ਮੋਗਾ ਵਿੱਚ ਹੋਇਆ ਵਿਹਲੇ ਰਹਿਣ ਦਾ ਮੁਕਾਬਲਾ 32 ਘੰਟਿਆਂ ਬਾਅਦ ਖਤਮ ਹੋ ਗਿਆ। ਪੰਜਾਬ ਨੂੰ 2 ਸਭ ਤੋਂ ਵੱਧ ਵਿਹਲੇ ਲੋਕ ਮਿਲ ਗਏ। ਘੋਲੀਆਂ ਖੁਰਦ ਵਿਚ ਇਹੋਏ ਇਸ ਮੁਕਾਬਲੇ ਵਿਚ ਦੋਵੇਂ ਸਾਂਝੇ ਵਿਨਰ 31 ਘੰਟੇ 4 ਮਿੰਟ ਤੱਕ ਵਿਹਲੇ ਬੈਠੇ ਰਹੇ।
ਪਹਿਲਾ ਸਥਾਨ ਨੱਥਕੇ ਦੇ ਵਸਨੀਕ ਸਤਬੀਰ ਸਿੰਘ ਅਤੇ ਰੋਲੀ ਦੇ ਦੇ ਲਾਭਪ੍ਰੀਤ ਸਿੰਘ ਨੂੰ ਮਿਲਿਆ। ਦੋਵੇਂ ਖਾਣੇ, ਪਾਣੀ ਜਾਂ ਮੋਬਾਈਲ ਫੋਨਾਂ ਤੋਂ ਬਿਨਾਂ ਮੁਕਾਬਲੇ ਵਿੱਚ ਰਹੇ। ਇਸ ਦੌਰਾਨ ਕੋਈ ਵੀ ਵਾਸ਼ਰੂਮ ਵੀ ਨਹੀਂ ਗਿਆ। ਤੀਜਾ ਸਥਾਨ ਢੁੱਡੀਕੇ ਦੇ ਚਾਨਣ ਸਿੰਘ ਨੂੰ ਮਿਲਿਆ, ਜਿਸਨੇ 29 ਘੰਟੇ ਵਿਹਲੇ ਰਹਿਣ ਦਾ ਰਿਕਾਰਡ ਬਣਾਇਆ।
ਲੋਕਾਂ ਨੂੰ ਮੋਬਾਈਲ ਫੋਨਾਂ ਤੋਂ ਦੂਰ ਰਹਿਣ ਅਤੇ ਕਿਤਾਬਾਂ ਨਾਲ ਜੁੜਨ ਲਈ ਉਤਸ਼ਾਹਿਤ ਕਰਨ ਲਈ, ਘੋਲੀਆਂ ਖੁਰਦ ਵਿੱਚ ਇੱਕ ਵਿਹਲੇ ਰਹਿਣ ਦਾ ਮੁਕਾਬਲਾ ਕਰਵਾਇਆ ਗਿਆ। ਪੰਜਾਬ ਭਰ ਤੋਂ 55 ਲੋਕਾਂ ਨੇ ਹਿੱਸਾ ਲਿਆ। ਮੁਕਾਬਲੇ ਲਈ ਨੀਂਦ, ਭੋਜਨ ਅਤੇ ਬਾਥਰੂਮ ਬ੍ਰੇਕ ਤੋਂ ਬਿਨਾਂ ਜਾਗਦੇ ਰਹਿਣ ਦੀ ਸ਼ਰਤ ਸੀ।
ਮੋਗਾ ਦੇ ਘੋਲੀਆਂ ਖੁਰਦ ਵਿੱਚ ਹੋਏ ਇਸ ਮੁਕਾਬਲੇ ਦੇ 11 ਸਖ਼ਤ ਨਿਯਮ ਸਨ। ਕਿਤਾਬਾਂ ਪੜ੍ਹਨ ਅਤੇ ਸਿਮਰਨ ਕਰਨ ਦੀ ਇਜਾਜ਼ਤ ਸੀ। ਮੁਕਾਬਲੇ ਦੌਰਾਨ ਮੋਬਾਈਲ ਦੀ ਵਰਤੋਂ ‘ਤੇ ਵੀ ਪਾਬੰਦੀ ਸੀ। ਉਹ ਇੱਕ ਦੂਜੇ ਨਾਲ ਗੱਲ ਕਰ ਸਕਦੇ ਸਨ, ਪਰ ਇੱਕ ਨਿਯਮ ਸੀ ਕਿ ਜੇ ਉਹ ਝਗੜਾ ਕਰਨਗੇ ਤਾਂ ਉਨ੍ਹਾਂ ਨੂੰ ਮੁਕਾਬਲੇ ਤੋਂ ਬਾਹਰ ਕੱਢ ਦਿੱਤਾ ਜਾਵੇਗਾ। ਅਖੀਰ ਵਿਚ ਸਿਰਫ਼ ਤਿੰਨ ਲੋਕ ਹੀ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਕਰ ਸਕੇ। 53 ਲੋਕ 12 ਤੋਂ 24 ਘੰਟਿਆਂ ਦੇ ਅੰਦਰ ਮੁਕਾਬਲੇ ਤੋਂ ਬਾਹਰ ਹੋ ਗਏ।
ਮੁਕਾਬਲੇ ਐਤਵਾਰ ਸਵੇਰੇ 11 ਵਜੇ ਸ਼ੁਰੂ ਹੋਏ। ਬੱਚਿਆਂ, ਨੌਜਵਾਨਾਂ, ਔਰਤਾਂ ਅਤੇ ਬਜ਼ੁਰਗਾਂ ਸਮੇਤ ਹਰ ਉਮਰ ਵਰਗ ਦੇ ਲੋਕਾਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਮੁਕਾਬਲੇ ਦੇ ਸਖ਼ਤ ਨਿਯਮਾਂ ਦੇ ਬਾਵਜੂਦ ਮੁਕਾਬਲੇਬਾਜਾਂ ਨੇ ਜਿੱਤਣ ਲਈ ਆਪਣੀ ਜੀ-ਜਾਨ ਲਾ ਦਿੱਤੀ। 32 ਘੰਟੇ ਤੱਕ ਚੱਲੇ ਇਸ ਵਿਲੱਖਣ ਪ੍ਰੋਗਰਾਮ ਨੇ ਸਬਰ ਦੀ ਮਿਸਾਲ ਪੇਸ਼ ਕੀਤੀ।
ਪਹਿਲੇ ਸਥਾਨ ‘ਤੇ ਰਹਿਣ ਵਾਲੇ ਦੋ ਜੇਤੂਆਂ, ਸਤਬੀਰ ਸਿੰਘ ਅਤੇ ਲਾਭਪ੍ਰੀਤ ਸਿੰਘ ਨੂੰ ਇੱਕ ਸਾਈਕਲ ਅਤੇ 3,500 ਰੁਪਏ ਨਕਦ ਮਿਲੇ। ਤੀਜੇ ਸਥਾਨ ‘ਤੇ ਰਹਿਣ ਵਾਲੇ ਚਾਨਣ ਸਿੰਘ ਨੂੰ 1,500 ਰੁਪਏ ਮਿਲੇ। ਮੁਕਾਬਲਾ ਜਿੱਤਣ ਤੋਂ ਬਾਅਦ, ਤਿੰਨੋਂ ਮੁਕਾਬਲੇਬਾਜਾਂ ਨੇ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਨੂੰ 31 ਘੰਟੇ ਆਪਣੇ ਮੋਬਾਈਲ ਫੋਨਾਂ ਤੋਂ ਦੂਰ ਰਹਿਣਾ ਵਧੀਆ ਲੱਗਾ। ਘਰ ਵਿੱਚ ਉਹ ਸਾਰਾ ਦਿਨ ਰੀਲਾਂ ਦੇਖਦੇ ਰਹਿੰਦੇ ਸਨ।
ਇਹ ਵੀ ਪੜ੍ਹੋ : ਸਰਕਾਰੀ ਬੱਸਾਂ ਦੀ ਹੜਤਾਲ ਨੂੰ ਲੈ ਕੇ ਵੱਡੀ ਅਪਡੇਟ, ਮੁੜ ਧਰਨੇ ‘ਤੇ ਬੈਠੇ ਪੰਜਾਬ ਰੋਡਵੇਜ਼ ਮੁਲਾਜ਼ਮ
ਪ੍ਰਬੰਧਕ ਨੇ ਕਿਹਾ ਕਿ ਦੋਵੇਂ ਨੌਜਵਾਨ 31 ਘੰਟੇ 4 ਮਿੰਟ ਤੱਕ ਵਿਹਲੇ ਬੈਠੇ ਰਹੇ। ਦੋਵਾਂ ਨੂੰ ਇਨਾਮ ਵਜੋਂ ਸਾਈਕਲ ਦਿੱਤੇ ਗਏ। ਉਹ ਅਜੇ ਵੀ ਜ਼ਿਆਦਾ ਸਮਾਂ ਬੈਠਣ ਲਈ ਕਹਿ ਰਹੇ ਸਨ, ਪਰ ਅਸੀਂ ਕਿਹਾ ਕਿ ਬਹੁਤ ਹਨੇਰਾ ਹੋ ਜਾਵੇਗਾ। ਇਸ ਤੋਂ ਬਾਅਦ ਦੋਵਾਂ ਨਾਲ ਗੱਲ ਕੀਤੀ ਗਈ ਅਤੇ ਸਾਂਝੇ ਜੇਤੂ ਐਲਾਨੇ ਗਏ। ਮੁਕਾਬਲੇ ਨੂੰ ਲੋਕਾਂ ਦਾ ਸਮਰਥਨ ਮਿਲਿਆ। ਪਿੰਡ ਘੋਲੀਆਂ ਖੁਰਦ ਦੀਆਂ ਔਰਤਾਂ ਨੇ ਖਾਣ-ਪੀਣ ਦਾ ਪ੍ਰਬੰਧ ਕੀਤਾ। ਅਜਿਹੇ ਮੁਕਾਬਲੇ ਨੌਜਵਾਨਾਂ ਨੂੰ ਮੋਬਾਈਲ ਫੋਨਾਂ ਤੋਂ ਦੂਰ ਰੱਖਣਗੇ, ਉਨ੍ਹਾਂ ਨੂੰ ਕਿਤਾਬਾਂ ਨਾਲ ਜੋੜਨਗੇ ਅਤੇ ਨਸ਼ਿਆਂ ਤੋਂ ਵੀ ਦੂਰ ਰਹਿਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
