Jasmin Bhasin Bollywood Debut: ਜੈਸਮੀਨ ਭਸੀਨ ਨੇ ‘ਟਸ਼ਨ-ਏ-ਇਸ਼ਕ’, ‘ਦਿਲ ਸੇ ਦਿਲ ਤਕ’, ‘ਦਿਲ ਤੋ ਹੈਪੀ ਹੈ ਜੀ’ ਅਤੇ ‘ਨਾਗਿਨ 4’ ਸਮੇਤ ਕਈ ਟੀਵੀ ਸ਼ੋਅਜ਼ ਵਿੱਚ ਕੰਮ ਕੀਤਾ ਹੈ। ਅਦਾਕਾਰਾ ‘ਬਿੱਗ ਬੌਸ 14’ ਵਿੱਚ ਵੀ ਨਜ਼ਰ ਆਈ ਸੀ। ਇੱਥੋਂ ਉਸ ਨੂੰ ਹੋਰ ਪ੍ਰਸਿੱਧੀ ਮਿਲੀ ਅਤੇ ਉਹ ਕਰੋੜਾਂ ਲੋਕਾਂ ਦੀ ਚਹੇਤੀ ਬਣ ਗਈ।
ਹਾਲਾਂਕਿ ਜੈਸਮੀਨ ਜਲਦ ਹੀ ਬਾਲੀਵੁੱਡ ‘ਚ ਡੈਬਿਊ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਉਹ ਬਾਲੀਵੁੱਡ ਦੇ ਦਿੱਗਜ ਫਿਲਮਕਾਰ ਮਹੇਸ਼ ਭੱਟ ਅਤੇ ਵਿਕਰਮ ਭੱਟ ਨਾਲ ਬਾਲੀਵੁੱਡ ‘ਚ ਡੈਬਿਊ ਕਰਨ ਜਾ ਰਹੀ ਹੈ। ਰਿਪੋਰਟ ਮੁਤਾਬਕ ਇਸ ਫਿਲਮ ਦਾ ਨਾਂ ਅਜੇ ਤੈਅ ਨਹੀਂ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜੈਸਮੀਨ ਭਸੀਨ ਇਸ ਦੀ ਸ਼ੂਟਿੰਗ ਜੁਲਾਈ ਮਹੀਨੇ ‘ਚ ਸ਼ੁਰੂ ਕਰੇਗੀ। ਇਸ ਫਿਲਮ ਦਾ ਨਿਰਮਾਣ ਲੋਨਰੇਂਜਰ ਅਤੇ ਜ਼ੀ ਦੁਆਰਾ ਕੀਤਾ ਜਾ ਰਿਹਾ ਹੈ। ਇਸ ਅਨਟਾਈਟਲ ਫਿਲਮ ਦਾ ਨਿਰਦੇਸ਼ਨ ਮਨੀਸ਼ ਚਵਾਨ ਕਰਨਗੇ। ਬਤੌਰ ਨਿਰਦੇਸ਼ਕ ਮਨੀਸ਼ ਦੀ ਇਹ ਪਹਿਲੀ ਫਿਲਮ ਹੋਵੇਗੀ। ਦੱਸ ਦੇਈਏ ਕਿ ਜੈਸਮੀਨ ਭਸੀਨ ਨੇ ਹਾਲ ਹੀ ‘ਚ ਆਪਣੀ ਪੰਜਾਬੀ ਡੈਬਿਊ ਫਿਲਮ ‘ਹਨੀਮੂਨ’ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ, ਜਿਸ ‘ਚ ਗਿੱਪੀ ਗਰੇਵਾਲ ਵੀ ਹਨ।
ਸ਼ੋਅ ਦੇ ਬੰਦ ਹੋਣ ਤੋਂ ਬਾਅਦ, ਅਲੀ ਗੋਨੀ ਅਤੇ ਜੈਸਮੀਨ ਭਸੀਨ ਲੰਬੀ ਛੁੱਟੀ ‘ਤੇ ਇਕੱਠੇ ਰਹੇ। ਜੈਸਮੀਨ ਨੇ ਜੰਮੂ ‘ਚ ਅਲੀ ਦੇ ਘਰ ਕਾਫੀ ਸਮਾਂ ਬਿਤਾਇਆ। ਹਾਲ ਹੀ ‘ਚ ਅਲੀ ਗੋਨੀ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਨ੍ਹਾਂ ਨੇ ਸੰਕੇਤ ਦਿੱਤਾ ਹੈ ਕਿ ਉਹ ਅਤੇ ਜੈਸਮੀਨ ਵਿਆਹ ਕਰਨ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ ਅਲੀ ਗੋਨੀ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਸੀ। ਅਲੀ ਗੋਨੀ ਅਤੇ ਜੈਸਮੀਨ ਭਸੀਨ ਚੰਗੇ ਦੋਸਤ ਹਨ। ਦੋਵੇਂ ਆਪਣੇ-ਆਪਣੇ ਕਰੀਅਰ ਵਿੱਚ ਅੱਗੇ ਕੁਝ ਚੰਗੇ ਪ੍ਰੋਜੈਕਟਾਂ ਦੀ ਤਲਾਸ਼ ਕਰ ਰਹੇ ਹਨ। ਜੈਸਮੀਨ ਨੂੰ ਮੁਕੇਸ਼ ਭੱਟ ਨਾਲ ਕੰਮ ਕਰਨ ਦਾ ਵੱਡਾ ਮੌਕਾ ਮਿਲਿਆ ਹੈ, ਜਿਸ ਕਾਰਨ ਉਹ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ।
