jayeshbhai jordaar release date : ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਫ਼ਿਲਮ 83 ਤੋਂ ਬਾਅਦ ਮੁੜ ਆਪਣੀ ਨਵੀਂ ਫ਼ਿਲਮ ਜਯੇਸ਼ਭਾਈ ਜੋਰਦਾਰ ਦੇ ਨਾਲ ਦਰਸ਼ਕਾਂ ਦੇ ਰੁਬਰੂ ਹੋਣ ਜਾ ਰਹੇ ਹਨ। ਰਣਵੀਰ ਸਿੰਘ ਨੇ ਸੋਸ਼ਲ ਮੀਡੀਆ ਦੇ ਰਾਹੀਂ ਆਪਣੇ ਫੈਨਜ਼ ਨੂੰ ਫ਼ਿਲਮ ਦੇ ਰਿਲੀਜ਼ ਹੋਣ ਦੇ ਸਮੇਂ ਬਾਰੇ ਜਾਣਕਾਰੀ ਦਿੱਤੀ ਹੈ। ਰਣਬੀਰ ਦੇ ਫੈਨਜ਼ ਉਨ੍ਹਾਂ ਦੀ ਇਸ ਫ਼ਿਲਮ ਨੂੰ ਵੇਖਣ ਲਈ ਬਹੁਤ ਉਤਸ਼ਾਹਿਤ ਹਨ। ਰਣਵੀਰ ਸਿੰਘ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਫ਼ਿਲਮ ਨਾਲ ਸਬੰਧਤ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ।
ਇਸ ਵੀਡੀਓ ਦੇ ਵਿੱਚ ਉਹ ਫ਼ਿਲਮ ਦੇ ਰਿਲੀਜ਼ ਹੋਣ ਬਾਰੇ ਜਾਣਕਾਰੀ ਦੇ ਰਹੇ ਹਨ। ਰਣਵੀਰ ਨੇ ਵੀਡੀਓ ਦੇ ਨਾਲ ਕੈਪਸ਼ਨ ਦਿੰਦੇ ਹੋਏ ਲਿਖਿਆ “ਨਾਮ ਹੈ ਜਯੇਸ਼ਭਾਈ… ਅਤੇ ਕੰਮ ਹੈ ਜੋਰਦਾਰ!!! ਰਿਲੀਜ਼ ਡੇਟ ਲਈ ਵੀਡੀਓ ਦੇਖੋ। ਯਸ਼ਰਾਜ ਦੇ ਨਾਲ ‘ਜਯੇਸ਼ਭਾਈ ਜੋਰਦਾਰ’ 13 ਮਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।” ਰਣਵੀਰ ਸਿੰਘ ਮਹਿਸੂਸ ਕਰਦੇ ਹਨ ਕਿ ‘ਜਯੇਸ਼ਭਾਈ ਜੋਰਦਾਰ’ ਦੀ ਪ੍ਰੇਰਨਾਦਾਇਕ ਕਹਾਣੀ ਹਰ ਕਿਸੇ ਦੇ ਦਿਲ ਨੂੰ ਛੂਹ ਲਵੇਗੀ।
ਆਪਣੇ ਕਿਰਦਾਰ ਬਾਰੇ ਗੱਲ ਕਰਦੇ ਹੋਏ, ਰਣਵੀਰ ਕਹਿੰਦੇ ਹਨ, “ਜਯੇਸ਼ ਇੱਕ ਹੀਰੋ ਨਹੀਂ ਹੈ, ਪਰ ਕਹਾਣੀ ਦੇ ਦੌਰਾਨ ਉਹ ਜੋ ਕਰਦਾ ਹੈ ਉਹ ਯਕੀਨੀ ਤੌਰ ‘ਤੇ ਬਹਾਦਰੀ ਦਾ ਕੰਮ ਹੈ ਤੇ ਇਹੀ ਕਾਰਨ ਹੈ ਕਿ ਮੈਂ ਇਸ ਫਿਲਮ ਲਈ ਹਾਂ ਕਿਹਾ। ਦੂਜੇ ਪਾਸੇ, ਯਸ਼ਰਾਜ ਫਿਲਮਜ਼ ਨੇ ਇੱਕ ਟਵੀਟ ਵਿੱਚ ਲਿਖਿਆ, “ਸਾਰੇ ਹੀਰੋਜ਼ ਇੱਕ ਤਰਫ, ਅਤੇ ਜਯੇਸ਼ਭਾਈ ਜੋਰਦਾਰ ਇੱਕ ਤਰਫ! ਕੋਰੋਨਾ ਮਹਾਮਾਰੀ ਕਾਰਨ ਲਾਈਆਂ ਗਈਆਂ ਪਾਬੰਦੀਆਂ ਕਾਰਨ ਇਹ ਫ਼ਿਲਮ ਲਗਾਤਾਰ ਟਲਦੀ ਜਾ ਰਹੀ ਸੀ, ਹਾਲਾਂਕਿ ਹੁਣ ਰਣਵੀਰ ਸਿੰਘ ਸਿਨੇਮਾਘਰਾਂ ‘ਚ ਆਪਣਾ ਜਾਦੂ ਬਿਖੇਰਨ ਲਈ ਤਿਆਰ ਹਨ।
