ਨਾਸਿਕ ਦੇ ਤ੍ਰਿੰਬਕੇਸ਼ਵਰ ਕਾਂਡ ਦਾ ਅਸਰ ਯੂਪੀ ਦੇ ਅਲੀਗੜ੍ਹ ‘ਚ ਵੀ ਦੇਖਣ ਨੂੰ ਮਿਲ ਰਿਹਾ ਹੈ, ਜਿੱਥੇ ਹਜ਼ਾਰਾਂ ਸਾਲ ਪੁਰਾਣੇ ਇਤਿਹਾਸਕ ਹਨੂੰਮਾਨ ਜੀ ਦੇ ਮੰਦਰ ‘ਚ ਮੁਸਲਮਾਨਾਂ ਦੇ ਦਾਖ਼ਲੇ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਇੰਨਾ ਹੀ ਨਹੀਂ ਮੰਦਰ ‘ਚ ਆਉਣ ਵਾਲੀਆਂ ਹਿੰਦੂ ਔਰਤਾਂ ਅਤੇ ਮਰਦਾਂ ਲਈ ਡਰੈੱਸ ਕੋਡ ਵੀ ਜਾਰੀ ਕੀਤਾ ਗਿਆ ਹੈ। ਮੰਦਰ ‘ਚ ਛੋਟੇ ਕੱਪੜੇ, ਫਟੀਆਂ ਜੀਨਸ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਹਿੰਦੂ ਮਰਦ ਸ਼ਰਧਾਲੂ ਫਟੀਆਂ ਜੀਨਸ ਅਤੇ ਛੋਟੇ ਕੱਪੜੇ ਪਾ ਕੇ ਵੀ ਮੰਦਰ ਨਹੀਂ ਜਾ ਸਕਣਗੇ।
ਅਲੀਗੜ੍ਹ ਦੇ ਮਸ਼ਹੂਰ ਇਤਿਹਾਸਕ ਗਿਲਹਰਾਜ ਜੀ ਮੰਦਰ ਦੇ ਮਹੰਤ ਨੇ ਇਹ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ ਅਤੇ ਇਸ ਦੀ ਜਾਣਕਾਰੀ ਦੇਣ ਲਈ ਮੰਦਰ ਦੇ ਬਾਹਰ ਪੋਸਟਰ ਵੀ ਲਗਾਏ ਗਏ ਹਨ। ਇਹ ਦੁਨੀਆ ਦਾ ਇਕਲੌਤਾ ਮੰਦਰ ਹੈ ਜਿੱਥੇ ਹਨੂੰਮਾਨ ਜੀ ਦੀ ਮੂਰਤੀ ਗਿਲਹਰੀ ਦੇ ਰੂਪ ‘ਚ ਮੌਜੂਦ ਹੈ। ਮੰਦਰ ਦੇ ਮਹੰਤ ਦਾ ਮੰਨਣਾ ਹੈ ਕਿ ਗਲਤ ਢੰਗ ਦੇ ਕੱਪੜੇ ਪਾਉਣ ਨਾਲ ਪੂਜਾ ਕਰਨ ਆਏ ਸ਼ਰਧਾਲੂਆਂ ਦਾ ਧਿਆਨ ਭਟਕ ਜਾਂਦਾ ਹੈ।
ਮਹੰਤ ਕੌਸ਼ਲ ਨਾਥ ਨੇ ਕਿਹਾ, ਅਸੀਂ ਦੋ ਫੈਸਲੇ ਲਏ ਹਨ, ਇਕ, ਮੁਸਲਮਾਨਾਂ ਦੇ ਦਾਖਲੇ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੋਵੇਗੀ, ਕਿਉਂਕਿ ਕੋਈ ਵੀ ਮੁਸਲਮਾਨ ਕਿਸੇ ਮੰਦਰ ਵਿਚ ਪੂਜਾ ਕਰਨ ਨਹੀਂ ਜਾਵੇਗਾ। ਜਦੋਂ ਤੁਸੀਂ ਪੂਜਾ ‘ਤੇ ਨਹੀਂ ਜਾਣਾ ਚਾਹੁੰਦੇ, ਤਾਂ ਤੁਹਾਨੂੰ ਆਉਣ ਦੀ ਕੀ ਲੋੜ ਹੈ। ਹੁਣੇ ਹੀ ਸੁਣਨ ਵਿੱਚ ਆਇਆ ਹੈ ਕਿ ਮੁਸਲਮਾਨ ਇੱਕ ਵੱਡੇ ਮੰਦਰ ਵਿੱਚ ਦਾਖਲ ਹੋਏ ਹਨ ਅਤੇ ਉਸ ਵਿੱਚ ਐਸਆਈਟੀ ਦਾ ਗਠਨ ਕੀਤਾ ਗਿਆ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਉਨ੍ਹਾਂ ਨੇ ਉੱਥੇ ਅਜਿਹੀ ਕਿਹੜੀ ਘਟਨਾ ਨੂੰ ਅੰਜਾਮ ਦਿੱਤਾ ਹੈ। ਮੈਨੂੰ ਨਹੀਂ ਲੱਗਦਾ ਕਿ ਉਹ ਪੂਜਾ ਕਰਨ ਆਉਣਗੇ। ਸਿਰਫ ਕਿਸੇ ਘਟਨਾ ਨੂੰ ਅੰਜ਼ਾਮ ਦੇਣ ਲਈ ਆਉਣਗੇ। ਇਸੇ ਲਈ ਮੁਸਲਮਾਨਾਂ ਦੀ ਐਂਟਰੀ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਜੇ ਫਿਰ ਵੀ ਕੋਈ ਅੰਦਰ ਜਾਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸ ਦੀ ਜਾਂਚ ਕੀਤੀ ਜਾਵੇਗੀ ਅਤੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਜਾਵੇਗੀ।
ਮਹੰਤ ਨੇ ਕਿਹਾ ਕਿ ਡਰੈੱਸ ਕੋਡ ਨੂੰ ਲੈ ਕੇ ਦੂਜਾ ਕਦਮ ਚੁੱਕਿਆ ਗਿਆ ਹੈ। ਜਿਸ ਤਰ੍ਹਾਂ ਅਸੀਂ ਵਿਆਹ-ਸ਼ਾਦੀਆਂ ਜਾਂ ਫੰਕਸ਼ਨਾਂ ‘ਤੇ ਜਾਂਦੇ ਹਾਂ, ਉਸ ਮੁਤਾਬਕ ਕੱਪੜੇ ਪਹਿਨਦੇ ਹਾਂ, ਜਿਵੇਂਕਿ ਜਦੋਂ ਅਸੀਂ ਪ੍ਰਮਾਤਮਾ ਨੂੰ ਮਿਲਣ ਜਾਂਦੇ ਹਾਂ ਤਾਂ ਕਿਉਂ ਨਾ ਉਹ ਕੱਪੜੇ ਪਹਿਨੇ ਜੋ ਰੱਬ ਨੂੰ ਪਿਆਰੇ ਹੋਣ। ਅਜਿਹੇ ਕੱਪੜੇ ਨਹੀਂ ਹੋਣੇ ਚਾਹੀਦੇ ਜੋ ਸਾਡੇ ਸੱਭਿਆਚਾਰ ਅਤੇ ਕਦਰਾਂ-ਕੀਮਤਾਂ ਤੋਂ ਵੱਖਰੇ ਹੋਣ। ਕੁਝ ਮੁੰਡੇ ਹਾਫ ਪੈਂਟ ਪਾ ਕੇ ਆਉਂਦੇ ਹਨ, ਕੁਝ ਮੁੰਡੇ ਫਟੇ ਜੀਨਸ ਪਾ ਕੇ ਆਉਂਦੇ ਹਨ, ਅਜਿਹਾ ਨਹੀਂ ਹੋਣਾ ਚਾਹੀਦਾ। ਦਾਖਲਾ ਪੂਰੇ ਕੱਪੜਿਆਂ ਨਾਲ ਹੋਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਬਣੇਗਾ ਈਕੋ-ਫ੍ਰੈਂਡਲੀ! ਇਸ ਜ਼ਿਲ੍ਹੇ ‘ਚ ਨਵੀਂ ਪਹਿਲ, ਸੇਵਾ ਕੇਂਦਰਾਂ ‘ਤੇ SMS ਰਾਹੀਂ ਮਿਲਣਗੀਆਂ ਰਸੀਦਾਂ
ਮੰਦਰ ਦੇ ਮਹੰਤ ਦੇ ਇਸ ਫੈਸਲੇ ਦਾ ਸ਼ਰਧਾਲੂਆਂ ਨੇ ਵੀ ਸਵਾਗਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਮੰਦਿਰ ਵਿੱਚ ਪੂਜਾ-ਪਾਠ ਦੌਰਾਨ ਸਿਰਫ਼ ਚੰਗੇ ਕੱਪੜੇ ਹੀ ਪਹਿਨੇ ਜਾਣ, ਤਾਂ ਜੋ ਕਿਸੇ ਸ਼ਰਧਾਲੂ ਦਾ ਧਿਆਨ ਨਾ ਭਟਕੇ। ਮੁਸਲਮਾਨਾਂ ‘ਤੇ ਐਂਟਰੀ ਬੈਨ ਵੀ ਚੰਗੀ ਗੱਲ ਹੈ, ਕਿਉਂਕਿ ਮੁਸਲਮਾਨਾਂ ਦਾ ਮੰਦਰ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਅਲੀਗੜ੍ਹ ਦਾ ਇਤਿਹਾਸਕ ਗਿਲਹਰੀਰਾਜ ਹਨੂੰਮਾਨ ਮੰਦਿਰ ਹਜ਼ਾਰਾਂ ਸਾਲ ਪੁਰਾਣਾ ਹੈ, ਇਸ ਮੰਦਰ ‘ਚ ਹਨੂੰਮਾਨ ਜੀ ਦੀ ਪੂਜਾ ਗਿਲਹਰੀ ਦੇ ਰੂਪ ‘ਚ ਕੀਤੀ ਜਾਂਦੀ ਹੈ, ਇਸ ਮੰਦਰ ‘ਚ ਪੂਜਾ ਅਰਚਨਾ ਕਰਨ ਲਈ ਅਲੀਗੜ੍ਹ ਤੋਂ ਇਲਾਵਾ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਸ਼ਰਧਾਲੂ ਪਹੁੰਚਦੇ ਹਨ। ਮੰਦਿਰ ਵਿੱਚ ਪਹੁੰਚਣ ਵਾਲੇ ਸ਼ਰਧਾਲੂਆਂ ਦੀ ਮਨੋਕਾਮਨਾ ਪੂਰੀ ਹੁੰਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
