ਰੂਸੀ ਫੌਜਾਂ ਦੇ ਕਬਜ਼ੇ ਤੋਂ ਛੁਡਾਏ ਗਏ ਯੂਕਰੇਨ ਦੇ ਇਲਾਕੇ ਵਿੱਚ ਕਈ ਟਾਰਚਰ ਚੈਂਬਰ ਮਿਲੇ ਹਨ। ਇਹ ਜਾਣਕਾਰੀ ਯੂਕਰੇਨ ਦੀ ਸੰਸਦ ਦੇ ਮਨੁੱਖੀ ਅਧਿਕਾਰ ਕਮਿਸ਼ਨਰ ਦਮਿਤਰੋ ਲੁਬਨੇਟਸ ਨੇ ਦਿੱਤੀ। ਪ੍ਰੈੱਸ ਕਾਨਫਰੰਸ ‘ਚ ਉਨ੍ਹਾਂ ਦੱਸਿਆ ਕਿ ਹਾਲ ਹੀ ‘ਚ ਰੂਸ ਤੋਂ ਆਜ਼ਾਦ ਹੋਏ ਖਰਸੋਨ ‘ਚ 10 ਟਾਰਚਰ ਚੈਂਬਰ ਮਿਲੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਟਾਰਚਰ ਸੈਂਟਰ ਸਿਰਫ਼ ਬੱਚਿਆਂ ਲਈ ਸੀ, ਜਿਸ ‘ਚ ਨਾਬਾਲਗਾਂ ‘ਤੇ ਤਸ਼ੱਦਦ ਕੀਤਾ ਗਿਆ।
ਦਿਮਿਤਰੋ ਨੇ ਦੱਸਿਆ ਕਿ ਖ਼ਤਰਨਾਕ ਠੰਢ ਵਿੱਚ ਬੱਚਿਆਂ ਨੂੰ ਬਹੁਤ ਪਤਲੇ ਮੈਟ ਉੱਤੇ ਰੱਖਿਆ ਜਾਂਦਾ ਸੀ। ਉਨ੍ਹਾਂ ਨੂੰ ਦੋ ਦਿਨਾਂ ਵਿੱਚ ਸਿਰਫ਼ ਇੱਕ ਵਾਰ ਹੀ ਪਾਣੀ ਦਿੱਤਾ ਜਾਂਦਾ ਸੀ ਅਤੇ ਖਾਣ ਲਈ ਕੁਝ ਨਹੀਂ ਮਿਲਦਾ ਸੀ।
ਯੂਕਰੇਨ ਨੇ ਬਲਾਕਲੀਆ ਕਸਬੇ ਵਿੱਚ 90 ਦਿਨਾਂ ਤੱਕ ਬੰਦੀ ਬਣਾਏ ਹੋਏ 14 ਸਾਲਾ ਮੁੰਡੇ ਨੂੰ ਰਿਹਾਅ ਕਰ ਦਿੱਤਾ ਹੈ। ਲੁਬਿਨੇਟਸ ਨੇ ਕਿਹਾ ਕਿ ਰੂਸੀ ਕੈਦ ਤੋਂ ਛੁਡਾਏ ਗਏ ਮੁੰਡੇ ਦੇ ਸਰੀਰ ‘ਤੇ ਕਈ ਚਾਕੂਆਂ ਅਤੇ ਗਰਮ ਨਾਲ ਦਾਗੇ ਜਾਣ ਦੇ ਜ਼ਖਮ ਮਿਲੇ ਹਨ। ਲੁਬਿਨੇਟਸ ਮੁਤਾਬਕ ਮੁੰਡੇ ਨੂੰ ਰੂਸੀ ਫੌਜ ਨੇ ਸਿਰਫ ਇਸ ਲਈ ਕੈਦ ਕੀਤਾ ਸੀ ਕਿਉਂਕਿ ਉਸਨੇ ਕੁਝ ਟੁੱਟੇ ਹੋਏ ਰੂਸੀ ਸਮਾਨ ਦੀ ਫੋਟੋ ਖਿੱਚੀ ਸੀ।
ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਦਾ ਦਾਅਵਾ ਹੈ ਕਿ ਜੰਗ ਵਿੱਚ ਹੁਣ ਤੱਕ 2 ਲੱਖ ਤੋਂ ਵੱਧ ਬੱਚਿਆਂ ਨੂੰ ਅਗਵਾ ਕਰਕੇ ਰੂਸ ਭੇਜਿਆ ਜਾ ਚੁੱਕਾ ਹੈ।
NYT ਅਤੇ ਅਲਜਜ਼ੀਰਾ ਦੀਆਂ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇਨ੍ਹਾਂ ਬੱਚਿਆਂ ਨੂੰ ਉੱਥੋਂ ਦੇ ਲੋਕਾਂ ਨੇ ਗੋਦ ਲਿਆ ਹੈ। ਜੰਗ ਤੋਂ ਪਹਿਲਾਂ ਰੂਸ ਵਿਚ ਵਿਦੇਸ਼ੀ ਬੱਚਿਆਂ ਨੂੰ ਗੋਦ ਲੈਣਾ ਗੈਰ-ਕਾਨੂੰਨੀ ਸੀ। ਮਈ 2022 ਵਿੱਚ ਪੁਤਿਨ ਨੇ ਵਿਦੇਸ਼ੀ ਬੱਚਿਆਂ ਨੂੰ ਗੋਦ ਲੈਣ ਦਾ ਅਧਿਕਾਰ ਦੇਣ ਲਈ ਕਾਨੂੰਨ ਵਿੱਚ ਬਦਲਾਅ ਕੀਤਾ।
ਇਹ ਵੀ ਪੜ੍ਹੋ : PAK-ਅਫ਼ਗਾਨ ਬਾਰਡਰ ‘ਤੇ ਅੰਨ੍ਹੇਵਾਹ ਫਾਇਰਿੰਗ, ਕਈ ਨਾਗਰਿਕ ਜ਼ਖਮੀ, 4 ਪਾਕਿਸਤਾਨੀ ਫੌਜੀ ਮਰੇ
ਸਤੰਬਰ ਵਿੱਚ ਸੰਯੁਕਤ ਰਾਸ਼ਟਰ ਵਿੱਚ ਅਮਰੀਕੀ ਰਾਜਦੂਤ ਲਿੰਡਾ ਥਾਮਸ ਗ੍ਰੀਨਫੀਲਡ ਨੇ ਕਿਹਾ ਕਿ ਇਕੱਲੇ ਜੁਲਾਈ 2022 ਵਿੱਚ 1800 ਤੋਂ ਵੱਧ ਅਗਵਾ ਕੀਤੇ ਗਏ ਯੂਕਰੇਨੀ ਬੱਚਿਆਂ ਨੂੰ ਰੂਸੀਆਂ ਵੱਲੋਂ ਗੋਦ ਲਿਆ ਗਿਆ ਸੀ। ਹਾਲਾਂਕਿ ਅਮਰੀਕਾ ਦੇ ਇਨ੍ਹਾਂ ਦੋਸ਼ਾਂ ਨੂੰ ਰੂਸੀ ਰਾਜਦੂਤ ਵੈਸੀਲੀ ਨੇਬੇਨਜੀਆ ਨੇ ਨਕਾਰ ਦਿੱਤਾ ਅਤੇ ਕਿਹਾ ਕਿ ਪੋਲੈਂਡ ਅਤੇ ਯੂਰਪੀਅਨ ਯੂਨੀਅਨ ਵਾਂਗ ਯੂਕਰੇਨ ਦੇ ਲੋਕਾਂ ਲਈ ਰੂਸ ਵਿੱਚ ਵੀ ਸ਼ਰਨਾਰਥੀ ਕੈਂਪ ਬਣਾਏ ਗਏ ਹਨ। ਉਨ੍ਹਾਂ ਕਿਹਾ ਕਿ 6,00,000 ਬੱਚੇ ਅਤੇ ਯੂਕਰੇਨੀ ਯੂਕਰੇਨ ਜਾਂ ਰੂਸ ਦੇ ਕੰਟਰੋਲ ਵਾਲੇ ਖੇਤਰ ਤੋਂ ਰੂਸ ਪਹੁੰਚੇ, ਜਿਨ੍ਹਾਂ ਨੂੰ ਜੇਲ੍ਹਾਂ ਵਿੱਚ ਨਹੀਂ ਬਲਕਿ ਰਾਹਤ ਕੈਂਪਾਂ ਵਿੱਚ ਰੱਖਿਆ ਜਾ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
