ਹਰਿਆਣਾ ਨੂਹ ਦੰਗਿਆਂ ‘ਚ ਨਿਕਲਿਆ ਪੰਜਾਬ ਦਾ ਲਿੰਕ, ਪੁਲਿਸ ਨੇ ਸ਼ੁਰੂ ਕੀਤੀ ਜਾਂਚ

31 ਜੁਲਾਈ ਨੂੰ ਹਰਿਆਣਾ ਦੇ ਨੂੰਹ ਵਿੱਚ ਹੋਏ ਦੰਗਿਆਂ ਦਾ ਪੰਜਾਬ ਨਾਲ ਲਿੰਕ ਨਿਕਲਿਆ ਹੈ। ਦੰਗਿਆਂ ਤੋਂ ਪਹਿਲਾਂ ਇੱਕ ਵੀਡੀਓ ਵਿੱਚ ਬਦਮਾਸ਼ਾਂ ਦੀ ਅਗਵਾਈ ਕਰਦੀ ਨਜ਼ਰ ਆ ਰਹੀ ਹੁੰਡਈ ਵੈਨਿਊ ਕਾਰ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਦੇ ਫੌਜੀ ਨਿਰਮਲ ਸਿੰਘ ਦੇ ਨਾਂ ‘ਤੇ ਰਜਿਸਟਰਡ ਹੈ। ਨਿਰਮਲ ਸਿੰਘ ਦੇ ਪਿਤਾ ਸੁਖਦੇਵ ਸਿੰਘ ਦਾ ਦਾਅਵਾ ਹੈ ਕਿ ਕਾਰ ਖਰੀਦਣ ਦੇ 3 ਮਹੀਨੇ ਬਾਅਦ ਹੀ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋ ਗਈ ਸੀ। ਪਰਿਵਾਰ ਨੇ ਪੂਰੇ ਨੁਕਸਾਨ ਵਿੱਚ ਕਾਰ ਏਜੰਸੀ ਨੂੰ ਵਾਪਸ ਦੇ ਕੇ ਕਲੇਮ ਲੈ ​​ਲਿਆ। ਇਸ ਸਬੰਧੀ ਸਾਰੇ ਦਸਤਾਵੇਜ਼ ਉਸ ਦੇ ਪਰਿਵਾਰ ਕੋਲ ਮੌਜੂਦ ਹਨ।

ਨਿਰਮਲ ਸਿੰਘ ਦੇ ਪਰਿਵਾਰ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਕਿ ਇਹ ਕਾਰ ਨੂਹ ਕਿਵੇਂ ਪਹੁੰਚੀ। ਨੂਹ ਦੰਗਿਆਂ ਦੀ ਵੀਡੀਓ ‘ਚ ਉਸ ਦੀ ਨੰਬਰ ਪਲੇਟ ਵਾਲੀ ਕਾਰ ਦੇਖ ਕੇ ਪਰਿਵਾਰਕ ਮੈਂਬਰ ਹੈਰਾਨ ਹਨ।

ਦਰਅਸਲ, ਨੂਹ ਦੰਗਿਆਂ ਤੋਂ ਬਾਅਦ, ਇੱਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿੱਚ ਇੱਕ ਚਿੱਟੇ ਰੰਗ ਦੀ ਹੁੰਡਈ ਵੇਨਿਊ ਕਾਰ ਵਿੱਚ ਬੈਠਾ ਇੱਕ ਵਿਅਕਤੀ ਬਦਮਾਸ਼ਾਂ ਦੀ ਅਗਵਾਈ ਕਰਦਾ ਦਿਖਾਈ ਦੇ ਰਿਹਾ ਹੈ। ਇਸ ਕਾਰ ਦੀ ਨੰਬਰ ਪਲੇਟ ‘ਤੇ ਨੰਬਰ PB31W4831 ਲਿਖਿਆ ਹੋਇਆ ਸੀ। ਪੀ.ਬੀ.31 ਦੀ ਲੜੀ ਪੰਜਾਬ ਦੇ ਮਾਨਸਾ ਤੋਂ ਹੈ।

ਜਦੋਂ ਇਸ ਦੀ ਜਾਂਚ ਸ਼ੁਰੂ ਕੀਤੀ ਤਾਂ ਪਤਾ ਲੱਗਾ ਕਿ ਇਹ ਕਾਰ ਨੰਬਰ ਪੀ.ਬੀ.31 ਡਬਲਯੂ 4831 ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਦੀ ਰਿਜਨਲ ਟਰਾਂਸਪੋਰਟ ਅਥਾਰਟੀ (ਆਰ.ਟੀ.ਏ.) ਵਿੱਚ ਰਜਿਸਟਰਡ ਹੈ। ਆਰਟੀਏ ਦੇ ਰਿਕਾਰਡ ਮੁਤਾਬਕ ਇਸ ਕਾਰ ਦਾ ਮਾਲਕ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਦਲੇਲਵਾਲਾ ਦਾ ਰਹਿਣ ਵਾਲਾ ਨਿਰਮਲ ਸਿੰਘ ਹੈ। ਨਿਰਮਲ ਸਿੰਘ ਨੇ ਇਹ ਕਾਰ 3 ਜੂਨ 2021 ਨੂੰ ਜਲੰਧਰ ਦੇ ਕੋਸਮੋ ਆਟੋਮੋਬਾਈਲਜ਼ ਤੋਂ ਖਰੀਦੀ ਸੀ।

ਇਹ ਵੀ ਪੜ੍ਹੋ : ਪੰਜਾਬ ਪੁਲਿਸ ‘ਚ ਵੱਡਾ ਫੇਰਬਦਲ, 167 DSP ਰੈਂਕ ਦੇ ਅਫ਼ਸਰਾਂ ਦਾ ਹੋਇਆ ਤਬਾਦਲਾ, ਵੇਖੋ ਲਿਸਟ

ਰਿਪੋਰਟ ਮੁਤਾਬਕ ਅੱਜਕੱਲ੍ਹ ਨਿਰਲਮ ਸਿੰਘ ਦੀ ਪੋਸਟਿੰਗ ਆਸਾਮ ਵਿੱਚ ਹੈ। ਉਸ ਦੀ ਪਤਨੀ ਬਬਲਜੀਤ ਕੌਰ ਨੇ ਦੱਸਿਆ ਕਿ ਉਸਦੇ ਪਤੀ ਨੇ ਇਹ ਕਾਰ ਜੂਨ 2021 ਵਿੱਚ ਜਲੰਧਰ ਦੀ ਏਜੰਸੀ ਤੋਂ ਖਰੀਦੀ ਸੀ। ਬਬਲਜੀਤ ਕੌਰ ਮੁਤਾਬਕ ਕਾਰ ਖਰੀਦਣ ਤੋਂ 3 ਮਹੀਨੇ ਬਾਅਦ ਅਕਤੂਬਰ 2021 ਵਿੱਚ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਕੋਟ ਧਰਮੂ ਨੇੜੇ ਉਨ੍ਹਾਂ ਦਾ ਇੱਕ ਟਰੈਕਟਰ ਨਾਲ ਵੱਡਾ ਹਾਦਸਾ ਹੋ ਗਿਆ ਸੀ। ਇਸ ਹਾਦਸੇ ‘ਚ ਕਾਰ ਪੂਰੀ ਤਰ੍ਹਾਂ ਚਕਨਾਚੂਰ ਹੋ ਗਈ। ਇਸ ’ਤੇ ਪਰਿਵਾਰ ਨੇ ਸਕਰੈਪ ਹੋਈ ਕਾਰ ਦਾ ਸਾਰਾ ਨੁਕਸਾਨ ਏਜੰਸੀ ਨੂੰ ਵਾਪਸ ਦੇ ਕੇ ਕਲੇਮ ਲੈ ਲਿਆ। ਉਸ ਤੋਂ ਬਾਅਦ ਕਾਰ ਦਾ ਕੀ ਹੋਇਆ, ਉਸ ਦੇ ਪਰਿਵਾਰ ਨੂੰ ਕੋਈ ਪਤਾ ਨਹੀਂ ਹੈ।

ਮਾਨਸਾ ਦੇ ਐਸ.ਐਸ.ਪੀ ਨਾਨਕ ਸਿੰਘ ਨੇ ਦੱਸਿਆ ਕਿ ਨੌਂ ਦੰਗਿਆਂ ਵਿੱਚ ਕਾਰ ਨੰਬਰ ਪੀ.ਬੀ.31 ਦੀ ਵਰਤੋਂ ਹੋਣ ਦੀ ਸੂਚਨਾ ਤੋਂ ਬਾਅਦ ਮਾਨਸਾ ਪੁਲਿਸ ਨੇ ਆਪਣੇ ਪੱਧਰ ’ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਇਸ ਕਾਰ ਦੇ ਮਾਲਕਾਂ ਦਾ ਪਤਾ ਲਗਾ ਰਹੀ ਹੈ। ਫਿਲਹਾਲ ਹਰਿਆਣਾ ਪੁਲਿਸ ਨੇ ਪੰਜਾਬ ਪੁਲਿਸ ਨਾਲ ਕੋਈ ਸੰਪਰਕ ਨਹੀਂ ਕੀਤਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “