ਭਾਰਤੀ ਦਰਸ਼ਕ ਮਾਰਵਲ ਸਟੂਡੀਓਜ਼ ਦੀਆਂ ਫਿਲਮਾਂ ਦੀ ਬੇਸਬਰੀ ਨਾਲ ਉਡੀਕ ਕਰਦੇ ਹਨ। ਅਜਿਹੇ ‘ਚ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾਉਣ ਲਈ ਹਾਲ ਹੀ ‘ਚ ਹਾਲੀਵੁੱਡ ਦੀ ਸਭ ਤੋਂ ਜ਼ਿਆਦਾ ਉਡੀਕੀ ਜਾਣ ਵਾਲੀ ਫਿਲਮ Ant-Man And The Wasp Quantumania ਰਿਲੀਜ਼ ਹੋਈ ਹੈ।
ਰਿਲੀਜ਼ ਦੀ ਤਰ੍ਹਾਂ ਇਸ ਵਾਰ ਵੀ ਮਾਰਵਲ ਸਿਨੇਮੈਟਿਕ ਯੂਨੀਵਰਸ (MCU) ਫਿਲਮ ਦਾ ਜਾਦੂ ਪ੍ਰਸ਼ੰਸਕਾਂ ਦੇ ਸਿਰਾਂ ‘ਤੇ ਚੜ੍ਹ ਰਿਹਾ ਹੈ। ਆਲਮ ਇਹ ਹੈ ਕਿ ‘ਐਂਟ ਮੈਨ ਐਂਡ ਵਾਸਪ ਕਾਂਟੋ ਮੇਨੀਆ’ ਭਾਰਤੀ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ।
ਹਮੇਸ਼ਾ ਹੀ ਦੇਖਿਆ ਗਿਆ ਹੈ ਕਿ ਭਾਰਤ ‘ਚ ਜਦੋਂ ਵੀ ਕੋਈ ਮਾਰਵਲ ਯੂਨੀਵਰਸ ਫਿਲਮ ਰਿਲੀਜ਼ ਹੁੰਦੀ ਹੈ ਤਾਂ ਉਸ ਦਾ ਦਬਦਬਾ ਕਾਫੀ ਦੇਖਣ ਨੂੰ ਮਿਲਦਾ ਹੈ। ਅਜਿਹਾ ਹੀ ਕੁਝ ‘ਐਂਟ ਮੈਨ ਐਂਡ ਵਾਸਪ ਕੰਟੋ ਮੇਨੀਆ’ ਨੇ ਦਿਖਾਇਆ ਹੈ। ਰਿਲੀਜ਼ ਦੇ ਪਹਿਲੇ ਦਿਨ 9 ਕਰੋੜ ਤੋਂ ਵੱਧ ਦੀ ਸ਼ਾਨਦਾਰ ਓਪਨਿੰਗ ਹਾਸਲ ਕਰਨ ਵਾਲੀ ‘ਐਂਟ ਮੈਨ’ ਦੀ ਇਸ ਤੀਜੀ ਕਿਸ਼ਤ ਨੇ ਇੱਕ ਵਾਰ ਫਿਰ ਸਾਬਤ ਕਰ ਦਿੱਤਾ ਹੈ ਕਿ ਭਾਰਤ ਵਿੱਚ ਲੋਕ ਮਾਰਵਲ ਸਟੂਡੀਓਜ਼ ਦੀਆਂ ਫਿਲਮਾਂ ਨੂੰ ਪਸੰਦ ਕਰਦੇ ਹਨ।
