2 killed in Bengal storm: 21 ਸਾਲ ਦਾ ਸਭ ਤੋਂ ਤੇਜ਼ ਤੂਫਾਨ ਬੁੱਧਵਾਰ ਦੁਪਹਿਰ ਕਰੀਬ 2.30 ਵਜੇ ਕੋਲਕਾਤਾ ‘ਚ ਆਇਆ। ਪੱਛਮੀ ਬੰਗਾਲ ਦੇ ਨਾਲ ਨਾਲ ਉੜੀਸਾ ਵਿੱਚ ਵੀ ਤੇਜ਼ ਤੂਫਾਨ ਕਾਰਨ ਹਵਾਵਾਂ ਨਾਲ ਭਾਰੀ ਬਾਰਸ਼ ਹੋ ਰਹੀ ਹੈ। ਬੰਗਾਲ ਵਿੱਚ ਆਏ ਤੂਫਾਨ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ। ਬੰਗਾਲ ‘ਚ 5 ਲੱਖ ਅਤੇ ਉੜੀਸਾ ‘ਚ 1.58 ਲੱਖ ਲੋਕਾਂ ਨੂੰ ਸੁਰੱਖਿਅਤ ਸਥਾਨਾਂ ‘ਤੇ ਪਹੁੰਚਾਇਆ ਗਿਆ ਹੈ। ਇਹ ਤੇਜ਼ ਤੂਫਾਨ 21 ਸਾਲਾਂ ਬਾਅਦ ਦੇਸ਼ ‘ਚ ਆਇਆ ਹੈ। ਉੜੀਸਾ ਦੇ 9 ਜ਼ਿਲ੍ਹੇ ਪੁਰੀ, ਗੰਜਮ, ਜਗਤਸਿੰਘਪੁਰ, ਕਟਕ, ਕੇਂਦ੍ਰਪਾਡਾ, ਜਾਜਪੁਰ, ਗੰਜਮ, ਭਦਰਕ ਅਤੇ ਬਾਲਾਸੌਰ ਪ੍ਰਭਾਵਿਤ ਹੋਏ ਹਨ। ਪੱਛਮੀ ਬੰਗਾਲ ਦੇ ਤਿੰਨ ਤੱਟਵਰਤੀ ਜ਼ਿਲ੍ਹੇ ਪੂਰਬੀ ਮਿਦਨਾਪੁਰ, 24 ਦੱਖਣੀ ਅਤੇ ਉੱਤਰੀ ਪਰਗਾਨ ਦੇ ਨਾਲ-ਨਾਲ ਹਾਵੜਾ, ਹੁਗਲੀ, ਪੱਛਮੀ ਮਿਦਨਾਪੁਰ ਅਤੇ ਕੋਲਕਾਤਾ ਇਸ ਤੂਫ਼ਾਨ ਕਾਰਨ ਪ੍ਰਭਾਵਿਤ ਹੋਏ।
ਪੱਛਮੀ ਬੰਗਾਲ ਅਤੇ ਉੜੀਸਾ ‘ਚ 20 ਜੇਮਿਨੀ ਕਿਸ਼ਤੀਆਂ ਦੇ ਨਾਲ ਬਚਾਅ ਅਤੇ ਮੈਡੀਕਲ ਟੀਮ ਨੂੰ ਤਿਆਰ ਰੱਖਿਆ ਗਿਆ ਹੈ। ਪੂਰਬੀ ਨੇਵੀ ਕਮਾਂਡ ਨੇ ਕਿਹਾ ਹੈ ਕਿ ਅਸੀਂ ਚੱਕਰਵਾਤ ਦੌਰਾਨ ਲੋੜੀਂਦੀ ਸਹਾਇਤਾ ਮੁਹੱਈਆ ਕਰਵਾਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹਾਂ। ਜਲ ਸੈਨਾ ਦੇ ਸਮੁੰਦਰੀ ਜਹਾਜ਼ ਰਾਹਤ ਕਾਰਜਾਂ ਲਈ ਇਕਸਾਰ ਹਨ। ਉਹ ਪ੍ਰਭਾਵਿਤ ਇਲਾਕਿਆਂ ਵਿਚ ਲੋਕਾਂ ਨੂੰ ਬਾਹਰ ਕੱਢਣ, ਚੀਜ਼ਾਂ ਪਹੁੰਚਾਉਣ ਅਤੇ ਜ਼ਰੂਰੀ ਡਾਕਟਰੀ ਸਹਾਇਤਾ ਪ੍ਰਦਾਨ ਕਰਨ ਲਈ ਕੰਮ ਕਰਨਗੇ।
