ਨਿਊਯਾਰਕ ਦੇ ਦਿ ਨਿਊ ਸਕੂਲ ਫਾਰ ਸੋਸ਼ਲ ਰਿਸਰਚ ਅਤੇ ਬੰਗਲਾਦੇਸ਼ ਦੀ ਸ਼ਾਹਜਲਾਲ ਯੂਨੀਵਰਸਿਟੀ ਦੀ ਇਕ ਖੋਜ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਜਲਵਾਯੂ ਪਰਿਵਰਤਨ ਦਾ ਮਰਦਾਂ ਦੇ ਮੁਕਾਬਲੇ ਔਰਤਾਂ ਦੀ ਉਮਰ ‘ਤੇ ਬੁਰਾ ਪ੍ਰਭਾਵ ਪੈ ਰਿਹਾ ਹੈ। ਜਲਵਾਯੂ ਤਬਦੀਲੀ ਹਰ ਵਿਅਕਤੀ ਦੀ ਜ਼ਿੰਦਗੀ ਦੇ ਔਸਤਨ ਛੇ ਮਹੀਨੇ ਖੋਹ ਰਹੀ ਹੈ। ਜੇਕਰ ਸਾਲਾਨਾ ਔਸਤ ਤਾਪਮਾਨ 1 ਡਿਗਰੀ ਸੈਲਸੀਅਸ ਵਧਦਾ ਹੈ ਤਾਂ ਲੋਕਾਂ ਦੀ ਉਮਰ ਲਗਭਗ ਸਾਢੇ ਪੰਜ ਮਹੀਨੇ ਘੱਟ ਜਾਵੇਗੀ।
ਖੋਜ ਵਿੱਚ ਪਾਇਆ ਗਿਆ ਕਿ ਜੇਕਰ ਸਾਲਾਨਾ ਜਲਵਾਯੂ ਪਰਿਵਰਤਨ ਸੂਚਕਾਂਕ ਵਿੱਚ 10 ਅੰਕਾਂ ਦਾ ਵਾਧਾ ਹੁੰਦਾ ਹੈ, ਤਾਂ ਪੁਰਸ਼ਾਂ ਦੀ ਉਮਰ 5 ਮਹੀਨੇ ਅਤੇ ਔਰਤਾਂ ਦੀ ਉਮਰ 7 ਮਹੀਨਿਆਂ ਤੱਕ ਘੱਟ ਜਾਵੇਗੀ। ਖੋਜੀਆਂ ਅਮਿਤ ਰਾਏ ਨੇ ਖੋਜ ਵਿੱਚ 1940 ਤੋਂ 2020 ਦਰਮਿਆਨ 191 ਦੇਸ਼ਾਂ ਵਿੱਚ ਤਾਪਮਾਨ, ਮੀਂਹ ਅਤੇ ਜੀਵਨ ਸੰਭਾਵਨਾ ਨਾਲ ਸਬੰਧਤ ਅੰਕੜਿਆਂ ਦਾ ਵਿਸ਼ਲੇਸ਼ਣ ਕੀਤਾ ਹੈ। ਉਨ੍ਹਾਂ ਦੇ ਅਧਿਐਨ ਦੇ ਨਤੀਜੇ ਪੀਐਲਓਐਸ ਕਲਾਈਮੇਟ ਜਰਨਲ ਵਿੱਚ ਪ੍ਰਕਾਸ਼ਤ ਹੋਏ ਹਨ।
ਆਲਮੀ ਪੱਧਰ ‘ਤੇ ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵ ਕਈ ਤਰੀਕਿਆਂ ਨਾਲ ਦਿਖਾਈ ਦੇ ਰਹੇ ਹਨ। ਖੋਜ ਮੁਤਾਬਕ ਜਲਵਾਯੂ ‘ਚ ਤੇਜ਼ੀ ਨਾਲ ਬਦਲਾਅ ਦਾ ਭੋਜਨ, ਪਾਣੀ, ਹਵਾ ਅਤੇ ਮੌਸਮ ‘ਤੇ ਮਾੜਾ ਅਸਰ ਪੈ ਰਿਹਾ ਹੈ। ਇੰਨਾ ਹੀ ਨਹੀਂ ਸਥਿਤੀ ਹੌਲੀ-ਹੌਲੀ ਖਤਰਨਾਕ ਹੁੰਦੀ ਜਾ ਰਹੀ ਹੈ। ਵਿਗਿਆਨੀਆਂ ਦਾ ਅੰਦਾਜ਼ਾ ਹੈ ਕਿ 2030 ਤੋਂ 2050 ਦਰਮਿਆਨ ਜਲਵਾਯੂ ਤਬਦੀਲੀ ਹਰ ਸਾਲ 2.5 ਲੱਖ ਲੋਕਾਂ ਦੀ ਮੌਤ ਦਾ ਕਾਰਨ ਬਣੇਗੀ।
ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਜਲਵਾਯੂ ‘ਚ ਬਦਲਾਅ ਕਾਰਨ ਹਰ ਸਾਲ ਗਲੋਬਲ ਆਮਦਨ ‘ਚ 400 ਕਰੋੜ ਡਾਲਰ ਤੋਂ ਜ਼ਿਆਦਾ ਦਾ ਨੁਕਸਾਨ ਹੋਵੇਗਾ। ਜਲਵਾਯੂ ਤਬਦੀਲੀ ਦੇ ਸਿਹਤ ਪ੍ਰਭਾਵਾਂ ਨੂੰ ਸਮਝਣ ਲਈ, ਵਿਗਿਆਨੀਆਂ ਨੇ ਇਸਦੇ ਸਿੱਧੇ ਅਤੇ ਅਸਿੱਧੇ ਪ੍ਰਭਾਵਾਂ ਨੂੰ ਸ਼ਾਮਲ ਕੀਤਾ ਹੈ। ਗਰਮੀ ਦੀ ਲਹਿਰ, ਹੜ੍ਹ, ਸੋਕਾ ਵਰਗੀਆਂ ਆਫ਼ਤਾਂ ਸਿੱਧੇ ਪ੍ਰਭਾਵਾਂ ਵਿੱਚ ਸ਼ਾਮਲ ਸਨ। ਉਸੇ ਸਮੇਂ ਆਰਥਿਕ ਪ੍ਰਣਾਲੀਆਂ ਅਤੇ ਵਾਤਾਵਰਣ ਪ੍ਰਣਾਲੀਆਂ ਨੂੰ ਅਸਿੱਧੇ ਪ੍ਰਭਾਵਾਂ ਦੇ ਅਧੀਨ ਰੱਖਿਆ ਗਿਆ ਹੈ।
ਵਧਦੇ ਤਾਪਮਾਨ ਅਤੇ ਅਸਧਾਰਨ ਬਾਰਿਸ਼ ਦੇ ਪ੍ਰਭਾਵਾਂ ਦਾ ਅਧਿਐਨ ਕਰਨ ਤੋਂ ਇਲਾਵਾ ਇੱਕ ਜਲਵਾਯੂ ਤਬਦੀਲੀ ਸੂਚਕ ਅੰਕ ਵੀ ਤਿਆਰ ਕੀਤਾ ਗਿਆ ਹੈ। ਇਹ ਸੂਚਕਾਂਕ ਜਲਵਾਯੂ ਵਿੱਚ ਤੇਜ਼ ਤਬਦੀਲੀਆਂ ਦੀ ਗੰਭੀਰਤਾ ਨੂੰ ਮਾਪਣ ਲਈ ਤਾਪਮਾਨ ਅਤੇ ਮੀਂਹ ਨੂੰ ਜੋੜਦਾ ਹੈ। ਅਧਿਐਨ ‘ਚ ਸਾਹਮਣੇ ਆਇਆ ਹੈ ਕਿ ਖੇਤੀ ਉਤਪਾਦਨ ‘ਤੇ ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵ ਕਾਰਨ ਖੁਰਾਕੀ ਵਸਤਾਂ ਦੀਆਂ ਕੀਮਤਾਂ ‘ਚ ਤੇਜ਼ੀ ਨਾਲ ਵਾਧਾ ਹੋਵੇਗਾ। ਦੁਨੀਆ ਦੀ ਵੱਡੀ ਆਬਾਦੀ ਨੂੰ ਭੋਜਨ ਸੰਕਟ ਦਾ ਸਾਹਮਣਾ ਕਰਨਾ ਪਵੇਗਾ।
ਇਹ ਵੀ ਪੜ੍ਹੋ : ਕੈਂਸਰ ਨੇ ਇੱਕ ਸਾਲ ‘ਚ 9.1 ਲੱਖ ਲੋਕਾਂ ਦੀ ਲਈ ਜਾਨ, ਭਾਰਤ ਦੇ ਲੋਕ ਵੱਧ ਸ਼ਿਕਾਰ, WHO ਨੇ ਚਿਤਾਇਆ
ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵਾਂ ਤੋਂ ਬਚਣ ਲਈ, ਜੀਵ ਜਾਂ ਤਾਂ ਆਪਣੇ ਆਪ ਨੂੰ ਬਦਲਦੀਆਂ ਸਥਿਤੀਆਂ ਅਨੁਸਾਰ ਢਾਲ ਲੈਣ ਜਾਂ ਆਪਣੀ ਅਸਲੀ ਥਾਂ ਛੱਡ ਦੇਣ। ਨਾਲ ਹੀ ਅਜਿਹੀ ਜਗ੍ਹਾ ‘ਤੇ ਚਲੇ ਜਾਣ, ਜਿਥੇ ਰਹਿਣ ਦੇ ਬਿਹਤਰ ਹਾਲਾਤਾ ਹੋਣ ਅਤੇ ਜਲਵਾਯੂ ਤਬਦੀਲੀ ਦਾ ਅਸਰ ਖੱਟ ਹੋਵੇ। ਅਫਰੀਕਾ, ਏਸ਼ੀਆ ਅਤੇ ਯੂਰਪ ਦੀ ਇੱਕ ਅੰਤਰਰਾਸ਼ਟਰੀ ਟੀਮ ਦੁਆਰਾ ਇੱਕ ਅਧਿਐਨ ਨੇ ਜਲਵਾਯੂ ਪਰਿਵਰਤਨ ਦੇ ਅਨੁਕੂਲਣ ਦੇ ਰੂਪ ਵਿੱਚ ਵਿਸਥਾਪਨ ਦੀ ਸਫਲਤਾ ਨੂੰ ਮਾਪਣ ਲਈ ਤਿੰਨ ਮਾਪਦੰਡਾਂ ਦਾ ਸੁਝਾਅ ਦਿੱਤਾ ਹੈ। ਇਹ ਚੰਗੀ ਸਿਹਤ, ਸਮਾਨਤਾ ਅਤੇ ਸਥਿਰਤਾ ਹਨ। ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ ਵਿਸਥਾਪਨ ਜਲਵਾਯੂ ਜੋਖਮ ਦਾ ਇੱਕ ਪ੍ਰਭਾਵਸ਼ਾਲੀ ਹੱਲ ਹੈ, ਪਰ ਇੱਕ ਸੰਪੂਰਨ ਹੱਲ ਨਹੀਂ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
