Kangna Ranaut’s Another Tweet : ਕੰਗਨਾ ਰਣੌਤ ਆਪਣੇ ਬਿਆਨਾਂ ਕਰਕੇ ਹਮੇਸ਼ਾ ਤੋਂ ਹੀ ਚਰਚਾ ਵਿੱਚ ਰਹੀ ਹੈ । ਪਿੱਛਲੇ ਕੁੱਝ ਦਿਨਾਂ ਤੋਂ ਕਿਸਾਨਾਂ ਦੇ ਮੁੱਦੇ ਨੂੰ ਲੈ ਕੇ ਕੰਗਨਾਂ ਰਣੌਤ ਕਾਫੀ ਚਰਚਾ ਵਿੱਚ ਹੈ । ਇਹਨਾ ਸਭ ਤੋਂ ਬਾਅਦ ਕੰਗਨਾਂ ਨੇ ਅੱਜ ਭਾਰਤ ਬੰਦ ਨੂੰ ਲੈ ਕੇ ਇੱਕ ਹੋਰ ਟਵੀਟ ਕੀਤਾ ਹੈ । ਕੰਗਨਾਂ ਦਾ ਇਹ ਟਵੀਟ ਕਾਫੀ ਚਰਚਾ ਵਿੱਚ ਹੈ ਕਾਫੀ ਵਾਇਰਲ ਹੋ ਰਿਹਾ ਹੈ । ਕੰਗਨਾਂ ਨੇ ਇਸ ਟਵੀਟ ਦੇ ਨਾਲ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ ।
ਕੰਗਨਾਂ ਨੇ ਟਵੀਟ ਕਰਕੇ ਲਿਖਿਆ ਹੈ ਕਿ ‘ਆਓ ਭਾਰਤ ਨੂੰ ਬੰਦ ਕਰ ਦਿੰਦੇ ਹਾਂ । ਉਂਝ ਤਾਂ ਤੁਫਾਨਾਂ ਦੀ ਕੋਈ ਕਮੀ ਨਹੀ ਇਸ ਕਿਸ਼ਤੀ ਨੂੰ ਪਰ ਲਿਆਓ ਕੁਲਹਾੜੀ ਕੁੱਝ ਛੇਦ ਕਰ ਦਿੰਦੇ ਹਾਂ । ਰਹਿ ਰਹਿ ਕੇ ਮਰਦੀ ਹੈ ਹਰ ਉਮੀਦ ਇੱਥੇ , ਦੇਸ਼ਭਗਤਾਂ ਨੂੰ ਕਹੋਂ ਕਿ ਤੁਸੀਂ ਵੀ ਆਪਣੇ ਲਈ ਦੇਸ਼ ਦਾ ਇੱਕ ਟੁੱਕੜਾ ਮੰਗ ਲਵੋ । ਆ ਜਾਓ ਸੜਕ ਤੇ ਅਤੇ ਤੁਸੀ ਵੀ ਧਰਨਾ ਦਵੋ , ਚੱਲੋ ਇਹ ਕਿੱਸਾ ਹੀ ਖਤਮ ਕਰ ਦਿੰਦੇ ਹਾਂ ।
ਦੱਸ ਦੇਈਏ ਕਿ ਕੰਗਨਾਂ ਰਣੌਤ ਆਪਣੇ ਦਿੱਤੇ ਬਿਆਨਾਂ ਕਰਕੇ ਪਿਛਲੇ ਕੁੱਝ ਦਿਨਾਂ ਤੋਂ ਕਾਫੀ ਵਿਵਾਦਾ ਵਿੱਚ ਘਿਰੀ ਹੋਈ ਸੀ । ਉਸ ਨੇ ਅੰਦੋਲਨ ਵਿੱਚ ਆਈ ਬਜੁਰਗ ਮਹਿਲਾ ਨੂੰ 100 ਰੁਪਏ ਲੈ ਕੇ ਆਉਣ ਵਾਲੀ ਅੰਦੋਲਨਕਾਰੀ ਕਿਹਾ ਸੀ । ਕੰਗਨਾਂ ਦੇ ਇਸ ਬਿਆਨ ਦੀ ਲੋਕਾਂ ਨੇ ਕਾਫੀ ਨਿੰਦਿਆ ਕੀਤੀ ਸੀ । ਦਿਲਜੀਤ ਦੋਸਾਂਝ ਨਾਲ ਕੰਗਨਾਂ ਦੀ ਲੜਾਈ ਵੀ ਹੋ ਗਈ ਸੀ । ਹੋਰ ਵੀ ਬਹੁਤ ਸਾਰੇ ਪੰਜਾਬੀ ਕਲਾਕਾਰਾਂ ਨੇ ਇਸ ਦੀ ਨਿੰਦਿਆ ਕੀਤੀ ਸੀ ਅਤੇ ਕੰਗਨਾਂ ਨੂੰ ਜਵਾਬ ਦਿੱਤੇ ਸਨ ।
