Bollywood Actor Prakash Raj : ਕਿਸਾਨੀ ਕਾਨੂੰਨਾ ਨੂੰ ਲੈ ਕੇ ਪਿਛਲੇ ਦਿਨਾਂ ਤੋਂ ਬਹੁਤ ਹੀ ਜਿਆਦਾ ਹਲਚਲ ਹੋ ਰਹੀ ਹੈ । ਕਿਸਾਨ ਸਰਕਾਰ ਵੱਲੋਂ ਪਾਸ ਕੀਤੇ ਗਏ ਬਿੱਲਾਂ ਤੋਂ ਬਿਲਕੁਲ ਵੀ ਖੁੱਸ਼ ਨਹੀਂ ਹਨ । ਕਿਸਾਨਾ ਦੀ ਸਰਕਾਰ ਨਾਲ ਇੱਕ ਮੀਟਿੰਗ ਹੋਈ ਸੀ ਜਿਸ ਵਿੱਚ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਗ ਤੋਮਰ ਅਤੇ ਰੇਲ ਮੰਤਰੀ ਪਿਯੂਸ਼ ਗੋਇਲ ਵੀ ਮੌਜ਼ੂਦ ਸਨ । ਇਸ ਦੌਰਾਨ ਜਦੋਂ ਕਿਸਾਨਾ ਨੇ ਸਰਕਾਰੀ ਖਾਣੇ ਨੂੰ ਮਨਾ ਕਰਕੇ ਆਪਣਾ ਖਾਣਾ ਮੰਗਵਾ ਕੇ ਖਾਧਾ ਤਾਂ ਉਹਨਾਂ ਦੀ ਇਸ ਬਾਰੇ ਵੀਡੀਓ ਬਹੁਤ ਵਾਇਰਲ ਹੋਈ । ਉਹਨਾਂ ਦੀ ਪ੍ਰਸ਼ੰਸਾ ਵੀ ਬਹੁਤ ਜਿਆਦਾ ਹੋਈ । ਬਾੱਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਪ੍ਰਕਾਸ਼ ਰਾਜ ਨੇ ਇਸ ਗੱਲ ਦੀ ਬਹੁਤ ਪ੍ਰਸ਼ੰਸਾ ਕੀਤੀ । ਉਸ ਨੇ ਟਵਿਟਰ ਤੇ ਟਵੀਟ ਰਾਹੀ ਕਿਸਾਨਾ ਦੇ ਸ੍ਵੈ-ਮਾਣ ਦੀ ਪ੍ਰਸ਼ੰਸਾ ਕੀਤੀ । ਜਿਸ ਤੇ ਬਹੁਤ ਸਾਰੇ ਹੋਰ ਲੋਕ ਵੀ ਬੋਲ ਰਹੇ ਹਨ ।
ਇਸ ਵੀਡੀਓ ਤੇ ਅਦਾਕਾਰਾ ਸਵਾਰਾ ਭਾਸਕਰ ਨੇ ਵੀ ਟਵੀਟ ਕੀਤਾ ਅਤੇ ਬਹੁਤ ਹੀ ਜਿਆਦਾ ਪ੍ਰਸ਼ੰਸਾ ਕੀਤੀ ।ਬਹੁਤ ਸਾਰੇ ਪੰਜਾਬੀ ਸਿੰਗਰ ਇਸ ਦੇ ਹੱਕ ਵਿੱਚ ਬੋਲੇ ਹਨ ਅਤੇ ਸਭ ਨੇ ਇਸ ਦੀ ਬਹੁਤ ਤਾਰੀਫ ਕੀਤੀ ਹੈ । ਇਸ ਮੀਟਿੰਗ ਵਿੱਚ ਕਿਸਾਨਾ ਦੈ ਹੱਕਾ ਦੀ ਗੱਲ ਕੀਤੀ ਜਾਣੀ ਸੀ । ਫਿਲਮਾਂ ਤੋਂ ਇਲਾਵਾ ਪ੍ਰਕਾਸ਼ ਰਾਜ ਬਹੁਤ ਹੀ ਚੰਗੇ ਸੁਭਾਅ ਦੇ ਮਾਲਕ ਹਨ । ਉਹ ਹਰ ਵਾਰ ਗੰਭੀਰ ਮੁੱਦਿਆ ਤੇ ਆਪਣੇ ਵਿਚਾਰ ਪੇਸ਼ ਕਰਦੇ ਹਨ ।
