ਪ੍ਰਿਅੰਕਾ ਗਾਂਧੀ ਲੋਕ ਸਭਾ ਉਮੀਦਵਾਰ ਡਾ: ਅਮੀਰ ਸਿੰਘ ਦੇ ਸਮਰਥਨ ‘ਚ ਫਤਿਹਗੜ੍ਹ ਸਾਹਿਬ ਅਤੇ ਪਟਿਆਲਾ ‘ਚ ਲੋਕ ਸਭਾ ਉਮੀਦਵਾਰ ਡਾ. ਧਰਮਵੀਰ ਗਾਂਧੀ ਦੇ ਸਮਰਥਨ ‘ਚ ਰੈਲੀ ਕਰਨ ਪਹੁੰਚੇ। ਇਸ ਦੌਰਾਨ ਪ੍ਰਿਅੰਕਾ ਗਾਂਧੀ ਨੇ ਕਿਹਾ ਕਿ ਮੇਰਾ ਵਿਆਹ ਇਕ ਆਮ ਪੰਜਾਬੀ ਪਰਿਵਾਰ ‘ਚ ਹੋਇਆ ਹੈ। ਵੰਡ ਤੋਂ ਬਾਅਦ ਮੇਰੇ ਸਹੁਰੇ ਨੇ ਪੰਜਾਬ ਵਿੱਚ ਆਪਣਾ ਕਾਰੋਬਾਰ ਸ਼ੁਰੂ ਕੀਤਾ। ਮੈਂ ਆਪਣੀ ਸੱਸ ਤੋਂ ਪੰਜਾਬੀਅਤ ਦੀਆਂ ਗੱਲਾਂ ਸਿੱਖੀਆਂ।
ਪ੍ਰਿਯੰਕਾ ਗਾਂਧੀ ਨੇ ਕਿਹਾ ਕਿ ਦੱਸ ਦੇਈਏ ਕਿ ਅਸੀਂ ਆਪਣੇ ਚੋਣ ਮਨੋਰਥ ਪੱਤਰ ਵਿੱਚ ਇਹ ਲਿਖਿਆ ਹੈ। ਪਰ ਅਸਲ ਵਿੱਚ ਅਸੀਂ ਆਪਣੇ ਚੋਣ ਮਨੋਰਥ ਪੱਤਰ ਵਿੱਚ ਲਿਖਿਆ ਹੈ ਕਿ ਅਸੀਂ ਇੱਕ ਗਰੀਬ ਪਰਿਵਾਰ ਦੀ ਬਜ਼ੁਰਗ ਔਰਤ ਨੂੰ 1 ਲੱਖ ਰੁਪਏ ਸਾਲਾਨਾ ਦੇਵਾਂਗੇ। ਹਰ ਔਰਤ ਨੂੰ ਹਰ ਮਹੀਨੇ 8500 ਰੁਪਏ ਦਿੱਤੇ ਜਾਣਗੇ। ਜਿੱਥੇ ਵੀ ਸਾਡੀਆਂ ਸਰਕਾਰਾਂ ਹਨ, ਅਸੀਂ ਅਜਿਹਾ ਕੀਤਾ ਹੈ। ਅਸੀਂ ਤੇਲੰਗਾਨਾ ਅਤੇ ਕਰਨਾਟਕ ਵਿੱਚ ਔਰਤਾਂ ਦੇ ਖਾਤਿਆਂ ਵਿੱਚ ਹਰ ਮਹੀਨੇ 2,000 ਰੁਪਏ ਜਮ੍ਹਾ ਕਰਵਾ ਰਹੇ ਹਾਂ।
ਰਾਜਸਥਾਨ ਵਿੱਚ ਅਸੀਂ 25 ਲੱਖ ਰੁਪਏ ਦਾ ਜੀਵਨ ਬੀਮਾ ਲਾਗੂ ਕੀਤਾ ਹੈ। ਮੈਂ ਰਾਜਸਥਾਨ ਵਿੱਚ ਅਜਿਹੇ ਲੋਕਾਂ ਨੂੰ ਮਿਲਿਆ, ਜਿਨ੍ਹਾਂ ਨੇ ਬਿਨਾਂ ਪੈਸੇ ਦੇ ਕੈਂਸਰ ਦਾ ਇਲਾਜ ਅਤੇ ਅਪਰੇਸ਼ਨ ਕਰਵਾਇਆ। ਅਸੀਂ ਔਰਤਾਂ ਨੂੰ 50 ਫੀਸਦੀ ਰੁਜ਼ਗਾਰ ਦੇਣ ਦੀ ਗੱਲ ਕਰ ਰਹੇ ਹਾਂ। ਅਸੀਂ ਔਰਤਾਂ ਲਈ ਇਹ ਐਲਾਨ ਇਸ ਲਈ ਕਰ ਰਹੇ ਹਾਂ ਕਿਉਂਕਿ ਅਸੀਂ ਔਰਤਾਂ ਦੀ ਮਿਹਨਤ ਨੂੰ ਸਮਝਦੇ ਹਾਂ।
ਉਨ੍ਹਾਂ ਕਿਹਾ ਕਿ ਅਸੀਂ ਔਰਤਾਂ ਨੂੰ ਆਤਮ ਨਿਰਭਰ ਬਣਾਉਣਾ ਚਾਹੁੰਦੇ ਹਾਂ। ਅੱਜ ਦੀ ਔਰਤ ਆਪਣੇ ਪੈਰਾਂ ‘ਤੇ ਖੜ੍ਹਾ ਹੋਣਾ ਚਾਹੁੰਦੀ ਹੈ। ਅਸੀਂ ਚਾਹੁੰਦੇ ਹਾਂ ਕਿ ਉਹ ਕਾਬਲ ਹੋਣ। ਮਿਡ-ਡੇ-ਮੀਲ ਅਤੇ ਆਸ਼ਾ ਵਰਕਰਾਂ ਦੀ ਤਨਖਾਹ ਦੁੱਗਣੀ ਕੀਤੀ ਜਾਵੇ। ਗ੍ਰੈਜੂਏਟ ਜ਼ਿਆਦਾਤਰ ਬੇਰੁਜ਼ਗਾਰ ਹਨ। ਉਨ੍ਹਾਂ ਨੂੰ ਸਾਲ ਭਰ ਸਿਖਲਾਈ ਦੇਣਗੇ ਅਤੇ ਉਨ੍ਹਾਂ ਨੂੰ 1 ਲੱਖ ਰੁਪਏ ਵੀ ਦੇਣਗੇ। ਇਸ ਦੇ ਨਾਲ ਹੀ ਨੌਜਵਾਨਾਂ ਲਈ 5 ਹਜ਼ਾਰ ਕਰੋੜ ਰੁਪਏ ਦਾ ਫੰਡ ਹੋਵੇਗਾ, ਤਾਂ ਜੋ ਤੁਸੀਂ ਆਪਣਾ ਕਾਰੋਬਾਰ ਸ਼ੁਰੂ ਕਰ ਸਕੋ।
ਪ੍ਰਿਅੰਕਾ ਗਾਂਧੀ ਨੇ ਕਿਹਾ ਕਿ ਅਸੀਂ ਟੀਵੀ ‘ਤੇ ਦੇਖ ਰਹੇ ਹਾਂ ਕਿ ਸਾਡੀ ਅਰਥਵਿਵਸਥਾ ਬਹੁਤ ਮਜ਼ਬੂਤ ਹੈ, ਦੇਸ਼ ਅੱਗੇ ਵਧ ਰਿਹਾ ਹੈ। ਕੀ ਅਸੀਂ ਇਹ ਸੁਣ ਕੇ ਆਪਣੀ ਵੋਟ ਪਾਵਾਂਗੇ ਜਾਂ ਇਹ ਸੋਚ ਕੇ ਵੋਟ ਪਾਵਾਂਗੇ ਕਿ ਸਾਡੀ ਜ਼ਿੰਦਗੀ ਵਿਚ ਕੀ ਹੋ ਰਿਹਾ ਹੈ? ਅਸੀਂ ਆਪਣੇ ਦੇਸ਼ ਲਈ ਕੀ ਚਾਹੁੰਦੇ ਹਾਂ, ਭਵਿੱਖ ਵਿੱਚ ਸਾਡੇ ਬੱਚਿਆਂ ਦਾ ਕੀ ਬਣੇਗਾ। ਸੋਚਣ ਵਾਲੀ ਗੱਲ ਹੈ ਕਿ ਜੇ ਕੋਈ ਸਰਕਾਰ ਸਿਰਫ਼ ਸੱਤਾ ਲਈ ਚੱਲਦੀ ਹੈ ਤਾਂ ਸਾਡੇ ਲੋਕਾਂ ਦੀਆਂ ਸਾਰੀਆਂ ਸਮੱਸਿਆਵਾਂ ਅਤੇ ਲੋੜਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ।
ਪ੍ਰਿਅੰਕਾ ਗਾਂਧੀ ਨੇ ਪਟਿਆਲੇ ਵਿੱਚ ਕਿਹਾ ਕਿ ਤੁਸੀਂ ਮੇਰੇ ਸਹੁਰੇ ਹੋ। ਮੇਰਾ ਵਿਆਹ ਇੱਕ ਆਮ ਪੰਜਾਬੀ ਪਰਿਵਾਰ ਵਿੱਚ ਹੋਇਆ ਸੀ। ਮੇਰੇ ਸਹੁਰੇ ਦੇ ਮਾਤਾ-ਪਿਤਾ ਸਿਆਲਕੋਟ ਦੇ ਰਹਿਣ ਵਾਲੇ ਸਨ। ਵੰਡ ਵੇਲੇ ਮੇਰੇ ਸਹੁਰੇ ਨੂੰ ਉਨ੍ਹਾਂ ਦੀ ਮਾਤਾ ਜੀ ਪਿੱਠ ‘ਤੇ ਬੰਨ੍ਹ ਕੇ ਲੁਕਾ ਕੇ ਇਥੇ ਲਿਆਈ ਸੀ। ਇਥੋਂ ਉਨ੍ਹਾਂ ਨੇ ਆਪਣੇ ਕਾਰੋਬਾਰ ਸ਼ੁਰੂ ਕੀਤਾ। ਮੁਰਾਦਾਬਾਦ ਵਿਚ ਪਿੱਤਲ ਦਾ ਕਾਰੋਬਾਰ ਸ਼ੁਰੂ ਕੀਤਾ। 5 ਭਰਾ ਸਨ। ਵੱਡਾ ਪੰਜਾਬੀ ਪਰਿਵਾਰ ਸੀ।
ਉਨ੍ਹਾਂ ਕਿਹਾ ਕਿ ਜਦੋਂ ਮੇਰਾ ਵਿਆਹ ਹੋਇਆ, ਮੈਂ ਇੱਕ ਬਹੁਤ ਹੀ ਵੱਖਰਾ ਸੱਭਿਆਚਾਰ ਦੇਖਿਆ। ਮੇਰੀ ਸੱਸ ਪੰਜਾਬੀ ਨਹੀਂ ਸੀ, ਪਰ ਵਿਆਹ ਤੋਂ ਬਾਅਦ ਉਹ ਵੀ ਆਪਣੀ ਸੱਸ ਤੋਂ ਸਿੱਖੀ। ਇਸ ਲਈ ਮੈਨੂੰ ਕੋਈ ਮੁਫਤ ਆਸਾਨ ਐਂਟਰੀ ਪਾਸ ਨਹੀਂ ਮਿਲਿਆ। ਮੈਂ ਉਨ੍ਹਾਂ ਲਈ ਸਫਾਈ ਕਰ ਦਿੰਦੀ ਸੀ, ਪਲੰਗ ਬਣਾ ਦਿੰਦੀ ਸੀ, ਸੂਟ ਕੇਸ ਵੀ ਬਣਾ ਦਿੰਦੀ ਸੀ। ਖਾਣਾ ਪਕਾ ਦਿੰਦੀ ਸੀ। ਕਿਚਨ ਵੀ ਸੰਭਾਲ ਲੈਂਦੀ ਸੀ। ਮੈਨੂੰ ਲੱਗਦਾ ਸੀ ਕਿ ਮੇਰੀ ਸੱਸ ਖੁਸ਼ ਹੀ ਨਹੀਂ ਹੋ ਰਹੇ ਹਨ। ਮੈਂ ਤਾਂ ਸਭ ਕੁਝ ਕਰ ਰਹੀ ਹਾਂ।
ਇਹ ਵੀ ਪੜ੍ਹੋ : ਲੇਹ ਜਾ ਰਹੀ ਸਪਾਈਸ ਜੈੱਟ ਦੇ ਇੰਜਣ ਨਾਲ ਟਕਰਾਇਆ ਪੰਛੀ, ਦਿੱਲੀ ‘ਚ ਕਰਵਾਈ ਗਈ ਐਮਰਜੈਂਸੀ ਲੈਂਡਿੰਗ
ਤੁਹਾਨੂੰ ਪਤਾ ਹੈ ਕਿਵੇਂ ਲੱਗਦਾ ਹੈ। ਹੌਲੀ-ਹੌਲੀ ਮੈਂ ਘਰ ਦਾ ਰਹਿਣ-ਸਹਿਣ ਦੇਖਿਆ। ਜਦੋਂ ਮਹਿਮਾਨ ਆਉਂਦੇ ਸਨ ਤਾਂ ਮਿਲ ਕੇ ਕਰਨਾ, ਸੇਵਾ ਕਰਨੀ, ਜਿੰਨਾ ਜੇ ਸਕਦੇ ਹੋ ਓਨਾ ਦੇਣਾ। ਜਦੋਂਮਿਹਨਤ ਕਰਨੀ ਹੈ ਤਾਂ ਪੂਰਾ ਪਰਿਵਾਰ ਮਿਹਨਤ ਕਰੇਗਾ। ਸਾਰੇ ਮਿਹਤਨ ਕਰਨਗੇ।
ਜਦੋਂ ਵੀ ਕੋਈ ਮੁਸੀਬਤ ਆਈ ਅਤੇ ਪਰਿਵਾਰ ਵਿੱਚ ਝਗੜਾ ਹੋਇਆ, ਅਸੀਂ ਸਭ ਕੁਝ ਭੁੱਲ ਕੇ ਇਕੱਠੇ ਹੋ ਗਏ। ਮੇਰੀ ਸੱਸ ਨੇ ਕਈ ਮੁਸੀਬਤਾਂ ਵੇਖੀਆਂ। ਉਨ੍ਹਾਂ ਦੇ 2 ਬੱਚੇ ਬਹੁਤ ਛੋਟੀ ਉਮਰ ਵਿੱਚ ਛੱਡ ਗਏ ਸਨ। 33 ਸਾਲ ਦੀ ਬੇਟੀ, 36 ਸਾਲ ਦਾ ਬੇਟਾ। ਪਰ ਉਹ ਅਡੋਲ ਰਹੇ, ਦ੍ਰਿੜ੍ਹ ਰਹੇ। ਜਿਵੇਂ-ਜਿਵੇਂ ਸਮਾਂ ਬੀਤਦਾ ਗਿਆ, ਸਮਾਂ ਆ ਗਿਆ ਕਿ ਉਹ ਮੈਨੂੰ ਅਹਿਮ ਸਬਕ ਸਿਖਾ ਰਹੀ ਸੀ। ਉਹ ਸਬਕ ਸਿਖਾ ਰਹੀ ਸੀ ਕਿ ਬੇਟਾ ਜੇ ਤੂੰ ਆਪਣੇ ਆਪ ਨੂੰ ਦਬਾਏਗਾ ਤਾਂ ਦੁਨੀਆ ਤੈਨੂੰ ਦਬਾ ਲਵੇਗੀ, ਜੇ ਝੁਕੇਗੀ ਤਾਂ ਦੁਨੀਆ ਤੈਨੂੰ ਝੁਕਾਏਗੀ।
ਵੀਡੀਓ ਲਈ ਕਲਿੱਕ ਕਰੋ -:
