ਜੇਕਰ ਤੁਸੀਂ ਵੀ ਐੱਲਆਈਸੀ ਪਾਲਿਸੀ ਲਈ ਹੈ ਤਾਂ ਇਹ ਖਬਰ ਤੁਹਾਡੇ ਲਈ ਕੰਮ ਦੀ ਹੈ। ਅਸਲ ਵਿੱਚ ਪਾਲਿਸੀ ਦੇ ਨਾਲ ਪੈਨ ਕਾਰਡ ਨੂੰ ਲਿੰਕ ਕਰਨਾ ਜ਼ਰੂਰੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਰਕਾਰ ਨੇ ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨ ਦੀ ਆਖਰੀ ਤਰੀਕ 31 ਮਾਰਚ 2022 ਤੱਕ ਵਧਾ ਦਿੱਤੀ ਹੈ। ਕੁੱਝ ਅਜਿਹਾ ਹੀ ਨਿਯਮ ਮਾਰਕੀਟ ਰੈਗੂਲੇਟਰ ਸੇਬੀ ਨੇ ਵੀ ਬਣਾਇਆ ਹੈ ਅਤੇ ਨਿਵੇਸ਼ਕਾਂ ਨੂੰ ਆਪਣੇ ਪੈਨ ਨੂੰ ਆਧਾਰ ਨਾਲ ਲਿੰਕ ਕਰਨ ਲਈ ਕਿਹਾ ਹੈ। ਇਸੇ ਤਰ੍ਹਾਂ ਐੱਲਆਈਸੀ ਨੂੰ ਵੀ ਪੈਨ ਨਾਲ ਲਿੰਕ ਕਰਨ ਲਈ ਕਿਹਾ ਗਿਆ ਹੈ।
ਜੇਕਰ ਤੁਸੀਂ ਅਜੇ ਤੱਕ ਪਾਲਿਸੀ ਨੂੰ ਪੈਨ ਨਾਲ ਲਿੰਕ ਨਹੀਂ ਕੀਤਾ ਹੈ, ਤਾਂ ਤੁਸੀਂ ਇਸ ਨੂੰ ਘਰ ਬੈਠੇ ਆਨਲਾਈਨ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਇਸ ਦੇ ਨਿਯਮ …
1.ਐੱਲਆਈਸੀ ਦੀ ਸਾਈਟ ‘ਤੇ ਪਾਲਿਸੀ ਦੀ ਲਿਸਟ ਦੇ ਨਾਲ ਪੈਨ ਦੀ ਜਾਣਕਾਰੀ ਦਿਓ।
2.ਹੁਣ ਆਪਣਾ ਮੋਬਾਈਲ ਨੰਬਰ ਦਰਜ ਕਰੋ। ਉਸ ਮੋਬਾਈਲ ਨੰਬਰ ‘ਤੇ ਐੱਲਆਈਸੀ ਤੋਂ ਇੱਕ ਓਟੀਪੀ ਆਵੇਗਾ, ਉਸ ਨੂੰ ਦਰਜ ਕਰੋ।
3.ਫਾਰਮ ਜਮ੍ਹਾ ਕਰਨ ਤੋਂ ਬਾਅਦ, ਤੁਹਾਨੂੰ ਰਜਿਸਟ੍ਰੇਸ਼ਨ ਸਫਲ ਹੋਣ ਦਾ ਮੈਸੇਜ ਮਿਲੇਗਾ।
4.ਹੁਣ ਤੁਹਾਨੂੰ ਪਤਾ ਲੱਗ ਜਾਵੇਗਾ ਕਿ ਤੁਹਾਡਾ ਪੈਨ ਪਾਲਿਸੀ ਨਾਲ ਲਿੰਕ ਹੋ ਗਿਆ ਹੈ।
ਘਰ ਬੈਠੇ ਚੈੱਕ ਕਰੋ ਪਾਲਿਸੀ ਸਟੇਟਸ : ਤੁਹਾਨੂੰ ਐੱਲਆਈਸੀ ਪਾਲਿਸੀ ਦੀ ਔਨਲਾਈਨ ਸਥਿਤੀ ਜਾਣਨ ਲਈ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ https://www.licindia.in/ ‘ਤੇ ਜਾਣਾ ਪਵੇਗਾ। ਇੱਥੇ ਸਟੇਟਸ ਜਾਣਨ ਲਈ ਤੁਹਾਨੂੰ ਰਜਿਸਟਰ ਕਰਨਾ ਹੋਵੇਗਾ। ਰਜਿਸਟ੍ਰੇਸ਼ਨ ਕਰਾਉਣ ਲਈ ਤੁਹਾਨੂੰ ਕਿਸੇ ਵੀ ਕਿਸਮ ਦਾ ਕੋਈ ਚਾਰਜ ਨਹੀਂ ਦੇਣਾ ਪੈਂਦਾ। ਇਸਦੇ ਲਈ, ਤੁਹਾਨੂੰ ਆਪਣੀ ਜਨਮ ਮਿਤੀ, ਨਾਮ, ਪਾਲਿਸੀ ਨੰਬਰ ਦਰਜ ਕਰਨਾ ਹੋਵੇਗਾ। ਇੱਕ ਵਾਰ ਰਜਿਸਟਰ ਹੋਣ ਤੋਂ ਬਾਅਦ, ਤੁਸੀਂ ਕਿਸੇ ਵੀ ਸਮੇਂ ਆਪਣੀ ਸਥਿਤੀ ਦੀ ਜਾਂਚ ਕਰ ਸਕਦੇ ਹੋ। ਜੇਕਰ ਤੁਸੀਂ ਕੋਈ ਜਾਣਕਾਰੀ ਚਾਹੁੰਦੇ ਹੋ, ਤਾਂ ਤੁਸੀਂ 022 6827 6827 ‘ਤੇ ਵੀ ਕਾਲ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਸੀਂ 9222492224 ਨੰਬਰ ‘ਤੇ LICHELP ਲਿਖ ਕੇ ਮੈਸੇਜ ਵੀ ਭੇਜ ਸਕਦੇ ਹੋ। ਇਸ ‘ਚ ਮੈਸੇਜ ਭੇਜਣ ‘ਤੇ ਤੁਹਾਡੇ ਪੈਸੇ ਨਹੀਂ ਕੱਟੇ ਜਾਣਗੇ।
SMS ਰਾਹੀਂ ਜਾਣਕਾਰੀ ਕਿਵੇਂ ਪ੍ਰਾਪਤ ਕੀਤੀ ਜਾਵੇ: ਤੁਸੀਂ ਮੋਬਾਈਲ ਤੋਂ SMS ਭੇਜ ਕੇ ਵੀ ਪਾਲਿਸੀ ਦੀ ਸਥਿਤੀ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ 56677 ‘ਤੇ SMS ਭੇਜਣਾ ਹੋਵੇਗਾ। ਜੇਕਰ ਤੁਸੀਂ ਪਾਲਿਸੀ ਦਾ ਪ੍ਰੀਮੀਅਮ ਜਾਣਨਾ ਚਾਹੁੰਦੇ ਹੋ, ਤਾਂ ਤੁਸੀਂ ASKLIC PREMIUM ਟਾਈਪ ਕਰਕੇ 56677 ਨੰਬਰ ‘ਤੇ SMS ਭੇਜ ਸਕਦੇ ਹੋ। ਜੇਕਰ ਪਾਲਿਸੀ ਲੈਪਸ ਹੋ ਗਈ ਹੈ, ਤਾਂ ASKLIC REVIVAL ਟਾਈਪ ਕਰਕੇ SMS ਕਰਨਾ ਹੋਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
Congress Person open CM Channi’s ” ਪੋਲ”, “CM Channi Spent crores of rupees for advertisement”
