ਆਮ ਆਦਮੀ ਪਹਿਲਾਂ ਹੀ ਮਹਿੰਗਾਈ ਤੋਂ ਪ੍ਰੇਸ਼ਾਨ ਹੈ। ਹੁਣ 18 ਜੁਲਾਈ ਤੋਂ ਮਹਿੰਗਾਈ ਦਾ ਵੱਡਾ ਝਟਕਾ ਲੱਗਣ ਵਾਲਾ ਹੈ। ਜੀਐਸਟੀ ਕੌਂਸਲ ਦੀ 28-29 ਜੂਨ ਨੂੰ ਹੋਈ ਮੀਟਿੰਗ ਵਿੱਚ ਲਏ ਗਏ ਫੈਸਲੇ 18 ਜੁਲਾਈ ਤੋਂ ਲਾਗੂ ਹੋਣ ਜਾ ਰਹੇ ਹਨ, ਜਿਸ ਕਰਕੇ ਮਹਿੰਗਾਈ ਹੋਰ ਵਧਣ ਦੀ ਆਸਾਰ ਹੈ।
GST ਕੌਂਸਲ ਨੇ ਆਮ ਆਦਮੀ ਵੱਲੋਂ ਵਰਤੀਆਂ ਜਾਣ ਵਾਲੀਆਂ ਕਈ ਚੀਜ਼ਾਂ ‘ਤੇ ਟੈਕਸ ਰੇਟ ਵਧਾਉਣ ਦਾ ਫੈਸਲਾ ਕੀਤਾ ਹੈ, ਤਾਂ ਕਈ ਚੀਜ਼ਾਂ ‘ਤੇ ਮਿਲਣ ਵਾਲੀ GST ਛੋਟ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਲਈ ਕੁਝ ਅਜਿਹੀਆਂ ਵਸਤੂਆਂ ਹਨ ਜਿਨ੍ਹਾਂ ‘ਤੇ ਜੀਐੱਸਟੀ ਦੀਆਂ ਦਰਾਂ ਵਧਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਇਹ ਫੈਸਲੇ 18 ਜੁਲਾਈ ਤੋਂ ਲਾਗੂ ਹੋਣਗੇ।
ਇਨ੍ਹਾਂ ਚੀਜ਼ਾਂ ‘ਤੇ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ
ਡੱਬਾਬੰਦ ਜਾਂ ਪੈਕਡ ਅਤੇ ਲੇਬਲ ਵਾਲੀ (ਫਰੋਜ਼ਨ ਨੂੰ ਛੱਡ ਕੇ) ਮੱਛੀ, ਦਹੀਂ, ਪਨੀਰ, ਲੱਸੀ, ਸ਼ਹਿਦ, ਸੁੱਕਾ ਮਖਾਨਾ, ਸੁੱਕਾ ਸੋਇਆਬੀਨ, ਮਟਰ, ਕਣਕ ਅਤੇ ਹੋਰ ਅਨਾਜ ਵਰਗੇ ਉਤਪਾਦਾਂ ਅਤੇ ਪਫਡ ਰਾਈਸ ‘ਤੇ ਹੁਣ 5 ਫੀਸਦੀ ਜੀਐਸਟੀ ਲੱਗੇਗਾ।
ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਤੱਕ ਇਨ੍ਹਾਂ ਚੀਜ਼ਾਂ ਨੂੰ ਜੀਐਸਟੀ ਤੋਂ ਛੋਟ ਮਿਲੀ ਹੋਈ ਸੀ। ਬੈਂਕ ਵੱਲੋਂ ਟੈਟਰਾ ਪੈਕ ਅਤੇ ਚੈੱਕ ਜਾਰੀ ਕਰਨ ਦੀ ਸੇਵਾ ‘ਤੇ 18 ਫੀਸਦੀ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ। ਐਟਲਸ ਸਮੇਤ ਨਕਸ਼ਿਆਂ ਅਤੇ ਚਾਰਟ ‘ਤੇ 12 ਫੀਸਦੀ ਜੀਐਸਟੀ ਲਗਾਉਣ ਦਾ ਫੈਸਲਾ ਲਾਗੂ ਹੋਣ ਜਾ ਰਿਹਾ ਹੈ।
ਹੁਣ ਬਾਹਰ ਘੁੰਮਣ ਜਾਣਾ ਤੁਹਾਡੇ ਲਈ ਮਹਿੰਗਾ ਹੋ ਜਾਵੇਗਾ। ਦਰਅਸਲ, ਪਹਿਲਾਂ 1,000 ਰੁਪਏ ਤੋਂ ਘੱਟ ਕਿਰਾਏ ਵਾਲੇ ਕਮਰਿਆਂ ‘ਤੇ ਕੋਈ ਜੀਐਸਟੀ ਨਹੀਂ ਸੀ। ਪਰ 18 ਜੁਲਾਈ, 2022 ਤੋਂ 1,000 ਰੁਪਏ ਪ੍ਰਤੀ ਦਿਨ ਤੋਂ ਘੱਟ ਕਿਰਾਏ ਵਾਲੇ ਹੋਟਲ ਦੇ ਕਮਰਿਆਂ ‘ਤੇ 12 ਫੀਸਦੀ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ ਹਸਪਤਾਲ ਵਿੱਚ ਭਰਤੀ ਮਰੀਜ਼ਾਂ ਲਈ, ਆਈਸੀਯੂ ਨੂੰ ਛੱਡ ਕੇ 5,000 ਰੁਪਏ ਤੋਂ ਵੱਧ ਕਿਰਾਏ ਵਾਲੇ ਕਮਰਿਆਂ ‘ਤੇ ਪੰਜ ਪ੍ਰਤੀਸ਼ਤ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ ਯਾਨੀ ਨਿੱਜੀ ਹਸਪਤਾਲਾਂ ‘ਚ ਇਜਾਜ਼ਤ ਤੁਹਾਡੇ ਲਈ ਮਹਿੰਗੀ ਹੋਣ ਵਾਲੀ ਹੈ।
ਇੰਕ-ਪੈਂਸਿਲ ਸ਼ਾਰਪਨਰ ਹੋਣਗੇ ਮਹਿੰਗਾ
ਬੱਚਿਆਂ ਦੀ ਪੜ੍ਹਾਈ ਨਾਲ ਜੁੜੀਆਂ ਚੀਜ਼ਾਂ ਹੁਣ ਮਹਿੰਗੀਆਂ ਹੋ ਜਾਣਗੀਆਂ। ਜੀਐਸਟੀ ਕੌਂਸਲ ਨੇ ਪ੍ਰਿੰਟਿੰਗ-ਡਰਾਇੰਗ ਇੰਕ, ਪੈਂਸਿਲ ਸ਼ਾਰਪਨਰ, ਐਲਈਡੀ ਲੈਂਪ, ਡਰਾਇੰਗ ਅਤੇ ਮਾਰਕਿੰਗ ਉਤਪਾਦਾਂ, ਚਾਕੂ, ਕਾਗਜ਼ ਕੱਟਣ ਵਾਲੇ ਕਟਰ ‘ਤੇ ਵੀ ਜੀਐਸਟੀ ਦਰ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਵਸਤੂਆਂ ‘ਤੇ 18 ਫੀਸਦੀ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ।
ਸੋਲਰ ਵਾਟਰ ਹੀਟਰ ‘ਤੇ ਹੁਣ 12 ਫੀਸਦੀ ਜੀਐਸਟੀ ਲੱਗੇਗਾ ਜੋ ਪਹਿਲਾਂ 5 ਫੀਸਦੀ ਜੀਐਸਟੀ ਸੀ। ਕੱਟੇ ਜਾਂ ਪਾਲਿਸ਼ ਕੀਤੇ ਹੀਰਿਆਂ ‘ਤੇ 0.25 ਫੀਸਦੀ ਦੀ ਬਜਾਏ 1.5 ਫੀਸਦੀ ਜੀਐਸਟੀ ਅਦਾ ਕਰਨਾ ਹੋਵੇਗਾ। LED ਲੈਂਪ, ਲਾਈਟਾਂ ‘ਤੇ ਵੀ ਹੁਣ 12 ਦੀ ਬਜਾਏ 18 ਫੀਸਦੀ ਜੀਐਸਟੀ ਲੱਗੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
“Fastway ਨੂੰ ਲਗਾ ਗਏ ਲੱਖਾਂ ਦਾ ਚੂਨਾ, ਭਰੋਸਾ ਜਿੱਤਣ ਤੋਂ ਬਾਅਦ ਸੁਣੋ ਕਿਵੇਂ ਕੀਤਾ Fraud, ਪਰ ਹੁਣ ਵਾਪਿਸ ਕਰਨਾ ਪੈਣਾ “
ਹਵਾਈ ਯਾਤਰਾ ‘ਤੇ GST ਛੋਟ ਦੇ ਨਿਯਮਾਂ ‘ਚ ਬਦਲਾਅ
ਬਾਗਡੋਗਰਾ ਤੋਂ ਉੱਤਰ-ਪੂਰਬੀ ਰਾਜਾਂ ਦੀ ਹਵਾਈ ਯਾਤਰਾ ‘ਤੇ ਜੀਐਸਟੀ ਛੋਟ ਹੁਣ ਸਿਰਫ ਇਕਾਨਮੀ ਕਲਾਸ ਵਿਚ ਯਾਤਰਾ ਕਰਨ ਲਈ ਉਪਲਬਧ ਹੋਵੇਗੀ। ਬੈਟਰੀ ਵਾਲੇ ਜਾਂ ਬਿਨਾਂ ਇਲੈਕਟ੍ਰਿਕ ਵਾਹਨਾਂ ‘ਤੇ ਰਿਆਇਤੀ 5 ਫੀਸਦੀ ਜੀਐਸਟੀ ਨੂੰ ਬਰਕਰਾਰ ਰੱਖਿਆ ਗਿਆ ਹੈ। ਰੋਪਵੇਅ ਰਾਹੀਂ ਮਾਲ ਅਤੇ ਯਾਤਰੀਆਂ ਦੀ ਢੋਆ-ਢੁਆਈ ‘ਤੇ ਪਹਿਲਾਂ 18 ਫੀਸਦੀ ਜੀਐਸਟੀ ਲਗਾਇਆ ਜਾਂਦਾ ਸੀ ਪਰ ਹੁਣ 5 ਫੀਸਦੀ ਜੀਐਸਟੀ ਲਗਾਇਆ ਜਾਵੇਗਾ। ਜੀ.ਐੱਸ.ਟੀ. ਕਾਊਂਸਲ ਨੇ ਫੈਸਲਾ ਲਿਆਹੈ ਕਿ ਕਿਰਾਏ ‘ਤੇ ਟਰੱਕ ਲੈਣਾ ਹੁਣ ਸਸਤਾ ਹੋਵੇਗਾ ਜੇ ਉਸ ਵਿੱਚ ਤੇਲ ਦਾ ਖਰਚਾ ਵੀ ਸ਼ਾਮਲ ਹੈ। ਪਹਿਲਾਂ 18 ਫੀਸਦੀ ਜੀਐਸਟੀ ਲੱਗਦਾ ਸੀ, ਹੁਣ 12 ਫੀਸਦੀ ਜੀਐਸਟੀ ਦੇਣਾ ਪਵੇਗਾ।
