khatron ke khiladi-11 first contestant : ਸਾਰੇ ਮੁਕਾਬਲੇਬਾਜ਼ ਇਸ ਸਮੇਂ ਖਤਰੋਂ ਕੇ ਖਿਲਾੜੀ 11 ’ਵਿੱਚ ਹਿੱਸਾ ਲੈਣ ਲਈ ਕੇਪਟਾਊਨ ਸ਼ਹਿਰ ਵਿੱਚ ਹਨ। ਇਸ ਸਟੰਟ ਬੇਸਡ ਰਿਐਲਿਟੀ ਸ਼ੋਅ ਦੀ ਸ਼ੂਟਿੰਗ ਦੱਖਣੀ ਅਫਰੀਕਾ ਵਿੱਚ ਕੀਤੀ ਜਾ ਰਹੀ ਹੈ। ਪ੍ਰਦਰਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਮੁਕਾਬਲੇਬਾਜ਼ਾਂ ਨੂੰ ਉਥੋਂ ਦੀਆਂ ਕਈ ਤਸਵੀਰਾਂ ਪੋਸਟ ਕਰਦੇ ਵੇਖਿਆ ਗਿਆ। ਇਸ ਦੌਰਾਨ ਐਲੀਮਿਨੇਸ਼ਨ ਨਾਲ ਜੁੜੀ ਇਕ ਖ਼ਬਰ ਸਾਹਮਣੇ ਆਈ ਹੈ।
ਜਾਣਕਾਰੀ ਲਈ ਦਾਸ ਦਈਏ ਕਿ, ‘ਖਤਰੋਂ ਕੇ ਖਿਲਾੜੀ’ ਸੀਜ਼ਨ 11 ਦਾ ਪਹਿਲਾ ਐਲੀਮਿਨੇਸ਼ਨ ਹੋ ਗਿਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਵਿਸ਼ਾਲ ਆਦਿੱਤਿਆ ਸਿੰਘ ਬਾਹਰ ਹੋ ਗਿਆ ਹੈ। ਵਿਸ਼ਾਲ ਆਦਿੱਤਿਆ ਸਿੰਘ, ਨਿੱਕੀ ਤੰਬੋਲੀ ਅਤੇ ਅਨੁਸ਼ਕਾ ਸੇਨ ਪਹਿਲੇ ਟਾਸਕ ਤੋਂ ਬਾਅਦ ਆਖਰੀ ਤਿੰਨ ਖਿਡਾਰੀ ਸਨ। ਇਹਨਾਂ ਤਿੰਨਾਂ ਖਿਡਾਰੀਆਂ ਵਿੱਚੋ ਵਿਸ਼ਾਲ ਆਦਿੱਤਿਆ ਸਿੰਘ ਐਲੀਮਿਨੇਟ ਹੋ ਗਏ ਹਨ।
ਵਿਸ਼ਾਲ ਨੂੰ ‘ਬਿੱਗ ਬੌਸ 13’ ‘ਚ ਦੇਖਿਆ ਗਿਆ ਸੀ। ਸ਼ੋਅ ਵਿੱਚ ਉਹ ਆਪਣੀ ਸਾਬਕਾ ਪ੍ਰੇਮਿਕਾ ਮਧੁਰਿਮਾ ਨਾਲ ਵਿਵਾਦਾਂ ਕਾਰਨ ਚਰਚਾ ਵਿੱਚ ਰਿਹਾ ਸੀ। ਮਧੁਰਿਮਾ ਨੇ ਉਸ ਨੂੰ ਪੈਨ ਨਾਲ ਕੁੱਟਿਆ ਸੀ ।ਇਕ ਰਿਪੋਰਟ ਦੇ ਅਨੁਸਾਰ ਸ਼ੋਅ ਦੇ ਨਿਰਮਾਤਾਵਾਂ ਨੇ ਆਪਣੀਆਂ ਯੋਜਨਾਵਾਂ ਬਦਲੀਆਂ ਹਨ ਅਤੇ ਜਲਦੀ ਹੀ ਸ਼ੂਟਿੰਗ ਖਤਮ ਹੋ ਜਾਵੇਗੀ। ਪੁਰੀ ਟੀਮ ਦੀ ਪਹਿਲਾਂ 22 ਜੂਨ ਨੂੰ ਭਾਰਤ ਵਾਪਸੀ ਸੀ। ਪੂਰੇ ਕਰੂ ਦੀਆਂ ਵਾਪਸੀ ਦੀਆਂ ਟਿਕਟਾਂ ਪਹਿਲਾਂ ਤੋਂ ਹੀ ਬੁੱਕ ਕੀਤੀਆਂ ਗਈਆਂ ਸਨ ਅਤੇ ਸ਼ੋਅ ਦੇ ਸਟੰਟ ਉਸ ਅਨੁਸਾਰ ਯੋਜਨਾਬੱਧ ਕੀਤੇ ਗਏ ਸਨ। ਸ਼ੋਅ ਦੇ ਸੂਤਰਾਂ ਨੇ ਦੱਸਿਆ ਕਿ ਦੁਨੀਆ ਭਰ ਵਿਚ ਵੱਧ ਰਹੇ ਕੋਰੋਨਾ ਦੀ ਲਾਗ ਕਾਰਨ ਪਹਿਲਾਂ ਦੀਆਂ ਯੋਜਨਾਵਾਂ ਵਿਚ ਤਬਦੀਲੀ ਕੀਤੀ ਗਈ ਹੈ ਅਤੇ ਸਮੁੱਚੇ ਸਮੂਹ ਨੂੰ ਜਲਦੀ ਤੋਂ ਜਲਦੀ ਭਾਰਤ ਪਰਤਣ ਲਈ ਕਿਹਾ ਗਿਆ ਹੈ।
ਇਹ ਵੀ ਦੇਖੋ : ਨੀਮ ਹਕੀਮ ਤੋਂ ਦਵਾਈ ਲੈਣ ਵਾਲੇ ਅਤੇ ਸ਼ੂਗਰ ਦੇ ਮਰੀਜ਼ ਸਾਵਧਾਨ ! Black Fungus ਦਾ ਵਧਿਆ ਖ਼ਤਰਾ !
