sharry mann live on : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਸ਼ੈਰੀ ਮਾਨ ਜਿਹਨਾਂ ਨੇ ਪੰਜਾਬੀ ਇੰਡਸਟਰੀ ਵਿੱਚ ਬਹੁਤ ਨਾਮ ਕਮਾਇਆ ਹੈ। ਦੱਸਣਯੋਗ ਹੈ ਕਿ ਉਹ ਸੋਸ਼ਲ ਮੀਡੀਆ ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਕੋਰੋਨਾ ਕਾਲ ਦੇ ਵਿੱਚ ਉਹ ਆਪਣੇ ਪ੍ਰਸ਼ੰਸਕਾਂ ਦਾ ਸੋਸ਼ਲ ਮੀਡੀਆ ਦੇ ਰਾਹੀਂ ਕਾਫੀ ਹੌਂਸਲਾ ਅਫਜਾਈ ਕਰ ਰਹੇ ਹਨ। ਹਾਲ ਹੀ ਵਿੱਚ ਸ਼ੈਰੀ ਮਾਨ ਨੇ ਆਪਣੇ ਸੋਸ਼ਲ ਮੀਡੀਆ ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ ਜੋ ਕਿ ਉਹਨਾਂ ਦਾ ਲਾਈਵ ਸੀ।
ਜਿਸ ਦੇ ਵਿਚ ਉਹਨਾਂ ਨੇ ਪੰਜਾਬੀ ਇੰਡਸਟਰੀ ਦੇ ਵਿੱਚ ਹੋ ਰਹੀਆਂ ਲੜਾਈਆਂ ਨੂੰ ਲੈ ਕੇ ਆਪਣਾ ਪੱਖ ਰੱਖਿਆ ਹੈ। ਉਹਨਾਂ ਨੇ ਕਿਹਾ – ਉਹ ਸਿਰਫ ਲੋਕਾਂ ਦੇ ਵਿੱਚ ਪੋਸਿਟੀਵਿਟੀ ਫੈਲਾਉਣ ਲਈ ਲਾਈਵ ਹੋਏ ਹਨ। ਅੱਜ ਜੋ ਵੀ ਦੁਨੀਆਂ ਦੇ ਵਿੱਚ ਹੋ ਰਿਹਾ ਹੈ ਕੋਰੋਨਾ ਵਾਇਰਸ ਦੇ ਨਾਲ ਲੋਕ ਮੱਰ ਰਹੇ ਹਨ ਇਸ ਸਭ ਦੇ ਚਲਦੇ ਸਾਨੂੰ ਪੋਸਿਟੀਵ ਰਹਿਣ ਦੀ ਲੋੜ ਹੈ। ਉਹਨਾਂ ਨੇ ਗੈਰੀ ਸੰਧੂ ਦੇ ਵਲੋਂ ਕੀਤੇ ਗਏ ਕੰਮੈਂਟ ਨੂੰ ਲੈ ਕੇ ਆਪਣਾ ਪੱਖ ਰੱਖਦੇ ਹੋਏ ਕਿਹਾ ਕਿ – ਹਰ ਇੱਕ ਬੰਦਾ ਅੱਜ ਆਪਣੀ ਮਿਹਨਤ ਸਦਕਾ ਹੀ ਮੁਕਾਮ ਤੇ ਪਹੁੰਚੇ ਹਨ। ਰਾਤੋਂ ਰਾਤ ਕਿਸੇ ਨੂੰ ਵੀ ਸ਼ੋਹਰਤ ਨਹੀਂ ਮਿਲਦੀ।
ਉਹਨਾਂ ਕਿਹਾ ਗੈਰੀ ਨੇ ਇਹ ਗੱਲ ਹਵਾ ਵਿੱਚ ਕਹਿ ਦਿੱਤੀ ਹੈ ਤੇ ਹਵਾ ਵਿੱਚ ਇਨਸਾਨ ਬਹੁਤ ਕੁੱਝ ਕਹਿ ਦਿੰਦਾ ਹੈ। ਉਹਨਾਂ ਕਿਹਾ ਕਿ ਜੇਕਰ ਕਿਸੇ ਨੇ ਸੁਲਾਹ ਕਰਨੀ ਹੈ ਤਾ ਉਹ ਦਫਤਰ ਦੇ ਵਿੱਚ ਆ ਸਕਦੇ ਹਨ ਤੇ ਬੈਠ ਕੇ ਰਾਜੀਨਾਮਾ ਆਪਾ ਕਰਵਾ ਸਕਦੇ ਹਾਂ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਸ਼ੈਰੀ ਨੇ ਸੋਸ਼ਲ ਮੀਡੀਆ ਤੇ ਪੋਸਟ ਸਾਂਝੀ ਕੀਤੀ ਹੋਈ ਹੈ। ਜਿਸ ਵਿੱਚ ਉਹਨਾਂ ਨੇ ਕਿਹਾ ਕਿ – ਪਿਆਰੀ ਜਨਤਾ ਇਨਸਾਫ ਕਰੋ। ਲੜਾਈ – ਲੜਾਈ ਮੁਆਫ ਕਰੋ। ਸਾਰੇ ਆਪਣੇ ਭਰਾ ਹਨ ਜਿਹੜੇ ਵੀ ਲੜੇ ਹਨ। ਸਭ ਕੁੱਝ ਭੁੱਲ ਜਾਵੋ। ਸ਼ੈਰੀ ਮਾਨ ਵਲੋਂ ਸਾਂਝੀ ਕੀਤੀ ਗਈ ਲਾਈਵ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ ਤੇ ਇਸ ਤੇ ਬਹੁਤ ਪੋਸਿਟੀਵ ਕਮੈਂਟ ਆ ਰਹੇ ਹਨ।
ਇਹ ਵੀ ਦੇਖੋ : ਕੀ ਤੁਸੀਂ ਵੀ ਜਾਣਦੇ ਹੋ ਬਰਗਾੜੀ ਵਾਲੇ ਪੀਤਾ ਲੱਥ ਨੂੰ, ਦੇਖੋ ਤੇ ਦੱਸੋ ਤੁਹਾਨੂੰ ਕੀ ਲੱਗਦਾ
