ਬੈਂਗਲੁਰੂ ‘ਚ ਇਕ ਨੌਜਵਾਨ ਨੂੰ ਤਿੰਨ ਔਰਤਾਂ ਸਣੇ ਚਾਰ ਮਰਦਾਂ ਵੱਲੋਂ ਬੇਰਿਹਮੀ ਨਾਲ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਮੀਡੀਆ ਰਿਪੋਰਟ ਮੁਤਾਬਕ ਇਹ ਮਾਮਲਾ ਸ਼ੁੱਕਰਵਾਰ ਦਾ ਹੈ। ਇਸ ਮਾਮਲੇ ਸਬੰਧੀ CCTV ਫੁਟੇਜ ਵੀ ਸਾਹਮਣੇ ਆਈ ਹੈ।
CCTV ਫੁਟੇਜ ਵਿੱਚ ਇਹ ਔਰਤਾਂ ਅਤੇ ਪੁਰਸ਼ ਇੱਕ 30 ਸਾਲਾ ਵਿਅਕਤੀ ਦੇ ਸਾਹਮਣੇ ਗੱਲ ਕਰਦੇ ਹਨ। ਫਿਰ ਅਚਾਨਕ ਉਨ੍ਹਾਂ ਵਿਚਕਾਰ ਝਗੜਾ ਤੇਜ਼ ਹੋ ਜਾਂਦਾ ਹੈ। ਇਸ ਦੌਰਾਨ ਉਹ ਉਸ ਨੂੰ ਜ਼ਮੀਨ ‘ਤੇ ਡਿੱਗਾ ਦਿੰਦਾ ਹੈ। ਇਸ ਤੋਂ ਬਾਅਦ ਇਕ ਵਿਅਕਤੀ ਵੱਲੋਂ ਪੱਥਰ ਚੁੱਕ ਕੇ ਕਰੀਬ 7 ਵਾਰ ਨੌਜਵਾਨ ਦਾ ਸਿਰ ਕੁਚਲ ਦਿੱਤਾ। ਇਸੇ ਦੌਰਾਨ ਇਕ ਔਰਤ ਅਤੇ ਇਕ ਆਦਮੀ ਨੇ ਪੱਥਰਾਂ ਅਤੇ ਇੱਟਾਂ ਨਾਲ ਵਿਅਕਤੀ ‘ਤੇ ਹਮਲਾ ਕਰ ਦਿੱਤਾ।
ਇਹ ਵੀ ਪੜ੍ਹੋ : ਸ਼ਰਧਾ ਵਰਗਾ ਇੱਕ ਹੋਰ ਮਰਡਰ, ਲਿਵ-ਇਨ ‘ਚ ਰਹਿਣ ਵਾਲੀ ਕੁੜੀ ਦਾ ਸਾਥੀ ਵੱਲੋਂ ਬੇਰਹਿਮੀ ਨਾਲ ਕਤਲ
ਪੁਲਿਸ ਨੇ ਦੱਸਿਆ ਕਿ CCTV ਫੁਟੇਜ ਸ਼ਹਿਰ ਦੇ ਕੇ.ਪੀ.ਅਗਰਾਹਾਰਾ ਇਲਾਕੇ ਦਾ ਹੈ। ਪੀੜਤ ਦੀਆਂ ਚੀਕਾਂ ਸੁਣ ਕੇ ਲੋਕ ਬਾਹਰ ਆ ਗਏ, ਜਦੋਂ ਤੱਕ ਦੋਸ਼ੀ ਫਰਾਰ ਹੋ ਚੁੱਕਾ ਸੀ। ਬਾਅਦ ਵਿੱਚ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ। ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ। ਜਾਣਕਾਰੀ ਅਨੁਸਾਰ ਮ੍ਰਿਤਕ ਬਦਾਮੀ ਦਾ ਰਹਿਣ ਵਾਲਾ ਸੀ। ਪੁਲਿਸ ਵੱਲੋਂ ਅਜੇ ਤੱਕ ਕਿਸੇ ਵੀ ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ। ਘਟਨਾ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
