ਰਿਲਾਇੰਸ ਜੀਓ ਹਮੇਸ਼ਾ ਹੀ ਆਪਣੇ ਧਮਾਕੇਦਾਰ ਪੇਸ਼ਕਸ਼ਾਂ ਲਈ ਜਾਣਿਆ ਜਾਂਦਾ ਹੈ। ਲਾਂਚ ਦੇ ਨਾਲ ਹੀ ਕੰਪਨੀ ਨੇ ਆਪਣੇ ਗਾਹਕਾਂ ਨੂੰ ਮੁਫਤ ਇੰਟਰਨੈੱਟ ਦੀ ਸਹੂਲਤ ਦਿੱਤੀ ਸੀ ਅਤੇ ਇਸ ਤੋਂ ਬਾਅਦ ਕੰਪਨੀ ਨੇ ਇਕ ਤੋਂ ਵੱਧ ਆਫਰ ਦਿੱਤੇ। ਹੁਣ ਜੀਓ ਨੇ ਭਾਰਤ ਦਾ ਸਭ ਤੋਂ ਸਸਤਾ Jio Bharat V2 ਲਾਂਚ ਕੀਤਾ ਹੈ ਜਿਸ ਨੂੰ ਜੀਓ ਭਾਰਤ ਫੋਨ ਵੀ ਕਿਹਾ ਜਾ ਰਿਹਾ ਹੈ। Jio Bharat V2 ਦੀ ਕੀਮਤ 999 ਰੁਪਏ ਰੱਖੀ ਗਈ ਹੈ।
Jio Bharat V2 ਬਾਰੇ, ਕੰਪਨੀ ਨੇ “2G ਮੁਕਤ” ਭਾਰਤ ਦਾ ਨਾਅਰਾ ਦਿੱਤਾ ਹੈ। Jio ਨੇ ਕਿਹਾ ਹੈ ਕਿ Jio Bharat V2 ਦੇ ਜ਼ਰੀਏ ਉਹ 25 ਕਰੋੜ 2G ਗਾਹਕਾਂ ਨੂੰ 4G ਨੈੱਟਵਰਕ ‘ਤੇ ਲਿਆਏਗਾ। ਫੋਨ ਦੀ ਵਿਕਰੀ 7 ਜੁਲਾਈ ਤੋਂ ਸ਼ੁਰੂ ਹੋਵੇਗੀ। ਇਸ ਨੂੰ ਦੇਸ਼ ਦੀਆਂ 6,500 ਤਹਿਸੀਲਾਂ ਤੋਂ ਖਰੀਦਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ Jio Bharat V2 ਲਈ ਵੱਖ-ਵੱਖ ਪਲਾਨ ਪੇਸ਼ ਕੀਤੇ ਹਨ।
ਕੰਪਨੀ ਨੇ Jio Bharat V2 ਲਈ ਦੋ ਪ੍ਰੀ-ਪੇਡ ਪਲਾਨ ਪੇਸ਼ ਕੀਤੇ ਹਨ। ਇੱਕ ਪਲਾਨ 123 ਰੁਪਏ ਦਾ ਹੈ। ਇਸ ਪਲਾਨ ‘ਚ ਕੁੱਲ 14GB ਡਾਟਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਇਸ ਪਲਾਨ ‘ਚ ਅਨਲਿਮਟਿਡ ਕਾਲਿੰਗ ਅਤੇ 28 ਦਿਨਾਂ ਦੀ ਵੈਧਤਾ ਮਿਲਦੀ ਹੈ। ਦੂਜੇ ਪਲਾਨ ਦੀ ਕੀਮਤ 1,234 ਰੁਪਏ ਹੈ ਅਤੇ 168GB ਡੇਟਾ ਦੀ ਪੇਸ਼ਕਸ਼ ਕਰਦਾ ਹੈ। Jio Bharat V2 ਦੇ ਇਸ ਪਲਾਨ ਦੀ ਵੈਧਤਾ 365 ਦਿਨਾਂ ਦੀ ਹੈ। ਇਸ ਪਲਾਨ ‘ਚ ਰੋਜ਼ਾਨਾ 500MB ਡਾਟਾ ਮਿਲੇਗਾ। ਯਾਨੀ ਇਸ ਪਲਾਨ ‘ਚ ਗਾਹਕ ਨੂੰ ਪੂਰੇ ਸਾਲ ‘ਚ ਕੁੱਲ 128GB ਡਾਟਾ ਮਿਲੇਗਾ।
ਯੂਜ਼ਰਸ ਜੀਓ ਭਾਰਤ ਫੋਨ ਤੋਂ ਅਨਲਿਮਟਿਡ ਕਾਲਿੰਗ ਕਰ ਸਕਣਗੇ। ਇਸ ਤੋਂ ਇਲਾਵਾ ਇਸ ‘ਚ UPI ਪੇਮੈਂਟ ਦੀ ਸੁਵਿਧਾ ਵੀ ਹੈ। Jio Bharat V2 ਨੂੰ JioPay ਐਪ ਮਿਲੇਗਾ ਜਿਸ ਰਾਹੀਂ UPI ਭੁਗਤਾਨ ਕੀਤਾ ਜਾ ਸਕਦਾ ਹੈ। ਫੋਨ ‘ਚ ਕੈਮਰਾ ਵੀ ਹੈ। ਯੂਜ਼ਰਸ JioCinema ਦੇ ਸ਼ੋਅ ਅਤੇ ਫਿਲਮਾਂ ਦੇਖ ਸਕਣਗੇ। ਇਸ ਦੇ ਨਾਲ ਹੀ ਇਹ ਬਜਟ ਫੋਨ JioSaavn ‘ਤੇ ਗੀਤ ਸੁਣਨ ਦਾ ਅਨੁਭਵ ਵੀ ਦੇਵੇਗਾ।
ਇਹ ਵੀ ਪੜ੍ਹੋ : ਹੈਦਰਾਬਾਦ ‘ਚ ਕਾਰ ਨੇ 3 ਔਰਤਾਂ ਨੂੰ ਮਾਰੀ ਟੱਕਰ: 2ਦੀ ਮੌ.ਤ, ਇੱਕ ਦੀ ਹਾਲਤ ਗੰਭੀਰ
JioCinema ਅਤੇ JioSaavn ਤੋਂ ਇਲਾਵਾ, Jio Bharat V2 ਨੂੰ ਵੀ FM ਰੇਡੀਓ ਤੱਕ ਪਹੁੰਚ ਮਿਲੇਗੀ। Jio Bharat V2 ਫੋਨ 23 ਭਾਸ਼ਾਵਾਂ ਨੂੰ ਸਪੋਰਟ ਕਰਦਾ ਹੈ, ਅਤੇ ਗਾਹਕ ਇਸਨੂੰ ਦੋ ਕਲਰ ਆਪਸ਼ਨ ਐਸ਼ ਬਲੂ ਅਤੇ ਸੋਲੋ ਬਲੈਕ ਵਿੱਚ ਖਰੀਦ ਸਕਣਗੇ।ਜੀਓ ਨੇ ਕਿਹਾ ਹੈ ਕਿ ਹੋਰ ਕੰਪਨੀਆਂ ਵੀ ਜੀਓ ਭਾਰਤ ਪਲੇਟਫਾਰਮ ‘ਤੇ ਆਪਣੇ ਫੋਨ ਬਣਾਉਣ ਦੇ ਯੋਗ ਹੋਣਗੀਆਂ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
