ਵਰਿੰਦਰ ਪ੍ਰਤਾਪ ਸਿੰਘ ਉਰਫ ਕਾਲਾ ਰਾਣਾ, ਜੋਕਿ ਪੇਸ਼ੇ ਵਜੋਂ ਬਦਨਾਮ ਗੈਂਗਸਟਰ ਲਾਰੈਂਸ ਗੈਂਗ ਦੇ ਸਿੰਡੀਕੇਟ ਦਾ ਮੈਂਬਰ ਹੈ ਤੇ ਉਸ ‘ਤੇ ਕਤਲ, ਡਕੈਤੀ, ਫਿਰੌਤੀ ਦੀ ਮੰਗ ਅਤੇ ਜਬਰੀ ਵਸੂਲੀ ਵਰਗੇ ਕਈ ਦੋਸ਼ ਹਨ। ਕੁਝ ਸਾਲਾਂ ਵਿਚ ਹੀ ਅਪਰਾਧ ਦੀ ਦੁਨੀਆ ਵਿਚ ਆਪਣਾ ਨਾਂ ਸਿੱਕਾ ਚਲਾਉਣ ਵਾਲਾ ਕਾਲਾ ਰਾਣਾ ਹੁਣ ਗੋਡਿਆਂ ਭਾਰ ਆ ਗਿਆ ਹੈ।
ਕਾਲਾ ਰਾਣਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਨਾ ਸਿਰਫ਼ ਆਪਣੇ ਗੁਨਾਹ ਦੀ ਕਹਾਣੀ ਬਿਆਨ ਕਰ ਰਿਹਾ ਹੈ, ਸਗੋਂ ਆਪਣੇ ਆਪ ਨੂੰ ਗੰਦਾ ਦੱਸਦੇ ਹੋਏ ਮੁਆਫ਼ੀ ਵੀ ਮੰਗ ਰਿਹਾ ਹੈ, ਹਾਲਾਂਕਿ ਇਹ ਵੀਡੀਓ ਕਿੱਥੇ ਤੇ ਕਦੋਂ ਦਾ ਹੈ, ਇਸ ਬਾਰੇ ਕੁਝ ਵੀ ਪਤਾ ਨਹੀਂ ਲੱਗ ਸਕਿਆ।
ਵੀਡੀਓ ‘ਚ ਗੈਂਗਸਟਰ ਕਾਲਾ ਰਾਣਾ ਕੰਨ ਫੜ ਕੇ ਬੈਠਕਾਂ ਕੱਢ ਰਿਹਾ ਹੈ। ਵੀਡੀਓ ਵਿੱਚ ਉਹ ਕਹਿੰਦਾ ਹੈ ਕਿ ਮੇਰਾ ਨਾਮ ਵਰਿੰਦਰ ਪ੍ਰਤਾਪ ਉਰਫ ਕਾਲਾ ਰਾਣਾ ਹੈ। ਮੈਂ 2012 ਵਿੱਚ ਅਪਰਾਧ ਸ਼ੁਰੂ ਕੀਤਾ ਸੀ। ਕਈ ਬੇਕਸੂਰਾਂ ਦਾ ਕਤਲ ਅਤੇ ਕਈ ਲੋਕਾਂ ਤੋਂ ਫਿਰੌਤੀ ਦੀ ਵਸੂਲੀ। ਮੈਨੂੰ ਮਾਫ਼ ਕਰ ਦਿੱਤਾ ਜਾਏ। ਮੈਂ ਇੱਕ ਗੰਦਾ ਆਦਮੀ ਹਾਂ। ਕਾਲਾ ਰਾਣਾ ਦੇ ਕਬੂਲਨਾਮੇ ਦਾ ਇਹ ਵੀਡੀਓ ਹੁਣ ਵਾਇਰਲ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ : ‘ਲੋਕਤੰਤਰ ਨਹੀਂ… ਤੁਹਾਡਾ ਪਰਿਵਾਰ ਖ਼ਤਰੇ ‘ਚ ਏ’, ਅਮਿਤ ਸ਼ਾਹ ਦਾ ਰਾਹੁਲ ਗਾਂਧੀ ‘ਤੇ ਨਿਸ਼ਾਨਾ
ਦੱਸ ਦੇਈਏ ਕਿ ਕਾਲਾ ਰਾਣਾ ‘ਤੇ ਕਈ ਬਿਜ਼ਨੈੱਸਮੈਨ ਤੋਂ ਫਿਰੌਤੀ ਮੰਗਣ ਦੇ ਦੋਸ਼ ਹਨ। ਉਸ ਨੇ 2017 ਵਿੱਚ ਸਾਬਕਾ MLA ਦਿਲਬਾਗ ਸਿੰਘ ਦੇ ਭਰਾ ਰਾਜਾ ‘ਤੇ ਸੰਪਤ ਨਹਿਰਾ ਨਾਲ ਮਿਲ ਕੇ ਗੋਲੀਆਂ ਚਲਾ ਦਿੱਤੀਆਂ ਸਨ। ਕਾਲਾ ਰਾਣਾ ਖਤਰਨਾਕ ਗੈਂਗਸਟਰ ਕਾਲਾ ਜਠੇੜੀ ਦਾ ਖਾਸਮਖਾਸ ਸੀ। 5 ਰਾਜਾਂ ਦਿੱਲੀ, ਪੰਜਾਬ, ਰਾਜਸਥਾਨ, ਹਰਿਆਣਾ ਤੇ ਚੰਡੀਗੜ੍ਹ ਵਿੱਚ ਉਸ ‘ਤੇ ਅਣਗਿਣਤ ਮਾਮਲੇ ਦਰਜ ਹਨ। ਇਕੱਲੇ ਯਮੁਨਾਨਗਰ ਵਿੱਚ ਉਸ ‘ਤੇ 19 ਕੇਸ ਦਰਜ ਹਨ। ਉਹ ਲਾਰੈਂਸ ਗਰੁੱਪ ਦੀ ਟੌਪ-5 ਦੀ ਲਿਸਟ ਵਿੱਚ ਸ਼ਾਮਲ ਸੀ। ਉਹ ਫਰਜ਼ੀ ਪਾਸਪੋਰਟ ਬਣਾ ਕੇ ਥਾਈਲੈਂਡ ਭੱਜ ਗਿਆ ਸੀ, ਜਿਥੋਂ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
