Gagan Kokri’s Fan Dies : ਗਗਨ ਕੋਕਰੀ ਨੇ ਆਪਣੇ ਗਾਣਿਆਂ ਨਾਲ ਹਰ ਇੱਕ ਦੇ ਦਿਲ ਵਿੱਚ ਜਗ੍ਹਾ ਬਣਾਈ ਹੈ । ਇਸੇ ਕਰਕੇ ਉਹਨਾਂ ਦੇ ਪ੍ਰਸ਼ੰਸਕਾਂ ਦੀ ਲਿਸਟ ਬਹੁਤ ਲੰਮੀ ਹੈ । ਗਗਨ ਕੋਕਰੀ ਨੇ ਇਸੇ ਤਰ੍ਹਾਂ ਦੇ ਆਪਣੇ ਇੱਕ ਪ੍ਰਸ਼ੰਸਕ ਦੀ ਤਸਵੀਰ ਸਾਂਝੀ ਕੀਤੀ ਹੈ ।
ਮਨਦੀਪ ਸਿੰਘ ਨਾਂਅ ਦਾ ਇਹ ਪ੍ਰਸ਼ੰਸਕ ਹੁਣ ਇਸ ਦੁਨੀਆ ਤੇ ਨਹੀਂ ਰਿਹਾ । ਜਿਸ ਨੂੰ ਲੈ ਕੇ ਗਗਨ ਕੋਕਰੀ ਨੇ ਆਪਣੀਆਂ ਕੁੱਝ ਯਾਦਾਂ ਸਾਂਝੀਆਂ ਕੀਤੀਆਂ ਹਨ ।
ਉਹਨਾਂ ਮਨਦੀਪ ਦੀ ਤਸਵੀਰ ਸਾਂਝੀ ਕਰਕੇ ਲਿਖਿਆ ਹੈ ‘ਮਨਦੀਪ ਸਿੰਘ ਟਰਾਂਟੋ ਤੋਂ ਹੁਣੇ ਖ਼ਬਰ ਦੇਖੀ …ਇਹ ਵੀਰ ਹਮੇਸ਼ਾ ਸ਼ੋਅ ਤੇ ਆਉਂਦਾ ਸੀ ਅਤੇ ਹਮੇਸ਼ਾ ਸਟੇਜ ਕੋਲ ਆ ਕੇ ਹੱਥ ਮਿਲਾ ਕੇ ਜਾਂਦਾ ਸੀ …ਜਿੰਨੀ ਵਾਰ ਵੀ ਮੈਂ ਟਰਾਂਟੋ ਸ਼ੋਅ ਕੀਤਾ …ਵੀਰ ਕੋਲੋਂ ਜ਼ਿਆਦਾ ਬੋਲਿਆ ਨਹੀਂ ਸੀ ਜਾਂਦਾ ਪਰ ਪਿਆਰ ਦਿੱਸ ਜਾਂਦਾ ਸੀ ਉਸ ਦਾ ਸਟੇਜ ਕੋਲ ਆਉਣ ਤੇ ….ਰੱਬ ਰੂਹ ਨੂੰ ਸ਼ਾਂਤੀ ਦੇਵੇ’ । ਗਗਨ ਕੋਕਰੀ ਦੀ ਇਹ ਪੋਸਟ ਬਹੁਤ ਹੀ ਭਾਵੁਕ ਹੈ ।
