ਗੈਂਗਸਟਰ ਐਕਟ ‘ਚ ਬੰਦ ਮਾਫੀਆ ਅਤੇ ਫਿਰ ਸਿਆਸਤਦਾਨ ਬਣੇ ਮੁਖਤਾਰ ਅੰਸਾਰੀ ਖਿਲਾਫ ਗੈਂਗਸਟਰ ਐਕਟ ਤਹਿਤ ਲਗਾਏ ਗਏ ਦੋਸ਼ਾਂ ‘ਤੇ ਅੱਜ ਬੁੱਧਵਾਰ ਨੂੰ ਸੁਣਵਾਈ ਹੋਵੇਗੀ। ਪੁਲਿਸ ਨੇ ਕਿਹਾ, ਇਹ ਸੁਣਵਾਈ ਵੀਡੀਓ ਕਾਨਫਰੰਸਿੰਗ ਰਾਹੀਂ ਹੋਵੇਗੀ। ਇਸ ਦੌਰਾਨ ਮੁਖਤਾਰ ਅੰਸਾਰੀ ਨੇ ਵਕੀਲ ਨਾਲ ਮੁਲਾਕਾਤ ਦੀ ਮੰਗ ਕੀਤੀ ਹੈ ਤਾਂ ਜੋ ਉਹ ਆਪਣੇ ਬਚਾਅ ਲਈ ਵਕੀਲ ਦੇ ਸਾਹਮਣੇ ਆਪਣਾ ਪੱਖ ਰੱਖ ਸਕਣ।
ਪੁਲਿਸ ਦੀ ਰਿਪੋਰਟ ‘ਤੇ 24 ਮਾਰਚ 2022 ਨੂੰ DM ਨੇ ਮੁਖਤਾਰ ਅੰਸਾਰੀ ‘ਤੇ ਗੈਂਗਸਟਰ ਲਗਾਉਣ ਦਾ ਹੁਕਮ ਦਿੱਤਾ ਸੀ। ਇਸ ‘ਤੋਂ ਬਾਅਦ 25 ਮਾਰਚ ਨੂੰ ਪੁਲਿਸ ਨੇ ਇਸ ਮਾਮਲੇ ‘ਚ ਮੁਖਤਾਰ ਅੰਸਾਰੀ ਸਮੇਤ 13 ਲੋਕਾਂ ਖਿਲਾਫ ਗੈਂਗਸਟਰ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਵਿੱਚ ਮੁਖਤਾਰ ਅੰਸਾਰੀ ਤੋਂ ਇਲਾਵਾ ਡਾ: ਅਲਕਾ ਰਾਏ, ਡਾ: ਸ਼ੇਸ਼ਨਾਥ ਰਾਏ, ਰਾਜਨਾਥ ਯਾਦਵ, ਆਨੰਦ ਯਾਦਵ, ਸੋਹੇਬ ਮੁਜਾਹਿਦ, ਸਲੀਮ, ਮੁਹੰਮਦ ਜਾਫ਼ਰੀ, ਸੁਰਿੰਦਰ ਸ਼ਰਮਾ, ਮੁਹੰਮਦ ਸ਼ਾਹਿਦ, ਫ਼ਿਰੋਜ਼ ਕੁਰੈਸ਼ੀ, ਅਫ਼ਰੋਜ਼, ਚੰਨੂ, ਜ਼ਫ਼ਰ ਉਰਫ਼ ਚੰਦਾ ਨੂੰ ਗੈਂਗਸਟਰ ਮਾਮਲੇ ‘ਚ ਦੋਸ਼ੀ ਦੱਸਿਆਗਿਆ ਹੈ।
ਦੱਸ ਦੇਈਏ ਕਿ ਜਦੋਂ ਮੁਖਤਾਰ ਅੰਸਾਰੀ ਪੰਜਾਬ ਦੀ ਰੋਪੜ ਜੇਲ੍ਹ ਵਿੱਚ ਬੰਦ ਸੀ ਤਾਂ ਇੱਕ ਦਿਨ ਮੁਹਾਲੀ ਅਦਾਲਤ ਵਿੱਚ ਪੇਸ਼ੀ ਦੌਰਾਨ ਉਹ ਯੂਪੀ ਦੇ ਬਾਰਾਬੰਕੀ ਜ਼ਿਲ੍ਹੇ ਦੀ ਨੰਬਰ ਪਲੇਟ ਵਾਲੀ ਐਂਬੂਲੈਂਸ ਵਿੱਚ ਅਦਾਲਤ ਵਿੱਚ ਪਹੁੰਚਿਆ। ਇਸ ਤੋਂ ਬਾਅਦ 2 ਅਪ੍ਰੈਲ 2021 ਨੂੰ ਬਾਰਾਬੰਕੀ ਨਗਰ ਕੋਤਵਾਲੀ ‘ਚ ਤਤਕਾਲੀ ਸਹਾਇਕ ਡਵੀਜ਼ਨਲ ਟਰਾਂਸਪੋਰਟ ਅਧਿਕਾਰੀ ਪੰਕਜ ਸਿੰਘ ਨੇ ਇਸ ਮਾਮਲੇ ‘ਚ ਮੁਖਤਾਰ ਖਿਲਾਫ ਐੱਫ.ਆਈ.ਆਰ. ਦਰਜ ਕਾਰਵਾਈ ਸੀ।
ਇਹ ਵੀ ਪੜ੍ਹੋ : ਗਮਾਡਾ ਜ਼ਮੀਨ ਐਕਵਾਇਰ ਘਪਲੇ ‘ਚ 7 ਗ੍ਰਿਫ਼ਤਾਰ, ਅਫ਼ਸਰਾਂ ਨੇ ਸਰਕਾਰ ਨਾਲ ਮਾਰੀ ਸੀ ਕਰੋੜਾਂ ਦੀ ਠੱਗੀ
ਇਸ ਮਾਮਲੇ ਦੀ ਜਾਂਚ ਦੌਰਾਨ ਪਤਾ ਲੱਗਾ ਕਿ ਇਹ ਐਂਬੂਲੈਂਸ ਮਊ ਜ਼ਿਲੇ ਦੇ ਸ਼ਿਆਮ ਸੰਜੀਵਨੀ ਹਸਪਤਾਲ ਦੀ ਸੰਚਾਲਕ ਅਲਕਾ ਰਾਏ ਦੇ ਨਾਂ ‘ਤੇ ਬਾਰਾਬੰਕੀ ਦੇ ਫਰਜ਼ੀ ਪਤੇ ‘ਤੇ ਰਜਿਸਟਰਡ ਕੀਤੀ ਗਈ ਸੀ। ਹੁਣ ਇਸ ਮਾਮਲੇ ਦੀ ਸੁਣਵਾਈ ਸੰਸਦ ਮੈਂਬਰ/ਵਿਧਾਇਕ ਅਦਾਲਤ ਵਿੱਚ ਚੱਲ ਰਹੀ ਹੈ। 4 ਜੁਲਾਈ 2021 ਨੂੰ, ਪੁਲਿਸ ਨੇ ਇਸ ਮਾਮਲੇ ਵਿੱਚ ਮੁਖਤਾਰ ਅੰਸਾਰੀ ਅਤੇ ਹੋਰ ਦੋਸ਼ੀਆਂ ਦੇ ਖਿਲਾਫ ਚਾਰਜਸ਼ੀਟ ਦਾਇਰ ਕੀਤੀ। ਇਸ ਮਾਮਲੇ ਦੀ ਸੁਣਵਾਈ ਅੱਜ ਵੀਡੀਓ ਕਾਨਫਰੰਸਿੰਗ ਰਾਹੀਂ ਕੀਤੀ ਜਾ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
