ਉੜੀਸਾ ‘ਚ ਭੀਖ ਮੰਗ ਕੇ ਗੁਜ਼ਾਰਾ ਕਰਨ ਵਾਲੀ ਇਕ ਬਜ਼ੁਰਗ ਔਰਤ ਨੇ ਅਜਿਹਾ ਕੁਝ ਕੀਤਾ ਹੈ ਜੋ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਇਸ 60 ਸਾਲਾ ਔਰਤ ਨੇ ਜਗਨਨਾਥ ਮੰਦਰ ਨੂੰ ਇਕ ਲੱਖ ਰੁਪਏ ਦਾਨ ਕੀਤੇ ਹਨ। ਇਹ ਔਰਤ ਓਡੀਸ਼ਾ ਦੇ ਕੰਧਮਾਲ ਜ਼ਿਲ੍ਹੇ ਦੇ ਫੁਲਬਨੀ ਸ਼ਹਿਰ ਵਿੱਚ ਸਥਿਤ ਇਸ ਮੰਦਰ ਵਿੱਚ ਭੀਖ ਮੰਗਦੀ ਸੀ।
ਔਰਤ ਦਾ ਨਾਂ ਤੁਲਾ ਬੇਹੜਾ ਦੱਸਿਆ ਗਿਆ ਹੈ ਅਤੇ ਉਹ ਫੁਲਬਨੀ ਕਸਬੇ ਦੀ ਰਹਿਣ ਵਾਲੀ ਹੈ। ਉਸ ਨੇ ਇਹ ਰਕਮ ਸਾਲਾਂ ਦੌਰਾਨ ਬਚਾਈ ਸੀ। ਸ਼ੁੱਕਰਵਾਰ ਨੂੰ ਉਸ ਨੇ ਫੁਲਬਨੀ ਜਗਨਨਾਥ ਮੰਦਰ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸੁਨਾਸ਼ੀਰ ਮਹਾਪਾਤਰਾ ਅਤੇ ਹੋਰ ਮੈਂਬਰਾਂ ਨੂੰ ਇਹ ਰਾਸ਼ੀ ਦਾਨ ਕੀਤੀ।
ਤੁਲਾ ਬਹੇੜਾ ਨੇ ਕਿਹਾ ਕਿ ਮੇਰਾ ਪੂਰਾ ਜੀਵਨ ਭਗਵਾਨ ਜਗਨਨਾਥ ਦੀ ਕ੍ਰਿਪਾ ‘ਤੇ ਨਿਰਭਰ ਰਿਹਾ ਹੈ। ਉਂਝ ਵੀ, ਮੈਂ ਆਪਣੀ ਜ਼ਿੰਦਗੀ ਜੀ ਲਈ ਹੈ। ਹੁਣ ਇੰਨੇ ਪੈਸੇ ਦਾ ਕੀ ਕਰਾਂਗੀ? ਇਸ ਲਈ ਮੈਂ ਆਪਣਾ ਸਾਰਾ ਪੈਸਾ ਭਗਵਾਨ ਨੂੰ ਭੇਟ ਕਰਨ ਦਾ ਫ਼ੈਸਲਾ ਕੀਤਾ। ਤੁਲਾ ਬਹੇੜਾ ਨੇ ਕਿਹਾ ਕਿ ਮੇਰੀ ਜ਼ਿੰਦਗੀ ਵਿੱਚ ਜੋ ਵੀ ਹੈ, ਮੈਂ ਪ੍ਰਮਾਤਮਾ ਦੀ ਸ਼ੁਕਰਗੁਜ਼ਾਰ ਹਾਂ।
ਇਹ ਵੀ ਪੜ੍ਹੋ : ‘ਅਵਤਾਰ 2′ ਵੇਖਦੇ ਓਵਰ ਐਕਸਾਈਟਿਡ ਹੋਏ ਬੰਦੇ ਨੂੰ ਪਿਆ ਦਿਲ ਦਾ ਦੌਰਾ, ਗਈ ਜਾਨ
ਜ਼ਿਕਰਯੋਗ ਹੈ ਕਿ ਇਹ ਵੀ ਦਿਲਚਸਪ ਗੱਲ ਹੈ ਕਿ ਤੁਲਾ ਹਮੇਸ਼ਾ ਤੋਂ ਭਿਖਾਰੀ ਨਹੀਂ ਸੀ। ਇਸ ਦੇ ਪਿੱਛੇ ਬਹੁਤ ਹੀ ਭਾਵੁਕ ਕਹਾਣੀ ਹੈ। ਹਾਲਾਤ ਨੇ ਉਸ ਨੂੰ ਭੀਖ ਮੰਗਣ ਲਈ ਮਜਬੂਰ ਕਰ ਦਿੱਤਾ। ਬੇਹਰਾ ਮੂਲ ਤੌਰ ‘ਤੇ ਕਟਕ ਦੀ ਰਹਿਣ ਵਾਲੀ ਹੈ। ਫੁਲਬਨੀ ਵਿਚ ਉਸ ਨੂੰ ਪ੍ਰਫੁੱਲ ਬੇਹਰਾ ਨਾਂ ਦੇ ਆਦਮੀ ਨਾਲ ਪਿਆਰ ਹੋ ਗਿਆ। ਇਸ ਤੋਂ ਬਾਅਦ ਉਹ ਇੱਥੇ ਹੀ ਰਹਿ ਗਈ। ਹਾਲਾਂਕਿ ਉਨ੍ਹਾਂ ਦੇ ਵਿਆਹ ਦੇ ਕੁਝ ਦਿਨਾਂ ਬਾਅਦ ਹੀ ਉਸ ਦਾ ਪਤੀ ਪ੍ਰਫੁੱਲ ਇਸ ਦੁਨੀਆ ਨੂੰ ਛੱਡ ਗਿਆ। ਇਸ ਤੋਂ ਬਾਅਦ ਉਹ ਛੋਟੇ-ਮੋਟੇ ਕੰਮ ਕਰਕੇ ਆਪਣਾ ਜੀਵਨ ਬਿਤਾਉਂਦੀ ਰਹੀ। ਹਾਲਾਂਕਿ, ਆਮਦਨ ਉਸ ਦੇ ਖਾਣ-ਪੀਣ ਦਾ ਉਚਿਤ ਪ੍ਰਬੰਧ ਕਰਨ ਲਈ ਕਾਫੀ ਨਹੀਂ ਸੀ। ਇਸ ਨਾਲ ਉਸ ਦੀ ਸਿਹਤ ‘ਤੇ ਬੁਰਾ ਅਸਰ ਪਿਆ ਅਤੇ ਅਖੀਰ ਉਸ ਨੂੰ ਭੀਖ ਮੰਗਣ ਲਈ ਮਜਬੂਰ ਹੋਣਾ ਪਿਆ।
ਹਾਲਾਂਕਿ, ਭੀਖ ਮੰਗਣ ਤੋਂ ਬਾਅਦ ਉਸ ਕੋਲ ਜੋ ਵੀ ਥੋੜਾ ਜਿਹਾ ਪੈਸਾ ਬਚਦਾ ਸੀ, ਉਹ ਡਾਕਖਾਨੇ ਦੇ ਖਾਤੇ ਵਿੱਚ ਜਮ੍ਹਾ ਕਰਵਾ ਦਿੰਦੀ ਸੀ। ਡਾਕਖਾਨੇ ਨੇ ਉਸ ਨੂੰ ਦੱਸਿਆ ਕਿ ਉਸ ਦੀ ਬੱਚਤ ਇੱਕ ਲੱਖ ਨੂੰ ਪਾਰ ਕਰ ਗਈ ਹੈ। ਇਸ ਤੋਂ ਬਾਅਦ ਉਸਨੇ ਮੰਦਰ ਨੂੰ ਆਪਣਾ ਪੈਸਾ ਦਾਨ ਕਰਨ ਦਾ ਫੈਸਲਾ ਕੀਤਾ। ਮੰਦਰ ਕਮੇਟੀ ਦੇ ਪ੍ਰਧਾਨ ਸੁਨਾਸਰੀ ਮਹਾਪਾਤਰਾ ਨੇ ਦੱਸਿਆ ਕਿ ਜਦੋਂ ਤੁਲਾ ਨੇ ਇਸ ਸਬੰਧੀ ਉਨ੍ਹਾਂ ਨਾਲ ਸੰਪਰਕ ਕੀਤਾ ਤਾਂ ਉਹ ਪੈਸੇ ਲੈਣ ਤੋਂ ਝਿਜਕ ਰਹੇ ਸਨ। ਹਾਲਾਂਕਿ ਤੁਲਾ ਨੇ ਇਸ ‘ਤੇ ਬਹੁਤ ਜ਼ੋਰ ਦਿੱਤਾ। ਇਸ ਤੋਂ ਬਾਅਦ ਮੰਦਿਰ ਕਮੇਟੀ ਧਨੁ ਸੰਕ੍ਰਾਂਤੀ ਦੇ ਸ਼ੁਭ ਮੌਕੇ ‘ਤੇ ਇਹ ਪੈਸਾ ਲੈਣ ਲਈ ਰਾਜ਼ੀ ਹੋ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
