ਪਿਛਲੇ ਕੁਝ ਸਾਲਾਂ ਵਿੱਚ ਇੰਟਰਨੈੱਟ ਅਤੇ ਸਮਾਰਟਫ਼ੋਨ ਦੀ ਵਰਤੋਂ ਵਿੱਚ ਵਾਧੇ ਦੇ ਨਾਲ ਹੀ ਸੋਸ਼ਲ ਮੀਡੀਆ ਦਾ ਕ੍ਰੇਜ਼ ਵੀ ਤੇਜ਼ੀ ਨਾਲ ਵਧਿਆ ਹੈ। ਲੋਕ ਸੋਸ਼ਲ ਮੀਡੀਆ ‘ਤੇ ਫੋਟੋਆਂ ਸ਼ੇਅਰ ਕਰਕੇ ਅਤੇ ਵੀਡੀਓ ਬਣਾ ਕੇ ਵੱਖ-ਵੱਖ ਖੇਤਰਾਂ ਵਿੱਚ ਪ੍ਰਸਿੱਧ ਹੋ ਰਹੇ ਹਨ। ਇੰਨਾ ਹੀ ਨਹੀਂ ਅੱਜ ਦੇ ਸਮੇਂ ਵਿੱਚ ਸੋਸ਼ਲ ਮੀਡੀਆ ਵੀ ਬਹੁਤ ਸਾਰੇ ਲੋਕਾਂ ਦੀ ਕਮਾਈ ਦਾ ਮੁੱਖ ਸਾਧਨ ਬਣ ਗਿਆ ਹੈ। ਇਹੀ ਕਾਰਨ ਹੈ ਕਿ ਸੋਸ਼ਲ ਮੀਡੀਆ ਕੰਪਨੀਆਂ ਆਪਣੇ ਐਪਸ ‘ਚ ਯੂਜ਼ਰਸ ਨੂੰ ਨਵੇਂ ਫੀਚਰਸ ਪ੍ਰਦਾਨ ਕਰ ਰਹੀਆਂ ਹਨ।
ਅੱਜ ਇੰਸਟਾਗ੍ਰਾਮ ਇੱਕ ਪ੍ਰਮੁੱਖ ਸੋਸ਼ਲ ਮੀਡੀਆ ਪਲੇਟਫਾਰਮ ਬਣ ਗਿਆ ਹੈ। ਇਹ ਐਪ ਨੌਜਵਾਨਾਂ ‘ਚ ਕਾਫੀ ਮਸ਼ਹੂਰ ਹੈ। ਹੁਣ ਇੰਸਟਾਗ੍ਰਾਮ ਨੇ ਆਪਣੇ ਯੂਜ਼ਰਸ ਨੂੰ 4 ਸ਼ਾਨਦਾਰ ਫੀਚਰਸ ਦਿੱਤੇ ਹਨ। ਸਾਰੇ ਨਵੇਂ 4 ਫੀਚਰ ਯੂਜ਼ਰਸ ਨੂੰ ਇੱਕ ਨਵਾਂ ਚੈਟਿੰਗ ਅਤੇ ਮੈਸੇਜਿੰਗ ਅਨੁਭਵ ਪ੍ਰਦਾਨ ਕਰਨਗੇ। ਆਓ ਤੁਹਾਨੂੰ ਉਨ੍ਹਾਂ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ…
ਪਿੰਨ ਚੈਟ ਫੀਚਰ
ਇੰਸਟਾਗ੍ਰਾਮ ਨੇ ਆਪਣੇ ਯੂਜ਼ਰਸ ਨੂੰ ਪਿਨ ਚੈਟ ਦਾ ਆਪਸ਼ਨ ਦਿੱਤਾ ਹੈ। ਹੁਣ ਯੂਜ਼ਰਸ WhatsApp ਵਾਂਗ ਇੰਸਟਾਗ੍ਰਾਮ ‘ਤੇ ਵੀ ਚੈਟ ਪਿਨ ਕਰ ਸਕਦੇ ਹਨ। ਇਸ ਫੀਚਰ ‘ਚ ਯੂਜ਼ਰ ਚੈਟ ਬਾਕਸ ‘ਚ ਕਿਸੇ ਵੀ 3 ਚੈਟ ਨੂੰ ਪਿੰਨ ਕਰ ਸਕਣਗੇ। ਇਸ ਵਿੱਚ ਨਿੱਜੀ ਚੈਟ ਅਤੇ ਗਰੁੱਪ ਚੈਟ ਵੀ ਸ਼ਾਮਲ ਹੋ ਸਕਦੀ ਹੈ। ਕਿਸੇ ਚੈਟ ਨੂੰ ਪਿੰਨ ਕਰਨ ਲਈ, ਤੁਹਾਨੂੰ ਉਸ ਚੈਟ ਨੂੰ ਖੱਬੇ ਪਾਸੇ ਸਵਾਈਪ ਕਰਨਾ ਹੋਵੇਗਾ, ਇਸ ਤੋਂ ਬਾਅਦ ਤੁਹਾਨੂੰ ਤਿੰਨ ਆਪਸ਼ਨ ਮਿਲਣਗੇ, ਜਿਸ ਵਿੱਚ ਪਿਨ, ਮਿਊਟ ਅਤੇ ਡਿਲੀਟ ਦਾ ਆਪਸ਼ਨ ਹੋਵੇਗਾ। ਪਿੰਨ ਆਪਸ਼ਨ ਨੂੰ ਚੁਣ ਕੇ ਤੁਸੀਂ ਚੈਟ ਨੂੰ ਪਿੰਨ ਕਰ ਸਕੋਗੇ।
ਰੀਡ ਰਿਸਿਪਟ ਫੀਚਰ
ਇੰਸਟਾਗ੍ਰਾਮ ਯੂਜ਼ਰਸ ਕਈ ਸਾਲਾਂ ਤੋਂ ਰੀਡ ਰਿਸਿਪਟ ਫੀਚਰ ਦੀ ਉਡੀਕ ਕਰ ਰਹੇ ਸਨ। ਆਖਿਰਕਾਰ ਹੁਣ ਯੂਜ਼ਰਸ ਦੀ ਉਡੀਕ ਖਤਮ ਹੋ ਗਈ ਹੈ। ਵ੍ਹਾਟਸਐਪ ਦੀ ਤਰ੍ਹਾਂ ਕੰਪਨੀ ਨੇ ਇਸ ‘ਚ ਵੀ ਰਿਸਿਪਟ ਦਾ ਫੀਚਰ ਦਿੱਤਾ ਹੈ। ਜੇਕਰ ਤੁਸੀਂ ਰੀਡ ਰਿਸਿਪਟ ਆਪਸ਼ਵ ਨੂੰ ਬੰਦ ਕਰ ਦਿੰਦੇ ਹੋ, ਤਾਂ ਮੈਸੇਜ ਭੇਜਣ ਵਾਲੇ ਵਿਅਕਤੀ ਨੂੰ ਇਹ ਪਤਾ ਨਹੀਂ ਲੱਗ ਸਕੇਗਾ ਕਿ ਤੁਸੀਂ ਮੈਸੇਜ ਪੜ੍ਹਿਆ ਹੈ ਜਾਂ ਨਹੀਂ।
ਇਸ ਫੀਚਰ ਦੀ ਵਰਤੋਂ ਕਰਨ ਲਈ, ਤੁਹਾਨੂੰ ਆਪਣੇ ਪ੍ਰੋਫਾਈਲ ਆਈਕਨ ‘ਤੇ ਕਲਿੱਕ ਕਰਨਾ ਹੋਵੇਗਾ, ਫਿਰ ਉੱਪਰੀ ਸੱਜੇ ਕੋਨੇ ‘ਤੇ ਹੈਮਬਰਗ ਆਈਕਨ ‘ਤੇ ਕਲਿੱਕ ਕਰੋ। ਹੁਣ ਤੁਹਾਨੂੰ ਸੈਟਿੰਗ ਅਤੇ ਪ੍ਰਾਈਵੇਸੀ ਆਪਸ਼ਨ ‘ਤੇ ਜਾਣਾ ਹੋਵੇਗਾ। ਇੱਥੇ ਤੁਹਾਨੂੰ Messages ਅਤੇ Stories ਦੇ ਆਪਸ਼ਨ ‘ਤੇ Show Read Receipt ਦਾ ਵਿਕਲਪ ਮਿਲੇਗਾ।
ਇਹ ਵੀ ਪੜ੍ਹੋ : ਹੁਣ ਲਾਂਚ ਹੋਣ ਜਾ ਰਿਹਾ 99 ਫੀਸਦੀ ਹਵਾ ਨਾਲ ਬਣਿਆ ਪਰਸ, ਰੰਗ-ਰੂਪ ਸਾਈਜ਼ ਇਸ ਨੂੰ ਬਣਾਉਂਦੀ ਏੇ ਸਭ ਤੋਂ ਖਾਸ
ਚੈਟ ਥੀਮ ਫੀਚਰ
ਇੰਸਟਾਗ੍ਰਾਮ ਯੂਜ਼ਰਸ ਦਾ ਚੈਟਿੰਗ ਅਨੁਭਵ ਪੂਰੀ ਤਰ੍ਹਾਂ ਨਾਲ ਬਦਲਣ ਵਾਲਾ ਹੈ। ਹੁਣ ਯੂਜ਼ਪ ਆਪਣੀ DM ਵਿੰਡੋ ਨੂੰ ਕਸਟਮਾਈਜ਼ ਕਰ ਸਕਦੇ ਹਨ। ਯੂਜ਼ਰ ਹੁਣ DM ਵਿੰਡੋ ‘ਤੇ ਵੱਖ-ਵੱਖ ਥੀਮ ਸੈੱਟ ਕਰ ਸਕਦੇ ਹਨ। ਇੰਸਟਾਗ੍ਰਾਮ ਨੇ ਐਪ ਦੇ ਨਾਲ ਆਪਣੇ ਪਲੇਟਫਾਰਮ ‘ਤੇ ਲਵ, ਲਾਲੀਪੌਪ, ਅਵਤਾਰ ਵਰਗੇ ਕੁਝ ਨਵੇਂ ਥੀਮ ਸ਼ਾਮਲ ਕੀਤੇ ਹਨ।
ਐਡਿਟ ਮੈਸੇਜ ਫੀਚਰ
ਇੰਸਟਾਗ੍ਰਾਮ ਨੇ ਯੂਜ਼ਰਸ ਨੂੰ ਡਾਇਰੈਕਟ ਮੈਸੇਜ ‘ਚ ਇਕ ਵੱਡਾ ਫੀਚਰ ਦਿੱਤਾ ਹੈ। ਹੁਣ DM ਯੂਜ਼ਰਸ ਵੀ ਮੈਸੇਜ ਭੇਜਣ ਤੋਂ ਬਾਅਦ ਉਸ ਨੂੰ ਐਡਿਟ ਕਰ ਸਕਣਗੇ। ਤੁਹਾਨੂੰ ਇਹ ਧਿਆਨ ਵਿੱਚ ਰੱਖਣਾ ਹੋਵੇਗਾ ਕਿ ਤੁਸੀਂ ਮੈਸੇਜ ਨੂੰ ਭੇਜਣ ਤੋਂ ਬਾਅਦ ਸਿਰਫ 15 ਮਿੰਟ ਤੱਕ ਹੀ ਐਡਿਟ ਕਰ ਸਕੋਗੇ। ਜੇਕਰ ਤੁਸੀਂ ਕਿਸੇ ਮੈਸੇਜ ਨੂੰ ਕੁਝ ਦੇਰ ਲਈ ਹੋਲਡ ਕਰਕੇ ਰੱਖਦੇ ਹੋ, ਤਾਂ ਤੁਹਾਨੂੰ ਐਡਿਟ ਆਪਸ਼ਨ ਮਿਲ ਜਾਏਗਾ।
ਵੀਡੀਓ ਲਈ ਕਲਿੱਕ ਕਰੋ -:
