ਹਰਿਆਣਾ ਦੇ ਹਿਸਾਰ ਦਾ ਇੱਕ ਬੈਂਕ ਮੈਨੇਜਰ, ਜੋ ਵੀਕੈਂਡ ‘ਤੇ ਰਿਸ਼ੀਕੇਸ਼ ਗੁੰਮਣ ਗਿਆ ਸੀ, ਗੰਗਾ ਵਿੱਚ ਰੁੜ ਗਿਆ। ਉਸ ਨੇ ਇਹ ਕਹਿ ਕੇ ਨਦੀ ਵਿੱਚ ਛਾਲ ਮਾਰ ਦਿੱਤੀ ਕਿ ਉਹ ਤੈਰ ਕੇ ਗੰਗਾ ਪਾਰ ਕਰੇਗਾ, ਜਦਕਿ ਉਸ ਦੇ ਦੋਸਤ ਬਾਹਰ ਖੜ੍ਹੇ ਹੋ ਕੇ ਵੀਡੀਓ ਬਣਾਉਣ ਲੱਗੇ। ਉਹ ਕੁਝ ਦੇਰ ਤੈਰਦਾ ਰਿਹਾ ਪਰ ਤੇਜ਼ ਵਹਾਅ ਕਾਰਨ ਨਦੀ ਦੇ ਵਿਚਕਾਰ ਰੁੜ ਗਿਆ।
ਇਸ ਪੂਰੀ ਘਟਨਾ ਨਾਲ ਜੁੜਿਆ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਹ ਰਿਸ਼ੀਕੇਸ਼ ਦੇ ਗੋ ਘਾਟ ਦਾ ਦੱਸਿਆ ਜਾਂਦਾ ਹੈ। ਬੈਂਕ ਮੈਨੇਜਰ ਦਾ ਅਜੇ ਤੱਕ ਕੋਈ ਸੁਰਾਗ ਨਹੀਂ ਲੱਗਾ ਹੈ। SDRF ਸਮੇਤ ਕਈ ਟੀਮਾਂ ਉਸ ਦੀ ਭਾਲ ‘ਚ ਲੱਗੀਆਂ ਹੋਈਆਂ ਹਨ। ਬੈਂਕ ਮੈਨੇਜਰ ਦੇ ਪਰਿਵਾਰਕ ਮੈਂਬਰ ਵੀ ਰਿਸ਼ੀਕੇਸ਼ ਪਹੁੰਚ ਗਏ ਹਨ ਅਤੇ ਆਪਣੇ ਬੇਟੇ ਦੀ ਸਿਹਤਯਾਬੀ ਲਈ ਅਰਦਾਸ ਕਰ ਰਹੇ ਹਨ।
ਹਿਸਾਰ ਦਾ ਰਹਿਣ ਵਾਲਾ ਪ੍ਰਦੀਪ ਢਾਕਾ ਹਾਂਸੀ ਦੇ ਐਚਡੀਐਫਸੀ ਬੈਂਕ ਵਿੱਚ ਖੇਤੀਬਾੜੀ ਕਰਜ਼ਾ ਵਿਭਾਗ ਵਿੱਚ ਕਲੈਕਸ਼ਨ ਮੈਨੇਜਰ ਹੈ। ਪਿਤਾ ਸਤਬੀਰ ਢਾਕਾ ਮੁਤਾਬਕ ਪ੍ਰਦੀਪ ਨੇ 3-4 ਦੋਸਤਾਂ ਨਾਲ ਹਰਿਦੁਆਰ ਜਾਣ ਦੀ ਯੋਜਨਾ ਬਣਾਈ ਸੀ। ਉਸ ਦੇ ਦੋਸਤ ਵੀ ਬੈਂਕ ਵਿੱਚ ਕੰਮ ਕਰਦੇ ਹਨ। ਉਨ੍ਹਾਂ ਸਾਰਿਆਂ ਦੀ ਸ਼ਨੀਵਾਰ ਅਤੇ ਐਤਵਾਰ ਦੀ ਛੁੱਟੀ ਸੀ ਅਤੇ ਉਨ੍ਹਾਂ ਨੇ ਇਹ ਯੋਜਨਾ ਬਣਾਈ। ਇਸ ਮਤੁਾਬਕ ਸਾਰੇ ਸ਼ੁੱਕਰਵਾਰ (25 ਅਪ੍ਰੈਲ) ਨੂੰ ਕੰਮ ਖਤਮ ਕਰਕੇ ਸ਼ਾਮ ਨੂੰ ਹਰਿਦੁਆਰ ਲਈ ਰਵਾਨਾ ਹੋ ਗਏ।
ਪਰਿਵਾਰਕ ਮੈਂਬਰਾਂ ਮੁਤਾਬਕ ਹਰਿਦੁਆਰ ਤੋਂ ਬਾਅਦ ਸਾਰੇ ਦੋਸਤ ਰਿਸ਼ੀਕੇਸ਼ ਚਲੇ ਗਏ। ਇੱਥੇ ਗੋ ਘਾਟ ‘ਤੇ ਸਾਰੇ ਗੰਗਾ ਵਿਚ ਨਹਾਉਣ ਲੱਗੇ। ਕੁਝ ਦੋਸਤਾਂ ਨੇ ਕੰਢੇ ‘ਤੇ ਖੜ੍ਹੇ ਹੋ ਕੇ ਉਸ ਦੀ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ, ਜਦੋਂ ਕਿ ਪ੍ਰਦੀਪ ਆਪਣੇ ਇਕ ਦੋਸਤ ਨਾਲ ਗੰਗਾ ‘ਚ ਨਹਾ ਰਿਹਾ ਸੀ। ਇਸ ਦੌਰਾਨ ਪ੍ਰਦੀਪ ਨੇ ਆਪਣੇ ਦੋਸਤਾਂ ਨੂੰ ਇਹ ਕਹਿ ਕੇ ਅੱਗੇ ਵਧ ਗਿਆ ਕਿ ਉਹ ਗੰਗਾ ਨਦੀ ਪਾਰ ਕਰਕੇ ਵਾਪਸ ਆ ਜਾਵੇਗਾ। ਪਰ, ਸਿਰਫ 3 ਤੋਂ 4 ਮੀਟਰ ਦੀ ਦੂਰੀ ਤੋਂ ਬਾਅਦ ਉਹ ਗੰਗਾ ਵਿਚ ਰੁੜਣਾ ਸ਼ੁਰੂ ਹੋ ਗਿਆ।
ਪ੍ਰਦੀਪ ਨੂੰ ਡੁੱਬਦਾ ਦੇਖ ਉਸ ਦੇ ਦੋਸਤਾਂ ਨੇ ਮਦਦ ਲਈ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਉੱਥੇ ਮੌਜੂਦ ਗੋਤਾਖੋਰਾਂ ਦੀਆਂ ਟੀਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਗੰਗਾ ‘ਚ ਪ੍ਰਦੀਪ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਕਾਫੀ ਦੂਰ ਤੱਕ ਤਲਾਸ਼ੀ ਮੁਹਿੰਮ ਜਾਰੀ ਰਹੀ, ਪਰ ਪ੍ਰਦੀਪ ਦਾ ਪਤਾ ਨਹੀਂ ਲੱਗ ਸਕਿਆ। ਇਸ ਤੋਂ ਬਾਅਦ SDRF ਟੀਮ ਨੂੰ ਬੁਲਾਇਆ ਗਿਆ ਅਤੇ ਤਲਾਸ਼ੀ ਮੁਹਿੰਮ ਚਲਾਈ ਗਈ।
ਇਹ ਵੀ ਪੜ੍ਹੋ : ਲਾਇਸੈਂਸੀ ਪਿ.ਸਤੌ/ਲ ਸਕੂਲ ਲੈ ਕੇ ਪਹੁੰਚ ਗਈ ਕੁੜੀ, ਘਰ ਲੱਭਦੇ ਰਹਿ ਗਏ ਮਾਪੇ
ਐਸਡੀਆਰਐਫ ਟੀਮ ਦੇ ਇੰਸਪੈਕਟਰ ਕਵਿੰਦਰ ਸਾਜਵਾਨ ਦਾ ਕਹਿਣਾ ਹੈ ਕਿ ਪ੍ਰਦੀਪ ਦੀ ਭਾਲ ਜਾਰੀ ਹੈ। ਦੂਜੇ ਪਾਸੇ ਸੂਚਨਾ ਮਿਲਣ ਤੋਂ ਬਾਅਦ ਪਿੰਡ ਦੇ ਕੁਝ ਦੋਸਤ ਅਤੇ ਉਸ ਦਾ ਭਰਾ ਮਨਦੀਪ ਰਿਸ਼ੀਕੇਸ਼ ਪਹੁੰਚ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
