Sonu Sood’s new film ‘Kisan’ : ਕੇਂਦਰ ਸਰਕਾਰ ਵੱਲੋਂ ਬਣਾਏ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਚੱਲ ਰਹੇ ਕਿਸਾਨੀ ਅੰਦੋਲਨ ‘ਚ ਪੂਰੇ ਦੇਸ਼ ਵਿਚ ਧਰਨਾ ਪ੍ਰਦਰਸ਼ਨ ਜਾਰੀ ਹੈ। ਦੇਸ਼ ਦੇ ਅੰਨਦਾਤਾ ਨੂੰ ਅਪਣੇ ਹੱਕਾਂ ਲਈ ਸੜਕਾਂ ‘ਤੇ ਕੜਾਕੇ ਦੀ ਠੰਡ ‘ਚ ਜ਼ਿੰਦਗੀ ਜਿਊਣ ਲਈ ਮਜ਼ਬੂਰ ਹੈ । ਕਿਸਾਨਾਂ ਦੇ ਇਸ ਦਰਦ ਨੂੰ ਸੋਨੂੰ ਸੂਦ ਬਿਆਨ ਕਰਨਗੇ । ਜੀ ਹਾਂ ਸੋਨੂੰ ਸੂਦ ਕਿਸਾਨ ਅੰਦੋਲਨ ਤੇ ਛੇਤੀ ਹੀ ਫ਼ਿਲਮ ਲੈ ਕੇ ਆ ਰਹੇ ਹਨ ।
ਇਸ ਫ਼ਿਲਮ ਵਿੱਚ ਸੋਨੂੰ ਸੂਦ ਕਿਸਾਨ ਦਾ ਰੋਲ ਅਦਾ ਕਰਨਗੇ, ਫਿਲਮ ਦਾ ਨਾਮ ‘ਕਿਸਾਨ’ ਹੈ। ਸੋਨੂੰ ਸੂਦ ਦੇ ਲੀਡ ਰੋਲ ਵਾਲੀ ਫਿਲਮ ‘ਕਿਸਾਨ’ ਨੂੰ ਈ ਨਿਵਾਸ ਡਾਇਰੈਕਟ ਕਰਨਗੇ। ਹਾਲੇ ਫਿਲਮ ਦੇ ਬਾਕੀ ਕਲਾਕਾਰਾਂ/ਅਦਾਕਾਰਾਂ ਦਾ ਐਲਾਨ ਨਹੀਂ ਹੋਇਆ ਹੈ। ਸੋਨੂੰ ਸੂਦ ਨੂੰ ਮਿਲੀ ਇਸ ਨਵੀਂ ਫਿਲਮ ਦੇ ਲਈ ਬਾਲੀਵੁੱਡ ਦੇ ਮੈਗਾਸਟਾਰ ਅਮਿਤਾਭ ਬੱਚਨ ਨੇ ਵੀ ਸੋਨੂੰ ਨੂੰ ਵਧਾਈ ਦਿੱਤੀ ਹੈ ।
ਅਮਿਤਾਭ ਬੱਚਨ ਨੇ ਅਪਣੇ ਇਕ ਟਵੀਟ ਵਿਚ ਲਿਖਿਆ ਹੈ, ਸੋਨੂੰ ਸੂਦ ਦੇ ਲੀਡ ਰੋਲ ਵਾਲੀ ਅਤੇ ਈ ਨਿਵਾਸ ਦੇ ਡਾਇਰੈਕਸ਼ਨ ‘ਚ ਬਨਣ ਵਾਲੀ ‘ਕਿਸਾਨ’ ਦੇ ਲਈ ਸ਼ੁਭਕਾਮਨਾਵਾਂ।’ਸੋਨੂੰ ਸੂਦ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਹੋਣ ਦੇ ਨਾਲ ਨਾਲ ਬਹੁਤ ਚੰਗੇ ਇਨਸਾਨ ਵੀ ਹਨ । ਉਹ ਅਕਸਰ ਗਰੀਬ ਦੀ ਮੱਦਦ ਕਰਦੇ ਦਿਖਾਈ ਦਿੰਦੇ ਹਨ ਤੇ ਲੋਕ ਉਹਨਾਂ ਦਾ ਬਹੁਤ ਮਾਨ ਸਤਿਕਾਰ ਕਰਦੇ ਹਨ ।
