ਜਾਪਾਨ ਦਾ ਚੰਦਰਮਾ ਮਿਸ਼ਨ ਸਫਲਤਾਪੂਰਵਕ ਚੰਦਰਮਾ ‘ਤੇ ਉਤਰ ਗਿਆ ਹੈ। ਅਮਰੀਕਾ, ਰੂਸ, ਚੀਨ ਅਤੇ ਭਾਰਤ ਤੋਂ ਬਾਅਦ ਹੁਣ ਜਾਪਾਨ ਚੰਦਰਮਾ ‘ਤੇ ਉਤਰਨ ਵਾਲਾ ਪੰਜਵਾਂ ਦੇਸ਼ ਬਣ ਗਿਆ ਹੈ। ਜਾਪਾਨ ਦੀ ਪੁਲਾੜ ਏਜੰਸੀ ਨੇ ਕਿਹਾ ਕਿ ਉਸ ਦੇ ਸਮਾਰਟ ਲੈਂਡਰ ਫਾਰ ਇਨਵੈਸਟੀਗੇਟਿੰਗ ਮੂਨ (SLIM) ਨੇ ਚੰਦਰਮਾ ਦੀ ਸਤ੍ਹਾ ‘ਤੇ ਸਾਫਟ ਲੈਂਡਿੰਗ ਕੀਤੀ ਹੈ।
ਜਾਪਾਨ ਏਅਰੋਸਪੇਸ ਐਕਸਪਲੋਰੇਸ਼ਨ ਏਜੰਸੀ ਨੇ ਟੀਚੇ ਦੇ 100 ਮੀਟਰ (328 ਫੁੱਟ) ਦੇ ਅੰਦਰ ਮੂਨ ਸਨਾਈਪਰ ਨਾਮਕ ਜਾਂਚ ਨੂੰ ਉਤਾਰਨ ਦੀ ਕੋਸ਼ਿਸ਼ ਕੀਤੀ ਹੈ। ਜਾਪਾਨ ਦੀ ਪੁਲਾੜ ਏਜੰਸੀ ਨੇ ਕਿਹਾ ਹੈ ਕਿ ਇਹ ਪੁਸ਼ਟੀ ਕਰਨ ਵਿੱਚ ਇੱਕ ਮਹੀਨੇ ਦਾ ਸਮਾਂ ਲਵੇਗਾ ਕਿ ਕੀ SLIM ਨੇ ਆਪਣੇ ਸਹੀ ਟੀਚਿਆਂ ਨੂੰ ਹਾਸਲ ਕੀਤਾ ਹੈ ਜਾਂ ਨਹੀਂ।
ਜਾਪਾਨੀ ਪੁਲਾੜ ਏਜੰਸੀ JAXA ਨੇ ਕਿਹਾ ਕਿ ਉਸ ਨੇ ਲੈਂਡਿੰਗ ਲਈ 600×4000 ਕਿਲੋਮੀਟਰ ਦੇ ਖੇਤਰ ਦੀ ਖੋਜ ਕੀਤੀ ਹੈ। ਸਲਿਮ ਇਸ ਖੇਤਰ ਵਿੱਚ ਉਤਰਿਆ ਹੈ। ਇਹ ਸਥਾਨ ਚੰਦਰਮਾ ਦੇ ਧਰੁਵੀ ਖੇਤਰ ਵਿੱਚ ਹੈ। ਵੱਡੀ ਗੱਲ ਇਹ ਹੈ ਕਿ ਲੈਂਡਿੰਗ ਲਈ ਉਸ ਦੇ ਕੋਲ ਹੀ ਯਾਨ ਨੇ ਸਟੀਕ ਲੈਂਡਿੰਗ ਕੀਤੀ। ਕਿਉਂਕਿ ਜਾਪਾਨ ਦਾ ਟਾਰਗੇਟ ਸੀ ਕਿ ਲੈਂਡਿੰਗ ਸਾਈਟ ਦੇ 100 ਮੀਟਰ ਦਾਇਰੇ ਵਿੱਚ ਹੀ ਉਸ ਦਾ ਸਪੇਸਕ੍ਰਾਫਟ ਉਤਰੇ ਅਤੇ ਇਸ ਕੰਮ ਵਿੱਚ ਉਸ ਨੇ ਸਫਲਤਾ ਹਾਸਲ ਕਰ ਲਈ ਹੈ।
ਇਸ ਲੈਂਡਿੰਗ ਸਾਈਟ ਦਾ ਨਾਂ ਸ਼ਿਓਲੀ ਕ੍ਰੇਟਰ ਹੈ। ਇਸ ਨੂੰ ਚੰਦਰਮਾ ‘ਤੇ ਸਭ ਤੋਂ ਹਨੇਰਾ ਸਥਾਨ ਕਿਹਾ ਜਾਂਦਾ ਹੈ। ਇੱਕ ਹੋਰ ਸੰਭਵ ਲੈਂਡਿੰਗ ਸਾਈਟ ਹੈ ਮੇਅਰ ਨੇਕਟਾਰਿਸ ਵੀ ਹੈ, ਜਿਸ ਨੂੰ ਚੰਦ ਦਾ ਸਾਗਰ ਕਿਹਾ ਜਾਂਦਾ ਹੈ। ਸਲਿਮ ਐਡਵਾਂਸ ਆਪਟੀਕਲ ਅਤੇ ਚਿੱਤਰ ਪ੍ਰੋਸੈਸਿੰਗ ਤਕਨਾਲੋਜੀ ਨਾਲ ਲੈਸ ਹੈ।
ਇਹ ਵੀ ਪੜ੍ਹੋ : ਕੜਾਕੇ ਦੀ ਠੰਡ ‘ਚ ਨਦੀ ਵਿੱਚ ਡਿੱਗਿਆ ਬੰਦਾ, ਪੁਲਿਸ ਕਰਕੇ ਬਚੀ ਜਾਨ, ਹੋ ਰਹੀਆਂ ਤਾਰੀਫ਼ਾਂ
ਸਲਿੱਮ ਦੇ ਨਾਲ ਐਕਸ-ਰੇ ਇਮੇਜਿੰਗ ਐਂਡ ਸਪੇਕਟ੍ਰੋਸਕੋਪੀ ਮਿਸ਼ਨ (XRISM) ਵੀ ਗਿਆ ਹੈ, ਇਹ ਚੰਨ ਦੇ ਚਾਰੇ ਪਾਸੇ ਚੱਕਰ ਲਾਉਂਦੇ ਹੋਏ ਚੰਨ ‘ਤੇ ਵਹਿਣ ਵਾਲੇ ਪਲਾਜ਼ਮਾ ਹਵਾਵਾਂਦੀ ਜਾਂਚ ਕਰੇਗਾ, ਤਾਂਕਿ ਬ੍ਰਹਿਮੰਡ ਵਿੱਚ ਤਾਰਾਂ ਅਤੇ ਆਕਾਸ਼ਗੰਗਾਵਾਂ ਦੀ ਉਤਪੱਤੀਦਾ ਪਤਾ ਚਲ ਸਕੇ। ਇਸ ਨੂੰ ਜਾਪਾਨ, ਨਾਸਾ ਅਤੇ ਯੂਰਪੀਅਨ ਸਪੇਸ ਏਜੰਸੀ ਨੇ ਮਿਲ ਕੇ ਬਣਾਇਆ ਹੈ।
ਜਾਪਾਨ ਨੇ ਵੀ 6 ਸਤੰਬਰ 2023 ਦੀ ਸਵੇਰ ਮੂਨ ਮਿਸ਼ਨ ਤਾਂਗੇਸ਼ਿਮਾ ਸਪੇਸ ਸੈਂਟਰ ਦੇ ਯੋਸ਼ੀਨੋਬੂ ਲਾਂਚ ਕੰਪਲੈਕਸ ਨਾਲ ਲਾਂਚ ਕੀਤਾ। H-IIA ਜਾਪਾਨ ਦਾ ਸਭ ਤੋਂ ਭਰੋਸੇਮੰਦ ਰਾਕੇਟ ਹੈ।ਇਹ ਉਸ ਦੀ 47ਵੀਂ ਉਡਾਨ ਸੀ। ਇਸ ਨੂੰ ਮਿਤਸ਼ੁਬਿਸ਼ੀ ਹੈਵੀ ਇੰਡਸਟਰੀਜ਼ ਨੇ ਬਣਾਇਆ ਹੈ। ਇਸ ਦੀ ਸਫਲਤਾ 98 ਫੀਸਦੀ ਹੈ। SLIM ਇੱਕ ਹਲਕਾ ਰੋਬੋਟਿਕ ਲੈਂਡਰ ਹੈ। ਇਸ ਮਿਸ਼ਨ ਨੂੰ ਮੂਨ ਸਨਾਈਪਰ ਵੀ ਕਿਹਾ ਜਾਂਦਾ ਹੈ। ਇਹ ਮਿਸ਼ਨ 831 ਕਰੋੜ ਰੁਪਏ ਤੋਂ ਵੱਧ ਦਾ ਹੈ।
