ਵੋਡਾਫੋਨ ਆਈਡੀਆ (Vi) ਨੇ ਆਪਣੇ ਪ੍ਰੀਪੇਡ ਪਲਾਨ ਦੇ ਟੈਰਿਫ ਨੂੰ 20 ਤੋਂ 25 ਫ਼ੀਸਦ ਤੱਕ ਵਧਾ ਦਿੱਤਾ ਹੈ। ਕੰਪਨੀ ਨੇ ਅੱਜ ਇੱਕ ਐਕਸਚੇਂਜ ਫਾਈਲਿੰਗ ਵਿੱਚ ਇਹ ਜਾਣਕਾਰੀ ਦਿੱਤੀ। ਨਵੀਆਂ ਯੋਜਨਾਵਾਂ 25 ਨਵੰਬਰ ਤੋਂ ਲਾਗੂ ਹੋਣਗੀਆਂ। ਕੰਪਨੀ ਨੇ ਕਿਹਾ ਹੈ ਕਿ ਨਵੀਂ ਯੋਜਨਾ ਪ੍ਰਤੀ ਉਪਭੋਗਤਾ ਔਸਤ ਮਾਲੀਆ (ARPU) ਦੀ ਪ੍ਰਕਿਰਿਆ ਵਿੱਚ ਸੁਧਾਰ ਕਰੇਗੀ। ਇਸ ਨਾਲ ਕੰਪਨੀ ਨੂੰ ਵਿੱਤੀ ਸੰਕਟ ਨੂੰ ਦੂਰ ਕਰਨ ‘ਚ ਮਦਦ ਮਿਲੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਦਿਨ ਪਹਿਲਾਂ ਹੀ ਭਾਰਤੀ ਏਅਰਟੈੱਲ ਨੇ ਆਪਣੇ ਪ੍ਰੀਪੇਡ ਪਲਾਨ ਦੀਆਂ ਕੀਮਤਾਂ ਵਿੱਚ 25 ਫ਼ੀਸਦ ਤੱਕ ਦਾ ਵਾਧਾ ਕੀਤਾ ਹੈ।
ਵੋਡਾਫੋਨ ਆਈਡੀਆ ਦੇ ਦੇਸ਼ ਭਰ ਵਿੱਚ 27 ਕਰੋੜ ਵਾਇਰਲੈੱਸ ਉਪਭੋਗਤਾ ਹਨ। ਇਨ੍ਹਾਂ ਵਿੱਚ ਪ੍ਰੀਪੇਡ ਅਤੇ ਪੋਸਟਪੇਡ ਦੋਵੇਂ ਸ਼ਾਮਲ ਹਨ। ਯਾਨੀ ਵਧੀਆਂ ਕੀਮਤਾਂ ਦਾ ਅਸਰ ਵੋਡਾਫੋਨ ਦੇ ਸਾਰੇ ਪ੍ਰੀਪੇਡ ਯੂਜ਼ਰਸ ‘ਤੇ ਪਵੇਗਾ। ਏਅਰਟੈੱਲ ਅਤੇ ਵੀਆਈ ਤੋਂ ਬਾਅਦ ਹੁਣ ਰਿਲਾਇੰਸ ਜਿਓ ਵੀ ਆਪਣੇ ਪ੍ਰੀਪੇਡ ਪਲਾਨ ਨੂੰ ਮਹਿੰਗਾ ਕਰ ਸਕਦਾ ਹੈ। ਫਿਲਹਾਲ, ਜੀਓ ਦੇ ਪ੍ਰੀਪੇਡ ਪਲਾਨ ਸਭ ਤੋਂ ਸਸਤੇ ਹਨ।
ਵੋਡਾਫੋਨ ਆਈਡੀਆ ਯੂਜ਼ਰਸ ਨੂੰ ਹੁਣ 79 ਰੁਪਏ ਵਾਲੇ ਪਲਾਨ ਲਈ 99 ਰੁਪਏ ਖਰਚ ਕਰਨੇ ਪੈਣਗੇ। ਯਾਨੀ ਇਸ ਸਸਤੇ ਪਲਾਨ ‘ਤੇ 20 ਰੁਪਏ ਜ਼ਿਆਦਾ ਦੇਣੇ ਹੋਣਗੇ। ਇਸ ਦੇ ਨਾਲ ਹੀ ਸਾਲਾਨਾ ਵੈਧਤਾ ਵਾਲੇ 2399 ਰੁਪਏ ਵਾਲੇ ਪਲਾਨ ਲਈ ਹੁਣ 2899 ਰੁਪਏ ਖਰਚ ਕਰਨੇ ਪੈਣਗੇ। ਯਾਨੀ ਉਸ ਨੂੰ 500 ਰੁਪਏ ਵਾਧੂ ਦੇਣੇ ਪੈਣਗੇ। ਕੰਪਨੀ ਨੇ ਟਾਪ-ਅੱਪ ਪਲਾਨ ਨੂੰ ਵੀ ਮਹਿੰਗਾ ਕਰ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Congress Person open CM Channi’s ” ਪੋਲ”, “CM Channi Spent crores of rupees for advertisement”
