ਇੰਟਰਨੈੱਟ ਦੀ ਦੁਨੀਆ ਵਿੱਚ ਅੱਜ ਹਰ ਕਿਸੇ ਦੇ ਕਈ ਅਕਾਊਂਟਸ ਹਨ। ਅਜਿਹੀ ਸਥਿਤੀ ਵਿੱਚ ਲੋਕ ਸਾਰੇ ਅਕਾਊਂਟਸ ਲਈ ਇੱਕ ਹੀ ਪਾਸਵਰਡ ਦੀ ਵਰਤੋਂ ਕਰਦੇ ਹਨ, ਪਰ ਇਹ ਬਹੁਤ ਖ਼ਤਰਨਾਕ ਹੈ, ਕਿਉਂਕਿ ਇਸ ਦੁਆਰਾ ਤੁਸੀਂ ਹੈਕਰਾਂ ਅਤੇ ਆਨਲਾਈਨ ਸਕੈਮਰਾਂ ਨੂੰ ਆਪਣੇ ਖਾਤੇ ਵਿੱਚ ਸੰਨ੍ਹ ਲਾਉਣ ਲਈ ਸੱਦਾ ਦੇ ਰਹੇ ਹੋ।
ਸਰਕਾਰ ਦੀ ਇੰਡੀਅਨ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (CERT-in) ਨੇ ਲੋਕਾਂ ਨੂੰ ਦੱਸਿਆ ਹੈ ਕਿ ਪਾਸਵਰਡ ਬਣਾਉਂਦੇ ਸਮੇਂ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ। ਸੀਈਆਰਟੀ ਨੇ ਐਕਸ ‘ਤੇ ਇਕ ਪੋਸਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ ਅਤੇ ਦੱਸਿਆ ਹੈ ਕਿ ਪਾਸਵਰਡ ਬਣਾਉਂਦੇ ਸਮੇਂ ਕੀ ਕਰਨਾ ਚਾਹੀਦਾ ਹੈ ਅਤੇ ਕੀ ਨਹੀਂ ਕਰਨਾ ਚਾਹੀਦਾ।
CERT ਨੇ ਪਾਸਵਰਡ ਲਈ ਇਹ ਸੁਝਾਅ ਦਿੱਤੇ ਹਨ
ਕੀ ਨਹੀਂ ਕਰਨਾ ਹੈ
ਵੱਖ-ਵੱਖ ਖਾਤਿਆਂ ਲਈ ਇੱਕੋ ਪਾਸਵਰਡ ਦੀ ਵਰਤੋਂ ਨਾ ਕਰੋ।
ਪਾਸਵਰਡ ਲਈ ਬਹੁਤ ਜ਼ਿਆਦਾ ਵਰਤੇ ਜਾਣ ਵਾਲੇ ਸ਼ਬਦਾਂ ਦੀ ਚੋਣ ਨਾ ਕਰੋ।
ਪਾਸਵਰਡ ਵਿੱਚ ਪਾਲਤੂ ਜਾਨਵਰ ਦਾ ਨਾਮ, ਗਲੀ ਦਾ ਨਾਮ, ਆਪਣੇ ਪਿੰਡ ਦਾ ਨਾਮ ਨਾ ਵਰਤੋ।
ਛੋਟੇ ਅਤੇ ਆਮ ਪਾਸਵਰਡ ਨਾ ਰੱਖੋ।
ਇਹ ਵੀ ਪੜ੍ਹੋ : ਸਿੱਖ ਸ਼ਰਧਾਲੂਆਂ ਲਈ ਖੁਸ਼ਖਬਰੀ, ਇਸ ਦਿਨ ਤੋਂ ਖੁੱਲ੍ਹਣਗੇ ਸ੍ਰੀ ਹੇਮਕੁੰਟ ਸਾਹਿਬ ਦੇ ਕਪਾਟ
ਕੀ ਕਰੀਏ
ਮਲਟੀ ਫੈਕਟਰ ਆਥੇਂਟਿਕੇਸ਼ਨ ਨੂੰ ਚੁਣੋ।
ਜਦੋਂ ਵੀ ਤੁਸੀਂ ਲੌਗਇਨ ਕਰੋ, ਲੌਗਆਊਟ ਵੀ ਕਰੋ।
ਸਮੇਂ-ਸਮੇਂ ‘ਤੇ ਪਾਸਵਰਡ ਬਦਲਦੇ ਰਹੋ।
ਪਾਸਵਰਡ ਵਿੱਚ ਕੈਪੀਟਲ ਲੇਟਰ, ਸਪੈਸ਼ਲ ਕੈਰੇਕਟਰ ਆਦਿ ਦੀ ਵਰਤੋਂ ਕਰੋ।
ਪਾਸਵਰਡ ਅਜਿਹਾ ਰੱਖੋ ਕਿ ਕੋਈ ਇਸ ਦਾ ਅੰਦਾਜ਼ਾ ਨਾ ਲਗਾ ਸਕੇ।
