ਮਰਾਠੀ ਅਦਾਕਾਰਾ ਦੀ ਭੈਣ ਦੀ ਸ਼ੱਕੀ ਹਾਲਤ ‘ਚ ਮੌਤ, ਚਿਹਰੇ ‘ਤੇ ਜ਼ਖਮ, ਜਾਂਚ ‘ਚ ਜੁਟੀ ਪੁਲਸ

ਮਰਾਠੀ ਸਿਨੇਮਾ ਤੋਂ ਬਹੁਤ ਹੀ ਦੁਖਦਾਈ ਖਬਰ ਸਾਹਮਣੇ ਆ ਰਹੀ ਹੈ। ਮਸ਼ਹੂਰ ਮਰਾਠੀ ਅਦਾਕਾਰਾ ਭਾਗਿਆਸ਼੍ਰੀ ਮੋਟੇ ਦੀ ਭੈਣ ਇਸ ਦੁਨੀਆ ‘ਚ ਨਹੀਂ ਰਹੀ। ਅਭਿਨੇਤਰੀ ਦੀ ਭੈਣ ਮਧੂ ਮਾਰਕੰਡੇ ਦੀ ਲਾਸ਼ ਪਿੰਪਰੀ ਚਿੰਚਵਾੜ ਵਾਕੜ ਤੋਂ ਮਿਲੀ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਭਾਗਿਆਸ਼੍ਰੀ ਮੋਟੇ ਨੂੰ ਆਪਣੀ ਭੈਣ ਦੀ ਮੌਤ ਦਾ ਗਹਿਰਾ ਸਦਮਾ ਲੱਗਾ ਹੈ। ਅਦਾਕਾਰਾ ਦੀ ਭੈਣ ਦੀ ਲਾਸ਼ ਸ਼ੱਕੀ ਹਾਲਤ ‘ਚ ਮਿਲੀ ਹੈ। ਭਾਗਿਆਸ਼੍ਰੀ ਦੀ ਭੈਣ ਦੇ ਚਿਹਰੇ ‘ਤੇ ਵੀ ਸੱਟਾਂ ਦੇ ਨਿਸ਼ਾਨ ਹਨ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਅਦਾਕਾਰਾ ਦੀ ਭੈਣ ਨਾਲ ਅਜਿਹਾ ਕਿਸ ਨੇ ਅਤੇ ਕਿਉਂ ਕੀਤਾ?

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

ਜਾਣਕਾਰੀ ਮੁਤਾਬਕ ਮਧੂ ਮਾਰਕੰਡੇ ਮਰਾਠੀ ਅਦਾਕਾਰਾ ਭਾਗਿਆਸ਼੍ਰੀ ਮੋਟੇ ਦੀ ਭੈਣ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਧੂ ਆਪਣੇ ਦੋਸਤ ਦੇ ਨਾਲ ਵਾਕਡ ਇਲਾਕੇ ‘ਚ ਕੇਕ ਬਣਾਉਣ ਦਾ ਕਾਰੋਬਾਰ ਚਲਾਉਂਦੀ ਸੀ। ਐਤਵਾਰ ਨੂੰ ਮਧੂ ਆਪਣੀ ਸਹੇਲੀ ਨਾਲ ਕਿਰਾਏ ਦਾ ਕਮਰਾ ਦੇਖਣ ਗਈ ਸੀ। ਕਮਰੇ ਨੂੰ ਦੇਖ ਕੇ ਮਧੂ ਨੂੰ ਅਚਾਨਕ ਚੱਕਰ ਆ ਗਿਆ ਅਤੇ ਉਸ ਦੇ ਦੰਦ ਪੀਸਣ ਲੱਗੇ। ਉਸ ਦਾ ਦੋਸਤ ਤੁਰੰਤ ਉਸ ਨੂੰ ਨਿੱਜੀ ਹਸਪਤਾਲ ਲੈ ਗਿਆ। ਉੱਥੇ ਮਧੂ ਦਾ ਇਲਾਜ ਨਾ ਹੋ ਸਕਿਆ ਅਤੇ ਉਸ ਨੂੰ ਨਗਰ ਨਿਗਮ ਦੇ ਯਸ਼ਵੰਤਰਾਵ ਚਵਾਨ ਮੈਮੋਰੀਅਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਜਾਂਚ ਤੋਂ ਬਾਅਦ ਮਧੂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।