ਗੁਜਰਾਤ ‘ਚ ਸਿਆਸੀ ਪਾਰਾ ਸਿਖਰਾਂ ‘ਤੇ ਹੈ। ਕਾਂਗਰਸ ਅਤੇ ਭਾਜਪਾ ਵਿਚਾਲੇ ਬਿਆਨਬਾਜ਼ੀ ਖਤਮ ਹੁੰਦੀ ਨਜ਼ਰ ਨਹੀਂ ਆ ਰਹੀ। ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਲਗਾਤਾਰ ਪੀਐਮ ਮੋਦੀ ‘ਤੇ ਨਿਸ਼ਾਨਾ ਵਿੰਨ੍ਹ ਰਹੇ ਹਨ। ਇਸ ਦੇ ਨਾਲ ਹੀ ਭਾਜਪਾ ਵੀ ਇਸ ਦਾ ਮੂੰਹਤੋੜ ਜਵਾਬ ਦੇ ਰਹੀ ਹੈ। ਖੜਗੇ ਨੇ ਇਕ ਚੋਣ ਰੈਲੀ ਵਿਚ ਮੋਦੀ ਦੀ ਤੁਲਨਾ ਰਾਵਣ ਨਾਲ ਕੀਤੀ ਤਾਂ ਭਾਜਪਾ ਨੇ ਵੀ ਕਰਾਰਾ ਜਵਾਬ ਦਿੱਤਾ।
ਅਹਿਮਦਾਬਾਦ ਦੇ ਬਹਿਰਾਮਪੁਰਾ ਵਿੱਚ ਇੱਕ ਜਨਤਕ ਮੀਟਿੰਗ ਵਿੱਚ ਖੜਗੇ ਨੇ ਹਰ ਚੋਣ ਲਈ ਮੋਦੀ ‘ਤੇ ਬਹੁਤ ਜ਼ਿਆਦਾ ਭਰੋਸਾ ਕਰਨ ਲਈ ਬੀਜੇਪੀ ‘ਤੇ ਨਿਸ਼ਾਨਾ ਵਿੰਨ੍ਹਿਆ। ਉਨ੍ਹਾਂ ਕਿਹਾ, ”ਅਸੀਂ ਹਰ ਥਾਂ ‘ਤੇ ਤੁਹਾਡਾ (ਮੋਦੀ) ਚਿਹਰਾ ਦੇਖਦੇ ਹਾਂ ਭਾਵੇਂ ਨਿਗਮ ਚੋਣਾਂ, ਐਮ.ਐਲ.ਏ ਜਾਂ ਐਮ.ਪੀ. ਚੋਣਾਂ… ਕੀ ਤੁਹਾਡੇ ਕੋਲ ਰਾਵਣ ਵਰਗੇ 100 ਸਿਰ ਹਨ? ਹੁਣ ਉਨ੍ਹਾਂ ਦੇ ਇਸ ਬਿਆਨ ਕਾਰਨ ਭਾਜਪਾ ਦਾ ਪਾਰਾ ਵੀ ਚੜ੍ਹ ਗਿਆ ਹੈ।
ਖੜਗੇ ਨੇ ਅੱਗੇ ਕਿਹਾ, ”ਮੈਂ ਦੇਖ ਰਿਹਾ ਹਾਂ ਕਿ ਪੀ.ਐੱਮ. ਮੋਦੀ ਦੇ ਨਾਂ ‘ਤੇ ਵੋਟਾਂ ਮੰਗੀਆਂ ਜਾਂਦੀਆਂ ਹਨ, ਭਾਵੇਂ ਉਹ ਨਗਰ ਨਿਗਮ ਚੋਣਾਂ ਹੋਣ, ਨਿਗਮ ਚੋਣਾਂ (ਜਾਂ ਵਿਧਾਨ ਸਭਾ ਚੋਣਾਂ)…ਉਮੀਦਵਾਰ ਦੇ ਨਾਂ ‘ਤੇ ਵੋਟ ਮੰਗੋ…ਕੀ ਮੋਦੀ ਆ ਕੇ ਨਗਰ ਪਾਲਿਕਾ ‘ਚ ਕੰਮ ਕਰਨਗੇ? ਕੀ ਉਹ ਤੁਹਾਡੀ ਲੋੜ ਦੇ ਵੇਲੇ ਮਦਦ ਕਰਨ ਵਾਲੇ ਹਨ?
ਇਹ ਵੀ ਪੜ੍ਹੋ : ‘ਦਿ ਕਸ਼ਮੀਰ ਫਾਈਲਸ’ ਨੂੰ ‘ਪ੍ਰਾਪੇਗੰਡਾ’ ਦੱਸਣ ‘ਤੇ ਹੰਗਾਮਾ, ਇਜ਼ਰਾਇਲੀ ਫਿਲਮ ਮੇਕਰ ‘ਤੇ ਕੇਸ
ਇਸ ਦੇ ਨਾਲ ਹੀ ਭਾਜਪਾ ਦੇ ਬੁਲਾਰੇ ਅਮਿਤ ਮਾਲਵੀਆ ਨੇ ਤਿੱਖੀ ਪ੍ਰਤੀਕਿਰਿਆ ਦਿੰਦੇ ਹੋਏ ਕਾਂਗਰਸ ਪਾਰਟੀ ‘ਤੇ ਪ੍ਰਧਾਨ ਮੰਤਰੀ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੇ ਕੌਮੀ ਪ੍ਰਧਾਨ ਮਲਿਕਾਰਜੁਨ ਖੜਗੇ ਗੁਜਰਾਤ ਚੋਣਾਂ ਦੀ ਗਰਮੀ ਨਹੀਂ ਝੱਲ ਪਾ ਰਹੇ ਹਨ। ਇਸ ਕਰਕੇ ਉਨ੍ਹਾਂ ਨੇ ਆਪਣੇ ਸ਼ਬਦਾਂ ‘ਤੇ ਕਾਬੂ ਗੁਆ ਲਿਆ ਅਤੇ ਪੀ.ਐੱਮ. ਮੋਦੀ ਨੂੰ ‘ਰਾਵਣ’ ਕਿਹਾ। ਕਾਂਗਰਸ ਲਗਾਤਾਰ ਗੁਜਰਾਤ ਅਤੇ ਉਸਦੇ ਪੁੱਤਰ ਦਾ ਅਪਮਾਨ ਕਰ ਰਹੀ ਹੈ।
ਇਸ ਬਿਆਨ ‘ਤੇ ਸੰਬਿਤ ਪਾਤਰਾ ਨੇ ਵੀ ਜਵਾਬੀ ਕਾਰਵਾਈ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ‘ਮੈਨੂੰ ਲਗਦਾ ਹੈ ਕਿ ਪ੍ਰਧਾਨ ਮੰਤਰੀ ਲਈ ਅਜਿਹੀ ਭਾਸ਼ਾ ਦੀ ਵਰਤੋਂ ਕਰਨਾ ਉਚਿਤ ਨਹੀਂ ਹੈ। ਇਹ ਨਿੰਦਣਯੋਗ ਹੈ ਅਤੇ ਕਾਂਗਰਸ ਦੀ ਮਾਨਸਿਕਤਾ ਨੂੰ ਦਰਸਾਉਂਦਾ ਹੈ। ਇਹ ਸਿਰਫ਼ ਪ੍ਰਧਾਨ ਮੰਤਰੀ ਦਾ ਅਪਮਾਨ ਨਹੀਂ ਹੈ, ਇਹ ਹਰ ਗੁਜਰਾਤੀ ਅਤੇ ਗੁਜਰਾਤ ਦਾ ਅਪਮਾਨ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
