Mansi Sharma shared video : ਮਾਨਸੀ ਸ਼ਰਮਾ ਨੇ ਆਪਣੇ ਬੇਟੇ ਹਰੀਦਾਨ ਯੁਵਰਾਜ ਹੰਸ ਦੀ ਇੱਕ ਵੀਡੀਓ ਸਾਂਝੀ ਕੀਤੀ ਹੈ । ਇਸ ਵੀਡੀਓ ‘ਚ ਹਰੀਦਾਨ ਸ੍ਰੀ ਗੁਰੂ ਗ੍ਰੰਥ ਜੀ ਦੀ ਹਜ਼ੂਰੀ ‘ਚ ਬੈਠਾ ਹੋਇਆ ਹੈ । ਇਸ ਦੌਰਾਨ ਯੁਵਰਾਜ ਹੰਸ ਹਰੀਦਾਨ ਨੂੰ ਜੈ ਬਾਬੇ ਦੀ ਕਹਿਣ ਲਈ ਆਖਦੇ ਹਨ । ਜਿਸ ਤੋਂ ਬਾਅਦ ਹਰੀਦਾਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ ‘ਚ ਆਪਣਾ ਸਿਰ ਝੁਕਾ ਕੇ ਮੱਥਾ ਟੇਕਦਾ ਹੋਇਆ ਦਿਖਾਈ ਦੇ ਰਿਹਾ ਹੈ ।
ਇਸ ਵੀਡੀਓ ਨੂੰ ਮਾਨਸੀ ਅਤੇ ਯੁਵਰਾਜ ਦੇ ਪ੍ਰਸ਼ੰਸਕਾਂ ਵੱਲੋਂ ਪਸੰਦ ਕੀਤਾ ਜਾ ਰਿਹਾ ਹੈ । ਯੁਵਰਾਜ ਹੰਸ ਦੇ ਘਰ ਬੀਤੇ ਸਾਲ ਮਈ ‘ਚ ਹਰੀਦਾਨ ਦਾ ਜਨਮ ਹੋਇਆ ਹੈ । ਜਿਸ ਤੋਂ ਬਾਅਦ ਇਸ ਜੋੜੀ ਵੱਲੋਂ ਲਗਾਤਾਰ ਹਰੀਦਾਨ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਜਾ ਰਹੀਆਂ ਹਨ ।
ਯੁਵਰਾਜ ਹੰਸ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਕਈ ਹਿੱਟ ਉਹ ਗਾ ਚੁੱਕੇ ਹਨ ਅਤੇ ਗਾਇਕੀ ਦੇ ਨਾਲ ਨਾਲ ਉਨ੍ਹਾਂ ਨੇ ਅਦਾਕਾਰੀ ਦੇ ਖੇਤਰ ‘ਚ ਵੀ ਮੱਲਾਂ ਮਾਰੀਆਂ ਹਨ ।ਜਲਦ ਹੀ ਉਹ ਪ੍ਰਭ ਗਿੱਲ ਅਤੇ ਹਰੀਸ਼ ਵਰਮਾ ਦੇ ਨਾਲ ‘ਯਾਰ ਅਣਮੁੱਲੇ ਰਿਟਰਨ’ ‘ਚ ਨਜ਼ਰ ਆਉਣਗੇ । ਦਰਸ਼ਕਾਂ ਨੂੰ ਉਹਨਾਂ ਦਾ ਕਿਰਦਾਰ ਬਹੁਤ ਪਸੰਦ ਆਓਂਦਾ ਹੈ ਇਸ ਤੋਂ ਪਹਿਲਾ ਉਹਨਾਂ ਦਾ ਲਹੌਰੀਏ ਫ਼ਿਲਮ ਵਿਚ ਕੰਮ ਵੀ ਦਰਸ਼ਕਾਂ ਨੂੰ ਖੂਬ ਪਸੰਦ ਆਇਆ ਸੀ ।
