਐਫਐਸ ਪਰਵੀਨ ਕਾਸਵਾਨ ਸਮੇਤ ਕਈ ਲੋਕਾਂ ਨੇ ਇਸ ਨੂੰ ਚੇਤਾਵਨੀ ਚਿਤਾਵਨੀ ਕਿਹਾ ਹੈ।

ਇਸ ਵੀਡੀਓ ਨੂੰ ਪਹਿਲੀ ਵਾਰ ਟਵਿੱਟਰ ‘ਤੇ @OsintTV, ਭੂ-ਰਾਜਨੀਤੀ ਅਤੇ ਸੁਰੱਖਿਆ ਨਾਲ ਸਬੰਧਤ ਚੈਨਲ ਵੱਲੋਂ ਸਾਂਝਾ ਕੀਤਾ ਗਿਆ ਸੀ। ਉਸ ਤੋਂ ਬਾਅਦ ਉਦਯੋਗਪਤੀ ਆਨੰਦ ਮਹਿੰਦਰਾ ਨੇ ਸਾਂਝਾ ਕੀਤਾ। ਉਨ੍ਹਾਂ ਕੈਪਸ਼ਨ ਲਿਖਿਆ। ਨੇਚਰ ਅਲਾਰਮ ਸਿਸਟਮ! ਪਰ ਅਸੀਂ ਇਸ ਨੂੰ ਸੁਣਨ ਲਈ ਕੁਦਰਤ ਨਾਲ ਇੰਨੇ ਜੁੜੇ ਨਹੀਂ ਹਾਂ …

ਵੀਡੀਓ ‘ਚ ਤੁਰਕੀ ਦੇ ਅਸਮਾਨ ‘ਚ ਰਾਤ ਵੇਲੇ ਪੰਛੀਆਂ ਦਾ ਸ਼ੋਰ ਸੁਣਿਆ ਅਤੇ ਦੇਖਿਆ ਜਾ ਸਕਦਾ ਹੈ। ਹਜ਼ਾਰਾਂ ਪੰਛੀਆਂ ਨੂੰ ਸ਼ਹਿਰ ਵਿਚ ਘੁੰਮਦੇ ਅਤੇ ਸ਼ੋਰ ਮਚਾਉਂਦੇ ਦੇਖਿਆ ਜਾ ਸਕਦਾ ਹੈ। @OsintTV ਦਾਅਵਾ ਕਰਦਾ ਹੈ ਕਿ ਇਹ ਵੀਡੀਓ ਤੁਰਕੀ ਵਿੱਚ ਵਿਨਾਸ਼ਕਾਰੀ ਭੂਚਾਲ ਤੋਂ ਕੁਝ ਸਮਾਂ ਪਹਿਲਾਂ ਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੰਛੀਆਂ ਨੂੰ ਇਸ ਤਬਾਹੀ ਦਾ ਪਤਾ ਲੱਗਾ ਅਤੇ ਉਨ੍ਹਾਂ ਨੇ ਅਲਰਟ ਵੀ ਕਰ ਦਿੱਤਾ। ਵੀਡੀਓ ਦੇ ਨਾਲ ਕੈਪਸ਼ਨ ਵਿੱਚ ਲਿਖਿਆ ਹੈ, ਤੁਰਕੀ ਵਿੱਚ ਭੂਚਾਲ ਤੋਂ ਠੀਕ ਪਹਿਲਾਂ ਪੰਛੀਆਂ ਵਿੱਚ ਅਜੀਬ ਵਿਵਹਾਰ ਦੇਖਿਆ ਗਿਆ ਸੀ।

ਵੀਡੀਓ ਦੇਖਣ ‘ਤੇ ਪਤਾ ਚੱਲਦਾ ਹੈ ਕਿ ਰਾਤ ਦਾ ਸਮਾਂ ਹੈ ਅਤੇ ਤੁਰਕੀ ‘ਚ ਵੀ ਤੜਕੇ ਭੂਚਾਲ ਆਇਆ। ਪਹਿਲਾ ਭੂਚਾਲ 7.8 ਤੀਬਰਤਾ ਦਾ ਸੀ। ਇਸ ਤੋਂ ਬਾਅਦ ਇਕ ਹੋਰ ਭੂਚਾਲ ਆਇਆ, ਜਿਸ ਦੀ ਤੀਬਰਤਾ 7.6 ਦੱਸੀ ਗਈ। ਇਸ ਦਾ ਸਭ ਤੋਂ ਵੱਧ ਨੁਕਸਾਨ ਤੁਰਕੀ ਨੂੰ ਹੋਇਆ। ਇਸ ਵੀਡੀਓ ਨੂੰ 22 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ।ਕਈ ਲੋਕ ਇਸ ‘ਤੇ ਫੀਡਬੈਕ ਵੀ ਦੇ ਰਹੇ ਹਨ।

ਇਸ ਤੋਂ ਪਹਿਲਾਂ ਨੀਦਰਲੈਂਡ ਦੇ ਵਿਗਿਆਨੀ ਫਰੈਂਕ ਹੋਗਰਬੀਟਸ ਨੇ 3 ਫਰਵਰੀ ਨੂੰ ਟਵੀਟ ਕੀਤਾ ਸੀ। ਇਸ ਵਿਚ ਉਸ ਨੇ ਭੂਚਾਲ ਬਾਰੇ ਭਵਿੱਖਬਾਣੀ ਕੀਤੀ ਸੀ। ਟਵੀਟ ‘ਚ ਲਿਖਿਆ ਗਿਆ- ਦੱਖਣੀ ਮੱਧ ਤੁਰਕੀ, ਜਾਰਡਨ, ਸੀਰੀਆ ਅਤੇ ਲੇਬਨਾਨ ‘ਚ 7.5 ਤੀਬਰਤਾ ਦਾ ਭੂਚਾਲ ਆ ਸਕਦਾ ਹੈ। ਉਸ ਦੀ ਭਵਿੱਖਬਾਣੀ ਸੱਚ ਸਾਬਤ ਹੋਈ।

IFS ਪਰਵੀਨ ਕਾਸਵਾਨ ਨੇ ਵੀ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ। ਉਨ੍ਹਾਂ ਇਸ ਨੂੰ ਕੁਦਰਤ ਦੀ ਸ਼ੁਰੂਆਤੀ ਚੇਤਾਵਨੀ ਪ੍ਰਣਾਲੀ ਦੱਸਦਿਆਂ ਲਿਖਿਆ, ਕੀ ਇਹ ਕੁਦਰਤ ਦਾ ਅਰਲੀ ਵਾਰਨਿੰਗ ਸਿਸਟਮ ਹੈ। ਸ਼ਾਇਦ ਸਾਨੂੰ ਇਹ ਵੀ ਨਹੀਂ ਪਤਾ ਕਿ ਇਸ ਦਾ ਕਿਵੇਂ ਇਸਤੇਮਾਲ ਕਰਨਾ ਹੁੰਦਾ ਹੈ। ਸੈਂਕੜੇ ਲੋਕਾਂ ਨੇ ਉਸ ਦੇ ਵੀਡੀਓ ਨੂੰ ਪਸੰਦ ਕੀਤਾ ਹੈ ਅਤੇ ਫੀਡਬੈਕ ਵੀ ਦਿੱਤਾ ਹੈ। ਕੁਝ ਯੂਜ਼ਰਸ ਨੇ ਲਿਖਿਆ, ਸਾਡੀਆਂ ਧਾਰਮਿਕ ਕਿਤਾਬਾਂ ‘ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਪੰਛੀਆਂ ਅਤੇ ਹੋਰ ਜਾਨਵਰਾਂ ਨੂੰ ਸਭ ਤੋਂ ਪਹਿਲਾਂ ਆਫਤਾਂ ਬਾਰੇ ਪਤਾ ਲੱਗ ਜਾਂਦਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “