ਅੱਜ ਟੈਕਨਾਲੋਜੀ ਪੂਰੀ ਦੁਨੀਆ ਵਿੱਚ ਫੈਲ ਗਈ ਹੈ। ਲੋਕਾਂ ਦੇ ਜ਼ਿਆਦਾਤਰ ਕੰਮ ਟੈਕਨਾਲੋਜੀ ਦੀ ਮਦਦ ਨਾਲ ਹੋ ਰਹੇ ਹਨ, ਚਾਹੇ ਉਹ ਖਰੀਦਦਾਰੀ ਕਰ ਰਹੇ ਹੋਣ ਜਾਂ ਕਿਤੇ ਜਾ ਰਹੇ ਹੋਣ। ਗੂਗਲ ਮੈਪ ਵੀ ਟੈਕਨਾਲੋਜੀ ਦਾ ਇਕ ਵਧੀਆ ਰੂਪ ਹੈ, ਜਿਸ ਦੀ ਵਰਤੋਂ ਪੂਰੀ ਦੁਨੀਆ ਵਿਚ ਕੀਤੀ ਜਾਂਦੀ ਹੈ। ਇਹ ਲੋਕਾਂ ਨੂੰ ਰਸਤਾ ਦਿਖਾਉਣ ਦਾ ਕੰਮ ਕਰਦਾ ਹੈ। ਆਮ ਤੌਰ ‘ਤੇ ਇਹ ਸਹੀ ਰਸਤਾ ਦਿਖਾਉਂਦਾ ਹੈ ਪਰ ਕਈ ਵਾਰ ਲੋਕ ਗੂਗਲ ਮੈਪ ‘ਚ ਬੁਰੀ ਤਰ੍ਹਾਂ ਫਸ ਜਾਂਦੇ ਹਨ। ਅਜਿਹਾ ਹੀ ਕੁਝ ਜਰਮਨੀ ਦੇ ਕੁਝ ਸੈਲਾਨੀਆਂ ਨਾਲ ਹੋਇਆ ਹੈ। ਗੂਗਲ ਮੈਪ ਨੇ ਉਨ੍ਹਾਂ ਨੂੰ ਇਸ ਤਰ੍ਹਾਂ ਫਸਾਇਆ ਕਿ ਉਹ ਆਸਟ੍ਰੇਲੀਆ ਦੇ ਜੰਗਲ ‘ਚ ਗੁਆਚ ਗਏ।
ਦਰਅਸਲ ਮਾਮਲਾ ਕੁਝ ਅਜਿਹਾ ਹੈ ਕਿ ਦੋ ਜਰਮਨ ਸੈਲਾਨੀ ਫਿਲਿਪ ਮਾਇਰ ਅਤੇ ਮਾਰਸੇਲ ਸ਼ੋਏਨ ਗੂਗਲ ਮੈਪ ਵੱਲੋਂ ਦਿਖਾਏ ਗਏ ਰਸਤੇ ‘ਤੇ ਚੱਲ ਰਹੇ ਸਨ, ਪਰ ਚੱਲਦੇ ਹੋਏ ਉਹ ਸਿੱਧੇ ਆਸਟ੍ਰੇਲੀਆ ਦੇ ਜੰਗਲ ‘ਚ ਪਹੁੰਚ ਗਏ ਅਤੇ ਗੁੰਮ ਹੋ ਗਏ। ਰਿਪੋਰਟ ਮੁਤਾਬਕ ਉਹ ਕੇਰਨਜ਼ ਤੋਂ ਬਮਾਗਾ ਜਾ ਰਹੇ ਸਨ ਅਤੇ ਇਸ ਦੌਰਾਨ ਉਹ ਅਚਾਨਕ ਇੱਕ ਕੱਚੀ ਸੜਕ ‘ਤੇ ਪਹੁੰਚ ਗਏ ਅਤੇ ਇਹ ਸੜਕ ਉਨ੍ਹਾਂ ਨੂੰ ਸਿੱਧੀ ਇੱਕ ਨੈਸ਼ਨਲ ਪਾਰਕ ਵਿੱਚ ਲੈ ਗਈ ਜੋ ਆਮ ਲੋਕਾਂ ਲਈ ਬੰਦ ਸੀ।
ਰਿਪੋਰਟ ਮੁਤਾਬਕ ਉਨ੍ਹਾਂ ਦੀ ਕਾਰ ਬਾਅਦ ਵਿੱਚ ਇੱਕ ਸੁੰਨਸਾਨ ਟ੍ਰੈਕ ‘ਤੇ 37 ਮੀਲ ਦਾ ਸਫ਼ਰ ਕਰਨ ਤੋਂ ਬਾਅਦ ਚਿੱਕੜ ਵਿੱਚ ਫਸ ਗਈ। ਹੁਣ ਨਾ ਤਾਂ ਮੋਬਾਈਲ ਨੈੱਟਵਰਕ ਸੀ ਅਤੇ ਨਾ ਹੀ ਕੋਈ ਹੋਰ ਸਹੂਲਤ ਜਿਸ ਰਾਹੀਂ ਉਹ ਕਿਸੇ ਨੂੰ ਵੀ ਮਦਦ ਲਈ ਬੁਲਾ ਸਕਦਾ ਸੀ। ਅਜਿਹੇ ‘ਚ ਉਹ ਆਪਣੀ ਕਾਰ ਨੂੰ ਜੰਗਲ ‘ਚ ਛੱਡ ਕੇ ਇਕ ਹਫਤੇ ਤੋਂ ਜ਼ਿਆਦਾ ਸਮਾਂ ਪੈਦਲ ਸਫਰ ਕਰਨ ਲਈ ਮਜ਼ਬੂਰ ਹੋ ਗਏ। ਪੈਦਲ ਯਾਤਰਾ ਦੌਰਾਨ ਉਨ੍ਹਾਂ ਨੂੰ ਤੂਫਾਨ ਅਤੇ ਅੱਤ ਦੀ ਗਰਮੀ ਸਮੇਤ ਕਠੋਰ ਮੌਸਮ ਦਾ ਸਾਹਮਣਾ ਕਰਨਾ ਪਿਆ ਅਤੇ ਮਗਰਮੱਛਾਂ ਨਾਲ ਭਰੀ ਨਦੀ ਨੂੰ ਪਾਰ ਕਰਨ ਲਈ ਵੀ ਮਜਬੂਰ ਹੋਣਾ ਪਿਆ, ਜੋ ਉਨ੍ਹਾਂ ਲਈ ਖਤਰਨਾਕ ਸਾਬਤ ਹੋ ਸਕਦਾ ਸੀ।
ਇਹ ਵੀ ਪੜ੍ਹੋ : ਜੇਲ੍ਹ ਅੰਦਰ ਕੈਦੀਆਂ ਦੀ ਹੋਈ ਤੂੰ-ਤੂੰ ਮੈਂ-ਮੈਂ ਵਿਚਾਲੇ ਬੁਰੀ ਤਰ੍ਹਾਂ ਕੁੱਟਿਆ ਕੈਦੀ, ਹਸਪਤਾਲ ‘ਚ ਭਰਤੀ
ਰਿਪੋਰਟਾਂ ਮੁਤਾਬਕ ਇਕ ਹਫਤੇ ਦੀ ਪੈਦਲ ਯਾਤਰਾ ਦੌਰਾਨ ਉਨ੍ਹਾਂ ਜਰਮਨ ਸੈਲਾਨੀਆਂ ਨੂੰ ਅਜਿਹੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਦੀ ਉਨ੍ਹਾਂ ਨੇ ਪਹਿਲਾਂ ਕਦੇ ਉਮੀਦ ਨਹੀਂ ਕੀਤੀ ਸੀ। ਉਨ੍ਹਾਂ ਦੀ ਜ਼ਿੰਦਗੀ ਡਿਸਕਵਰੀ ਸਟੋਰੀ ਵਾਂਗ ਹੋ ਗਈ ਸੀ। ਉਨ੍ਹਾਂ ਨੂੰ ਕੋਏਨ ਸ਼ਹਿਰ ਵਾਪਸ ਜਾਣ ਲਈ ਇੱਕ ਹਫ਼ਤਾ ਲੱਗ ਗਿਆ। ਹਾਲਾਂਕਿ ਇਹ ਖੁਸ਼ਕਿਸਮਤੀ ਵਾਲੀ ਗੱਲ ਹੈ ਕਿ ਦੋਵੇਂ ਸੈਲਾਨੀ ਬਿਲਕੁਲ ਸੁਰੱਖਿਅਤ ਹਨ। ਗੂਗਲ ਦੇ ਪ੍ਰਤੀਨਿਧੀ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
