ਪਾਕਿਸਤਾਨ ਵਿੱਚ ਘੱਟਗਿਣਤੀ ਲੋਕ ਬਿਲਕੁਲ ਵੀ ਸੁਰੱਖਿਅਤ ਨਹੀਂ ਹਨ। ਹੁਣ ਇੱਕ ਪ੍ਰਮੁੱਖ ਚੈਨਲ ਵਿੱਚ ਕੰਮ ਕਰਦੇ ਇੱਕ ਹਿੰਦੂ ਨੌਜਵਾਨ ਨੂੰ ਅਗਵਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਉੱਥੋਂ ਦੇ ਪ੍ਰਮੁੱਖ ਨਿਊਜ਼ ਚੈਨਲ ਦੇ ਮਾਰਕੀਟਿੰਗ ਹੈੱਡ ਆਕਾਸ਼ ਰਾਮ ਨੂੰ ਮੰਗਲਵਾਰ ਸਵੇਰੇ ਅਗਵਾ ਕਰ ਲਿਆ ਗਿਆ। ਆਕਾਸ਼ ਨੂੰ ਉਸੇ ਗੱਡੀ ‘ਚ ਅਗਵਾ ਕੀਤਾ ਗਿਆ, ਜਿਸ ਨੂੰ ਅਕਸਰ ਨਿਊਜ਼ ਚੈਨਲ ਦੇ ਦਫਤਰ ਦੇ ਬਾਹਰ ਦੇਖਿਆ ਜਾਂਦਾ ਸੀ। ਅਗਵਾ ਹੋਏ ਵਿਅਕਤੀ ਦੀ ਮਾਂ ਨੇ ਪਾਕਿਸਤਾਨ ਦੇ ਹੁਕਮਰਾਨਾਂ ਨੂੰ ਅਪੀਲ ਕੀਤੀ ਹੈ।
ਆਕਾਸ਼ ਦੀ ਮਾਂ ਟੀਵੀ ਚੈਨਲ ਨਾਲ ਗੱਲ ਕਰਦੇ ਹੋਏ ਰੋ ਪਈ। ਉਸ ਨੇ ਕਿਹਾ ਮੈਨੂੰ ਮੇਰਾ ਪੁੱਤ ਵਾਪਸ ਦੇ ਦਿਓ। ਉਸ ਨੇ ਕਿਹਾ ਕਿ “ਮੇਰੇ ਛੋਟੇ ਬੇਟੇ ਨੇ ਮੈਨੂੰ ਦੱਸਿਆ ਕਿ ਆਕਾਸ਼ ਨੂੰ ਕੋਈ ਲੈ ਗਿਆ ਹੈ, ਪਰ ਸਾਡਾ ਕੀ ਕਸੂਰ ਹੈ। ਇਸ ਦੇਸ਼ ਵਿੱਚ ਅਜਿਹਾ ਕਿਉਂ ਹੁੰਦਾ ਹੈ। ਅਸੀਂ ਇਸ ਪਾਕਿਸਤਾਨ ਲਈ ਕੀ ਕੁਝ ਨਹੀਂ ਕੀਤਾ ਹੈ। ਆਕਾਸ਼ ਤਾਂ ਗਰੀਬਾਂ ਦੀ ਮਦਦ ਕੀਤੀ ਹੈ। ਮੇਰੇ ‘ਤੇ ਮਿਹਰਬਾਨੀ ਕਰੋ ਅਤੇ ਮੇਰੇ ਪੁੱਤਰ ਨੂੰ ਵਾਪਸ ਕਰੋ।
ਦੂਜੇ ਪਾਸੇ ਨਿਊਜ਼ ਚੈਨਲ ਦੇ ਸੀਨੀਅਰ ਪੱਤਰਕਾਰ ਸਾਮੀ ਅਬ੍ਰਾਹਮ ਨੇ ਕਿਹਾ ਕਿ ਟੀਵੀ ‘ਤੇ ਲੰਬੇ ਸਮੇਂ ਤੋਂ ਜ਼ੁਲਮ ਕੀਤਾ ਜਾ ਰਿਹਾ ਹੈ। ਪਹਿਲਾਂ ਸਾਡੇ ਚੈਨਲ ਦੇ ਪ੍ਰਧਾਨ ਨੂੰ ਅਗਵਾ ਕੀਤਾ ਗਿਆ। ਇਸ ਤੋਂ ਬਾਅਦ ਉਪ ਰਾਸ਼ਟਰਪਤੀ ਨੂੰ ਅਗਵਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਕਈ ਵਾਰ ਸਾਡੇ ਦਫ਼ਤਰ ਦੇ ਬਾਹਰ ਗੱਡੀਆਂ ਭੇਜੀਆਂ ਗਈਆਂ। ਕਈ ਲੋਕਾਂ ਨੂੰ ਅਗਵਾ ਕੀਤਾ ਗਿਆ, ਕਈ ਲੋਕਾਂ ਨੂੰ ਅਗਵਾ ਕਰਨ ਦੀ ਕੋਸ਼ਿਸ਼ ਹੋਈ। ਸਾਡੇ ਕੋਲ ਅਗਵਾਕਾਰਾਂ ਦੀ ਤਸਵੀਰ ਅਤੇ ਗੱਡੀ ਦਾ ਨੰਬਰ ਵੀ ਹੈ। ਇਹ ਬਹੁਤ ਦੁੱਖ ਦੀ ਗੱਲ ਹੈ।
ਉਨ੍ਹਾਂ ਕਿਹਾ ਕਿ ਸਹੀ ਸਮਾਂ ਆਉਣ ’ਤੇ ਉਹ ਦੋਸ਼ੀਆਂ ਦੀਆਂ ਫੋਟੋਆਂ ਲੋਕਾਂ ਸਾਹਮਣੇ ਜਾਰੀ ਕਰਨਗੇ। ਪੱਤਰਕਾਰ ਨੇ ਕਿਹਾ ਕਿ ਟੀਵੀ ਨੇ ਕਦੇ ਵੀ ਕਿਸੇ ਅਥਾਰਟੀ ਨੂੰ ਚੁਣੌਤੀ ਨਹੀਂ ਦਿੱਤੀ ਹੈ। ਪਾਕਿਸਤਾਨ ਖਿਲਾਫ਼ ਨਹੀਂ ਬੋਲਿਆ ਪਰ ਫਿਰ ਵੀ ਸਾਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਹੁਣੇ ਹੀ ਸਾਡੇ ਮਾਰਕਿਟਿੰਗ ਮੁਖੀ, ਜੋ ਕਿ ਘੱਟ ਗਿਣਤੀ ਹਿੰਦੂ ਹਨ, ਨੂੰ ਅਗਵਾ ਕਰ ਲਿਆ ਗਿਆ। ਅਸੀਂ ਪਾਕਿਸਤਾਨ ਵਿੱਚ ਮਨੁੱਖੀ ਅਧਿਕਾਰਾਂ ਦੀ ਸਥਿਤੀ ਬਾਰੇ ਇੱਕ ਪ੍ਰੈਸ ਕਾਨਫਰੰਸ ਕਰਾਂਗੇ। ਅਸੀਂ ਅੰਤਰਰਾਸ਼ਟਰੀ ਮੀਡੀਆ ਲਈ ਪ੍ਰੈਸ ਕਾਨਫਰੰਸ ਕਰਾਂਗੇ। ਆਕਾਸ਼ ਰਾਮ ਨੇ ਪਾਕਿਸਤਾਨ ਦੀ ਸੇਵਾ ਕੀਤੀ ਹੈ, ਉਹ ਚੁੱਕ ਲਿਆ ਗਿਆ। ਉਹ ਸੱਚਾ ਪਾਕਿਸਤਾਨੀ ਹੈ, ਉਸ ਨੂੰ ਵੀ ਚੁੱਕ ਲਿਆ ਗਿਆ।
ਇਹ ਵੀ ਪੜ੍ਹੋ : ਲਲਿਤ ਮੋਦੀ ਨੂੰ ਸੁਪਰੀਮ ਕੋਰਟ ਦਾ ਹੁਕਮ ‘ਬਿਨਾਂ ਸ਼ਰਤ ਮੰਗੋ ਮਾਫੀ’ ਅਦਾਲਤ ‘ਤੇ ਟਿੱਪਣੀ ਦਾ ਦੋਸ਼
ਸਾਮੀ ਅਬ੍ਰਾਹਮ ਨੇ ਕਿਹਾ ਕਿ ਹਿੰਦੂ ਹੋਣ ਦੇ ਬਾਵਜੂਦ ਅਕਾਸ਼ ਰਾਮ ਦੀ ਮਾਂ ਰੋਂਦੀ ਹੋਈ ਅੱਲ੍ਹਾ ਦਾ ਹਵਾਲਾ ਦੇ ਰਹੀ ਹੈ ਅਤੇ ਕਹਿ ਰਹੀ ਹੈ ਕਿ ਮੇਰੇ ਪੁੱਤ ਨੂੰ ਵਾਪਸ ਕਰ ਦਿਓ। ਇਸ ਦੇ ਨਾਲ ਹੀ ਇੱਕ ਹੋਰ ਪੱਤਰਕਾਰ ਨੇ ਕਿਹਾ ਕਿ ਮਾਰਕੀਟਿੰਗ ਕਰਨ ਵਾਲੇ ਲੋਕਾਂ ਨੂੰ ਚੁੱਕਣਾ ਚਾਹੀਦਾ ਹੈ ਕਿਉਂਕਿ ਅਜਿਹਾ ਕੀਤਾ ਜਾ ਰਿਹਾ ਹੈ ਤਾਂ ਜੋ ਚੈਨਲ ਦੀ ਵਿੱਤੀ ਸਮੱਸਿਆ ਵਧੇ ਅਤੇ ਲੋਕਾਂ ਨੂੰ ਸਹੀ ਸਮੇਂ ‘ਤੇ ਤਨਖਾਹ ਨਾ ਮਿਲੇ। ਪਤਾ ਨਹੀਂ ਸਾਡੇ ਨਾਲ ਅਜਿਹਾ ਸਲੂਕ ਕਿਉਂ ਹੋ ਰਿਹਾ ਹੈ।
ਦੱਸ ਦੀਏ ਕਿ ਪਾਕਿਸਤਾਨ ਵਿੱਚ ਲਗਾਤਾਰ ਹਿੰਦੂ ਲੋਕਾਂ ਨੂੰ ਤੰਗ-ਪ੍ਰੇਸ਼ਾਨ ਕਰਨ ਦੀਆਂ ਖਬਰਾਂ ਆ ਰਹੀਆਂ ਹਨ। ਇਸ ਤੋਂ ਪਹਿਲਾਂ 30 ਮਾਰਚ ਨੂੰ ਕਰਾਚੀ ਵਿੱਚ ਇੱਕ ਹਿੰਦੂ ਡਾਕਟਰ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਉਹ ਕਰਾਚੀ ਮਿਉਂਸਪਲ ਕਾਰਪੋਰੇਸ਼ਨ ਦੇ ਸੇਵਾਮੁਕਤ ਡਾਇਰੈਕਟਰ ਅਤੇ ਅੱਖਾਂ ਦਾ ਡਾਕਟਰ ਸਨ। ਇਸ ਤੋਂ ਕੁਝ ਦਿਨ ਪਹਿਲਾਂ ਇੱਕ ਹੋਰ ਹਿੰਦੂ ਡਾਕਟਰ ਦੀ ਟਾਰਗੇਟ ਕਿਲਿੰਗ ਕੀਤੀ ਗਈ ਸੀ। ਉਸ ਦੇ ਡਰਾਈਵਰ ਨੇ ਡਾਕਟਰ ਦਾ ਗਲਾ ਵੱਢ ਦਿੱਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
