aamir khan cried watching jhund : ਅਮਿਤਾਭ ਬੱਚਨ ਦੀ ਫਿਲਮ ‘ਝੁੰਡ’ 4 ਮਾਰਚ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਪਰ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਇਕ ਪ੍ਰਾਈਵੇਟ ਸਕ੍ਰੀਨਿੰਗ ਰੱਖੀ ਗਈ, ਜਿਸ ‘ਚ ਬਾਲੀਵੁੱਡ ਦੇ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖਾਨ ਵੀ ਪਹੁੰਚੇ। ਪਰ ਇਸ ਫਿਲਮ ਨੇ ਆਮਿਰ ਨੂੰ ਇੰਨਾ ਭਾਵੁਕ ਕਰ ਦਿੱਤਾ ਕਿ ਉਹ ਆਪਣੇ ਹੰਝੂ ਰੋਕ ਨਹੀਂ ਸਕੇ। ਟੀ-ਸੀਰੀਜ਼ ਨੇ ਆਮਿਰ ਖਾਨ ਦੇ ਹੰਝੂ ਪੂੰਝਦੇ ਹੋਏ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ।
ਦਸ ਦੇਈਏ ਕਿ ਇਸ ਵੀਡੀਓ ‘ਚ ਆਮਿਰ ਖਾਨ ਕਹਿ ਰਹੇ ਹਨ, ‘ਇਹ ਪਹਿਲੀ ਵਾਰ ਹੈ ਜਦੋਂ ਕਿਸੇ ਫਿਲਮ ਨੂੰ ਪ੍ਰਾਈਵੇਟ ਸਕ੍ਰੀਨਿੰਗ ਦੌਰਾਨ ਸਟੈਂਡਿੰਗ ਓਵੇਸ਼ਨ ਮਿਲਿਆ ਹੈ। ਮੇਰੇ ਕੋਲ ਕਹਿਣ ਲਈ ਸ਼ਬਦ ਨਹੀਂ ਹਨ। ਜਿਸ ਤਰ੍ਹਾਂ ਤੁਸੀਂ ਭਾਰਤ ਦੇ ਲੜਕੇ-ਲੜਕੀਆਂ ਦਾ ਜਜ਼ਬਾ ਦਿਖਾਇਆ ਹੈ, ਉਹ ਹੈਰਾਨੀਜਨਕ ਹੈ। ਜਿਸ ਤਰ੍ਹਾਂ ਬੱਚਿਆਂ ਨੇ ਕੰਮ ਕੀਤਾ ਹੈ ਉਹ ਵੀ ਅਵਿਸ਼ਵਾਸ਼ਯੋਗ ਹੈ। ਉਨ੍ਹਾਂ ਨੇ ਇਸ ਨੂੰ ਬਿਗ ਬੀ ਦੀਆਂ ਸ਼ਾਨਦਾਰ ਫਿਲਮਾਂ ‘ਚੋਂ ਇਕ ਦੱਸਿਆ ਹੈ।
ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਫਿਲਮ ਦੇਖ ਕੇ ਆਮਿਰ ਦੀਆਂ ਅੱਖਾਂ ‘ਚੋਂ ਹੰਝੂ ਨਿਕਲੇ ਹੋਣ। ਇਸ ਤੋਂ ਪਹਿਲਾਂ ਉਹ ਇਰਫਾਨ ਖਾਨ ਅਤੇ ਕੰਗਨਾ ਰਣੌਤ ਦੀ ‘ਕੱਟੀ ਬੱਟੀ’ ਅਤੇ ਸਲਮਾਨ ਤੇ ਕਰੀਨਾ ਕਪੂਰ ਦੀ ‘ਬਜਰੰਗੀ ਭਾਈਜਾਨ’ ਦੇਖ ਕੇ ਵੀ ਆਪਣੇ ਹੰਝੂ ਰੋਕ ਨਹੀਂ ਸਕੇ ਸਨ। ਤੁਹਾਨੂੰ ਦੱਸ ਦੇਈਏ ਕਿ ‘ਝੂੰਡ’ ਦਾ ਨਿਰਦੇਸ਼ਨ ‘ਸੈਰਾਟ’ ਫੇਮ ਨਿਰਦੇਸ਼ਕ ਨਾਗਰਾਜ ਪੋਪਟਰਾਓ ਮੁੰਜਲੇ ਨੇ ਕੀਤਾ ਹੈ ਅਤੇ ਉਹ ਹਮੇਸ਼ਾ ਵਿਸ਼ੇ ‘ਤੇ ਆਧਾਰਿਤ ਫਿਲਮਾਂ ਲੈ ਕੇ ਆਉਂਦੇ ਹਨ।
