ਚੰਡੀਗੜ੍ਹ : ਇਸ ਸਾਲ ਦੀ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਪੰਜਾਬੀ ਫਿਲਮਾਂ ਵਿੱਚੋਂ ਇੱਕ, ‘ਕਿਸਮਤ-2’ ਸਾਲ 2018 ਦੀ ਬਲਾਕਬਸਟਰ ਕਿਸਮਤ ਦਾ ਸੀਕਵਲ-ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਜਾਨੀ ਅਤੇ ਬੀ ਪਰਾਕ ਦੀ ਸ਼ਾਨਦਾਰ ਸੰਗੀਤ ਜੋੜੀ ਨੂੰ ਲੋਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਫਿਲਮ ਦੇ ਗਾਣੇ ਦਰਸ਼ਕਾਂ ਨੂੰ ਨੱਚਣ ਲਈ ਮਜਬੂਰ ਕਰ ਦੇਣਗੇ।
ਰੂਹ ਨੂੰ ਸ਼ਾਂਤ ਕਰਨ ਵਾਲੀ ‘ਜਨਮ’ ਤੋਂ ਬਾਅਦ, ‘ਕਿਸਮਤ-2 ‘ਦੇ ਨਿਰਮਾਤਾਵਾਂ ਨੇ ਇੱਕ ਮਜ਼ੇਦਾਰ ਅਤੇ ਆਨੰਦਮਈ ਡਾਂਸ ਟਰੈਕ ਜਾਰੀ ਕੀਤਾ ਹੈ ਜਿਸਨੂੰ ‘ਅਖੀਆਂ’ ਕਿਹਾ ਜਾਂਦਾ ਹੈ, ਜਿਸਨੂੰ ਜਾਨੀ ਨੇ ਲਿਖਿਆ ਹੈ ਅਤੇ ਬੀ ਪ੍ਰਾਕ ਦੁਆਰਾ ਤਿਆਰ ਕੀਤਾ ਗਿਆ ਹੈ। ‘ਅੱਖੀਆਂ’ ਨੂੰ ਗਾਇਕ ਅਫਸਾਨਾ ਖਾਨ ਅਤੇ ਐਮੀ ਵਿਰਕ ਨੇ ਗਾਇਆ ਹੈ, ਜੋ ਫਿਲਮ ਦੇ ਮੁੱਖ ਨਾਇਕ ਵੀ ਹਨ। ਐਮੀ ਵਿਰਕ ਅਤੇ ਕਿਸਮਤ 2 ਦੀ ਮੁੱਖ ਨਾਇਕਾ ਸਰਗੁਣ ਮਹਿਤਾ ਦੋਵਾਂ ‘ਤੇ ਫਿਲਮਾਇਆ ਗਿਆ ਗਿਆ ਹੈ, ਜੋ ਅਰਵਿੰਦ ਠਾਕੁਰ ਦੁਆਰਾ ਕੋਰੀਓਗ੍ਰਾਫੀ ਕੀਤਾ ਗਿਾ ਹੈ।
‘ਤੇਰੀ ਅੱਖੀਆਂ’ ਇੱਕ ਕਲੱਬ ਗੀਤ ਹੈ ਅਤੇ ਫਿਲਮ ਦੇ ਕਿਰਦਾਰਾਂ ‘ਬਾਣੀ’ ਅਤੇ ‘ਸ਼ਿਵ’ ਦਰਮਿਆਨ ਵਧੀਆ ਕੈਮਿਸਟਰੀ ਦੇਖਣ ਨੂੰ ਮਿਲੇਗੀ। ਦੁਨੀਆ ਭਰ ਵਿੱਚ 23 ਸਤੰਬਰ ਨੂੰ ‘ਕਿਸਮਤ-2’ ਰਿਲੀਜ਼ ਹੋਵੇਗੀ ਜਿਸ ਨੂੰ ਜਗਦੀਪ ਸਿੱਧੂ ਵੱਲੋਂ ਨਿਰਦੇਸ਼ਿਤ ਕੀਤਾ ਗਿਆ ਹੈ। ਇਸ ਦਾ ਨਿਰਮਾਣ ਅੰਕਿਤ ਵਿਜਨ, ਨਵਦੀਪ ਨਰੂਲਾ ਅਤੇ ਜ਼ੀ ਸਟੂਡੀਓ ਦੁਆਰਾ ਕੀਤਾ ਗਿਆ ਹੈ।
