ਪੁਲਿਸ ਨੇ ਹੁਣ ਤੱਕ ਜਲਾਲਾਬਾਦ ਧਮਾਕੇ ਦੀ ਸਾਜ਼ਿਸ਼ ਰਚਣ ਵਾਲੇ ਜੀਜਾ ਅਤੇ ਸਾਲੇ ਨੂੰ ਗ੍ਰਿਫਤਾਰ ਕਰ ਚੁੱਕੀ ਹੈ। ਮੁਲਜ਼ਮ ਪ੍ਰਵੀਨ ਕੁਮਾਰ (ਜੀਜਾ) ਨੂੰ ਸੀਮਾਂਤ ਪਿੰਡ ਧਰਮੂਵਾਲਾ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਅਤੇ ਸੁਖਵਿੰਦਰ ਸਿੰਘ ਉਰਫ਼ ਸੁੱਖਾ (ਸਾਲਾ) ਵਾਸੀ ਸਰਹੱਦੀ ਪਿੰਡ ਚੰਦੀਵਾਲਾ ਜ਼ਿਲ੍ਹਾ ਫ਼ਿਰੋਜ਼ਪੁਰ ਨੂੰ ਰਾਜਸਥਾਨ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਪ੍ਰਵੀਨ ਨੇ ਖੁਲਾਸਾ ਕੀਤਾ ਕਿ ਵਿਸਫੋਟਕ ਸਮਗਰੀ ਨਾਲ ਲੈਸ ਮੋਟਰਸਾਈਕਲ ਜਲਾਲਾਬਾਦ ਸ਼ਹਿਰ ਦੇ ਭੀੜ-ਭੜੱਕੇ ਵਾਲੇ ਖੇਤਰ ਵਿੱਚ ਰੱਖਿਆ ਜਾਣਾ ਸੀ। ਜਿਕਰਯੋਗ ਹੈ ਕਿ ਪਿੰਡ ਝੁੱਗੇ ਨਿਹੰਗਾ ਵਾਲਾ ਦੇ ਬਲਵਿੰਦਰ ਸਿੰਘ ਉਰਫ ਬਿੰਦੂ ਜੋ ਕਿ ਅਪਰਾਧਿਕ ਪਿਛੋਕੜ ਵਾਲਾ ਵਿਅਕਤੀ ਸੀ, ਦੀ 15 ਸਤੰਬਰ 2021 ਨੂੰ ਰਾਤ 8 ਵਜੇ ਦੇ ਕਰੀਬ ਜਲਾਲਾਬਾਦ ਸ਼ਹਿਰ ਵਿੱਚ ਮੋਟਰਸਾਈਕਲ ਧਮਾਕੇ ਵਿੱਚ ਮੌਤ ਹੋ ਗਈ ਸੀ।
ਪੁਲਿਸ ਦੇ ਅਨੁਸਾਰ, ਸੁੱਖਾ 15 ਸਤੰਬਰ ਦੀ ਰਾਤ ਨੂੰ 8.15 ਵਜੇ ਜਲਾਲਾਬਾਦ ਵਿੱਚ ਬਾਈਕ ਦੀ ਪੈਟਰੋਲ ਦੀ ਟੈਂਕੀ ਦੇ ਹੇਠਾਂ ਇੱਕ ਟਿਫਿਨ ਲਗਾ ਕੇ ਬਲਾਸਟ ਕਰਨ ਤੋਂ ਬਾਅਦ ਉਥੋਂ ਭੱਜ ਗਿਆ ਸੀ। ਇਸ ਧਮਾਕੇ ਵਿੱਚ ਸੁੱਖੇ ਦਾ ਸਾਥੀ (ਰਿਸ਼ਤੇਦਾਰੀ ਵਿੱਚ ਭਰਾ) ਬਲਵਿੰਦਰ ਸਿੰਘ ਨਿਵਾਸੀ ਸਰਹੱਦੀ ਪਿੰਡ ਨਿਹੰਗੇਵਾਲਾ ਝੁੱਗੇ ਜ਼ਿਲਾ, ਫਿਰੋਜ਼ਪੁਰ ਮਾਰਿਆ ਗਿਆ ਸੀ।
ਧਮਾਕੇ ਤੋਂ ਬਾਅਦ ਸੁੱਖੇ ਦੇ ਜੀਜੇ ਦੇ ਖੇਤ ਵਿੱਚੋਂ ਇੱਕ ਟਿਫਿਨ ਬੰਬ ਮਿਲਿਆ। ਪੁਲਿਸ ਨੇ ਦੋਵਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ। ਅਦਾਲਤ ਨੇ ਭਾਣਜੇ ਨੂੰ ਮੰਗਲਵਾਰ ਅਤੇ ਭਾਣਜੇ ਨੂੰ 27 ਸਤੰਬਰ ਤੱਕ ਰਿਮਾਂਡ ‘ਤੇ ਭੇਜ ਦਿੱਤਾ ਹੈ। ਉਨ੍ਹਾਂ ਕੋਲੋਂ ਦੋ ਟਿਫਿਨ ਬੰਬ ਬਰਾਮਦ ਹੋਏ ਹਨ। ਹੁਣ ਦੇਸ਼ ਦੀਆਂ ਸਾਰੀਆਂ ਸੁਰੱਖਿਆ ਏਜੰਸੀਆਂ ਜੀਜੇ-ਸਾਲੇ ਤੋਂ ਡੂੰਘਾਈ ਨਾਲ ਪੁੱਛਗਿੱਛ ਵਿੱਚ ਜੁਟੀਆਂ ਹੋਈਆਂ ਹਨ। ਉਨ੍ਹਾਂ ਤੋਂ ਹੋਰ ਟਿਫਿਨ ਬੰਬ ਮਿਲਣ ਦੀ ਉਮੀਦ ਹੈ। ਸੁਰੱਖਿਆ ਏਜੰਸੀਆਂ ਹਰ ਪਹਿਲੂ ਤੋਂ ਪੁੱਛਗਿੱਛ ਕਰਨਗੀਆਂ।
ਡੀਐਸਪੀ ਪਲਵਿੰਦਰ ਸਿੰਘ ਨੇ ਦੱਸਿਆ ਕਿ ਧਮਾਕੇ ਵਿੱਚ ਸ਼ਾਮਲ ਮੁਲਜ਼ਮ ਸੁੱਖਾ ਨੂੰ ਐਤਵਾਰ ਸਵੇਰੇ ਸ੍ਰੀਗੰਗਾਨਗਰ (ਰਾਜਸਥਾਨ) ਦੇ ਰਾਏ ਸਿੰਘ ਨਗਰ ਪਿੰਡ ਤੋਂ ਗ੍ਰਿਫਤਾਰ ਕੀਤਾ ਗਿਆ। ਧਮਾਕੇ ਤੋਂ ਬਾਅਦ ਸੁੱਖਾ ਜਲਾਲਾਬਾਦ ਤੋਂ ਭੱਜ ਕੇ ਸ੍ਰੀਗੰਗਾਨਗਰ ਪਹੁੰਚਿਆ। ਸੁੱਖਾ ਦੇ ਜੀਜਾ ਪ੍ਰਵੀਨ ਕੁਮਾਰ ਵਾਸੀ ਧਰਮੂਵਾਲਾ ਦੇ ਖੇਤ ਵਿੱਚੋਂ ਇੱਕ ਟਿਫਿਨ ਬੰਬ ਮਿਲਿਆ ਸੀ। ਪੁਲਿਸ ਨੇ ਉੱਥੇ ਪ੍ਰਵੀਨ ਨੂੰ ਗ੍ਰਿਫਤਾਰ ਕਰ ਲਿਆ ਸੀ।
ਇਹ ਵੀ ਪੜ੍ਹੋ : ਵੱਡੀ ਖਬਰ : CM ਚੰਨੀ ਵੱਲੋਂ ਬੀਤੀ ਰਾਤ ਹੋਈਆਂ ਗੁਪਤ ਮੀਟਿੰਗਾਂ, ਬੁੱਧਵਾਰ ਨੂੰ ਮੁੜ ਸੱਦੀ ਕੈਬਨਿਟ ਮੀਟਿੰਗ, ਹੋ ਸਕਦੇ ਨੇ ਵੱਡੇ ਐਲਾਨ
ਪੁਲਿਸ ਦੇ ਅਨੁਸਾਰ, ਇਨ੍ਹਾਂ ਦੋਸ਼ੀਆਂ ਨੇ 14 ਸਤੰਬਰ ਨੂੰ ਫਿਰੋਜ਼ਪੁਰ ਦੇ ਇੱਕ ਸੀਮਾਂਤ ਪਿੰਡ ਚੰਦੀਵਾਲਾ ਵਿੱਚ ਜਲਾਲਾਬਾਦ ਦੀ ਸਬਜ਼ੀ ਮੰਡੀ ਨੂੰ ਧਮਾਕੇ ਦੀ ਸਾਜ਼ਿਸ਼ ਰਚੀ ਸੀ। ਇਹ ਲੋਕ 15 ਸਤੰਬਰ ਦੀ ਰਾਤ ਨੂੰ 8.15 ਵਜੇ ਪੂਰੀ ਤਿਆਰੀ ਨਾਲ ਸਬਜ਼ੀ ਮੰਡੀ ਪਹੁੰਚੇ ਸਨ ਅਤੇ ਬਾਈਕ ਦੀ ਪੈਟਰੋਲ ਟੈਂਕੀ ਫੁਲ ਕਰਵਾ ਕੇ ਅਤੇ ਇਸਦੇ ਹੇਠਾਂ ਟਿਫਿਨ ਬੰਬ ਰੱਖ ਕੇ ਸਬਜ਼ੀ ਮੰਡੀ ਵਿੱਚ ਬਾਈਕ ਰੱਖਣ ਜਾ ਰਹੇ ਸਨ ਕਿ ਅਚਾਨਕ ਬਾਜ਼ਾਰ ਤੋਂ ਸੌ ਗਜ਼ ਦੂਰ ਇਸ ਵਿੱਚ ਧਮਾਕਾ ਹੋ ਗਿਆ। ਬਾਈਕ ਰੱਖਣ ਜਾ ਰਹੇ ਬਲਵਿੰਦਰ ਸਿੰਘ ਦੀ ਮੌਤ ਹੋ ਗਈ। ਉਦੋਂ ਤੋਂ ਸੁੱਖਾ ਉਥੋਂ ਫਰਾਰ ਸੀ।
