Actress Rupinder Rupee shared : ਪੰਜਾਬੀ ਫ਼ਿਲਮੀ ਜਗਤ ਦੀ ਦਿੱਗਜ ਐਕਟਰੈੱਸ ਰੁਪਿੰਦਰ ਰੂਪੀ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਅਕਸਰ ਹੀ ਆਪਣੇ ਪਰਿਵਾਰ ਦੇ ਨਾਲ ਬਿਤਾਏ ਖੁਸ਼ਨੁਮਾ ਪਲਾਂ ਨੂੰ ਸਾਂਝਾ ਕਰਦੇ ਰਹਿੰਦੇ ਨੇ। ਜੀ ਹਾਂ ਉਨ੍ਹਾਂ ਨੇ ਆਪਣੇ ਬੇਟੇ ਸੁਰਖ਼ਾਬ ਦੇ ਜਨਮਦਿਨ ‘ਤੇ ਪਿਆਰੀ ਜਿਹੀ ਤਸਵੀਰ ਸ਼ੇਅਰ ਕੀਤੀ ਹੈ ।ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ- “ਪੁੱਤਰ ਮਿਠੜੇ ਮੇਵੇ ਰੱਬ ਸਭ ਨੂੰ ਦੇਵੇ “ ਅੱਜ ਸਾਡੇ ਪਿਆਰੇ ਪੁੱਤ ਸੁਰਖ਼ਾਬ ਦਾ ਜਨਮ- ਦਿਨ … ਪੁੱਤ ਚੜਦੀ ਕਲਾ ‘ਚ ਰਹੋ’ ।
ਇਸ ਤਸਵੀਰ ‘ਚ ਰੁਪਿੰਦਰ ਰੂਪੀ ਤੇ ਭੁਪਿੰਦਰ ਬਰਨਾਲਾ ਆਪਣੇ ਬੇਟੇ ਦੇ ਨਾਲ ਖੇਤ ‘ਚ ਖੜੇ ਹੋਏ ਦਿਖਾਈ ਦੇ ਰਹੇ ਨੇ। ਇਸ ਪੋਸਟ ਉੱਤੇ ਪੰਜਾਬੀ ਐਕਟਰ ਕਰਮਜੀਤ ਅਨੋਮਲ ਨੇ ਵੀ ਕਮੈਂਟ ਕਰਕੇ ਸੁਰਖ਼ਾਬ ਨੂੰ ਬਰਥੇਡਅ ਵਿਸ਼ ਕੀਤਾ ਹੈ।ਉਧਰ ਐਕਟਰ ਭੁਪਿੰਦਰ ਬਰਨਾਲਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਪੋਸਟ ਪਾ ਕੇ ਆਪਣੇ ਬੇਟੇ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਨੇ।
ਦੱਸ ਦਈਏ ਰੁਪਿੰਦਰ ਰੂਪੀ ਤੇ ਭੁਪਿੰਦਰ ਬਰਨਾਲਾ ਦੋਵੇਂ ਹੀ ਪੰਜਾਬੀ ਫ਼ਿਲਮੀ ਜਗਤ ਦੇ ਦਿੱਗਜ ਕਲਾਕਾਰ ਨੇ। ਦੋਵਾਂ ਨੇ ਕਈ ਹਿੱਟ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ। ਭੁਪਿੰਦਰ ਬਰਨਾਲਾ ਵਧੀਆ ਐਕਟਰ ਤਾਂ ਹੈ ਹੀ ਨੇ, ਪਰ ਉਹ ਪੰਜਾਬ ਦੇ ਨਾਮਵਰ ਡਾਇਰੈਕਟਰ ‘ਚੋਂ ਵੀ ਇੱਕ ਨੇ । ਉਹਨਾਂ ਨੇ ਪੰਜਾਬੀ ਇੰਡਸਟਰੀ ਨੂੰ ਬਹੁਤ ਸਾਰੀਆਂ ਹਿੱਟ ਫਿਲਮ ਦਿੱਤੀਆਂ ਹਨ ਤੇ ਰੁਪਿੰਦਰ ਰੂਪੀ ਨੇ ਆਪਣੀ ਅਦਾਕਾਰੀ ਨਾਲ ਹੁਣ ਤੱਕ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ।
ਇਹ ਵੀ ਦੇਖੋ : ਕੁੜੀ ਦੀ ਪੁਲਿਸ ਨਾਲ ਨਾਰਾਜ਼ਗੀ ਦੀਆਂ ਭਾਂਬੜ ਕੱਢਦੀਆਂ ਗੱਲਾਂ, ਸੁਣੋ ਪੂਰਾ ਮਾਮਲਾ
