ਸੁੱਤਾ ਪਿਆ ਬੰਦਾ ਕੁਝ ਨਹੀਂ ਕਰ ਸਕਦਾ। ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਆਪਣੇ ਆਲੇ-ਦੁਆਲੇ ਜਿੰਨਾ ਮਰਜ਼ੀ ਰੌਲਾ ਪੈਂਦਾ ਹੋਵੇ, ਪਰ ਉਹ ਨੀਂਦ ਤੋਂ ਨਹੀਂ ਜਾਗਦੇ। ਪਰ ਬ੍ਰਿਟਿਸ਼ ਕਲਾਕਾਰ ਲੀ ਹੈਡਵਿਨ ਡੂੰਘੀ ਨੀਂਦ ਵਿੱਚ ਖੂਬਸੂਰਤ ਸਕੈਚ ਬਣਾਉਂਦਾ ਹੈ। ਉਸ ਦੀ ਨੀਂਦ ਜਿੰਨੀ ਡੂੰਘੀ ਹੋਵੇਗੀ, ਕਲਾਕਾਰੀ ਓਨੀ ਹੀ ਖੂਬਸੂਰਤ ਹੋਵੇਗੀ।
ਰਿਪੋਰਟ ਮੁਤਾਬਕ ਲੀ ਹੈਡਵਿਨ ਨੂੰ ਬਚਪਨ ਤੋਂ ਹੀ ਨੀਂਦ ‘ਚ ਤੁਰਨ ਦੀ ਆਦਤ ਹੈ। ਉਹ 15 ਸਾਲ ਦੀ ਉਮਰ ਤੋਂ ਹੀ ਮਾਰਲਿਨ ਮੋਨਰੋ ਦੇ ਸਕੈਚ ਬਣਾ ਰਿਹਾ ਹੈ। ਹੁਣ ਲੀ ਪੂਰੀ ਤਰ੍ਹਾਂ ਤਿਆਰ ਸੌਂਦਾ ਹੈ। ਸੌਣ ਤੋਂ ਪਹਿਲਾਂ, ਉਹ ਆਪਣੇ ਆਲੇ-ਦੁਆਲੇ ਨੋਟਬੁੱਕ ਅਤੇ ਸਕੈਚਿੰਗ ਸਮੱਗਰੀ ਰੱਖ ਲੈਂਦਾ ਹੈ।
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਲੀ ਹੈਡਵਿਨ ਕਦੇ ਵੀ ਕਿਸੇ ਆਰਟ ਕੋਰਸ ਆਦਿ ਵਿਚ ਨਹੀਂ ਗਿਆ। ਬਚਪਨ ਵਿਚ ਉਸ ਨੂੰ ਇਨ੍ਹਾਂ ਵਿਚ ਕੋਈ ਦਿਲਚਸਪੀ ਨਹੀਂ ਸੀ। ਲੀ ਨੇ ਕਿਹਾ, ਜਦੋਂ ਮੈਂ ਸਕੂਲ ਵਿੱਚ ਸੀ ਤਾਂ ਮੈਨੂੰ ਕਲਾ ਤੋਂ ਨਫ਼ਰਤ ਸੀ। ਕਦੇ ਨਹੀਂ ਸੋਚਿਆ ਸੀ ਕਿ ਮੈਂ ਇਸ ਨੂੰ ਕਰੀਅਰ ਵਜੋਂ ਅਪਣਾਵਾਂਗਾ। ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
ਲੀ ਨੇ ਦੱਸਿਆ, ਮੈਨੂੰ 4 ਸਾਲ ਦੀ ਉਮਰ ਤੋਂ ਹੀ ਨੀਂਦ ‘ਚ ਤੁਰਨ ਦੀ ਸਮੱਸਿਆ ਹੈ। ਰਾਤ ਨੂੰ ਮੈਂ ਪੌੜੀਆਂ ਉਤਰ ਕੇ ਕੰਧ ‘ਤੇ ਕੁਝ ਲਿਖਦਾ ਰਹਿੰਦਾ। 7 ਸਾਲ ਦੀ ਉਮਰ ਵਿਚ ਮੈਨੂੰ ਡਾਕਟਰ ਨੂੰ ਦਿਖਾਇਆ ਗਿਆ। ਡਾਕਟਰ ਨੇ ਕਿਹਾ ਸੀ ਕਿ ਚਿੰਤਾ ਦੀ ਕੋਈ ਗੱਲ ਨਹੀਂ ਹੈ। ਉਸ ਨੂੰ ਅਜਿਹਾ ਕਰਨ ਦਿਓ।
ਜਦੋਂ ਮੈਂ 15 ਸਾਲਾਂ ਦਾ ਸੀ, ਉਦੋਂ ਵੀ ਮੈਂ ਸਕੈਚ ਕਰਨ ਲਈ ਅੱਧੀ ਰਾਤ ਨੂੰ ਉੱਠਦਾ ਸੀ। ਭਾਵੇਂ ਮੈਂ ਕਿਸੇ ਦੋਸਤ ਦੇ ਘਰ ਜਾਂ ਆਪਣੇ ਘਰ ਹੀ ਹੁੰਦਾ। ਉਸ ਸਮੇਂ ਤੱਕ ਮੈਂ ਮਰਲਿਨ ਮੁਨਰੋ ਦੇ ਪੋਰਟਰੇਟ ਤੋਂ ਲੈ ਕੇ ਐਬਸਟ੍ਰੈਕਟ ਜ਼ੀਰੋ ਅਤੇ ਕਰਾਸ ਅਤੇ ਪਰੀਆਂ ਤੱਕ ਕੁਝ ਵੀ ਸਕੈਚ ਕਰ ਸਕਦਾ ਸੀ। ਉਹ ਕਾਗਜ਼ ਦੇ ਟੁਕੜੇ ‘ਤੇ ਹੀ ਸਕੈਚ ਬਣਾਉਂਦਾ ਸੀ।
ਲੀ ਨੇ ਕਿਹਾ ਕਿ ਕਦੇ-ਕਦੇ ਉਹ ਕੁਝ ਅੰਕਾਂ ਨੂੰ ਸਕੈਚ ਦਾ ਰੂਪ ਦੇ ਦਿੰਦਾ ਸੀ। ਮੈਨੂੰ ਨਹੀਂ ਪਤਾ ਕਿ ਇਹਨਾਂ ਨੰਬਰਾਂ ਦਾ ਕੀ ਅਰਥ ਹੈ। ਖੁਸ਼ਕਿਸਮਤੀ ਨਾਲ ਮੇਰੀ ਪਾਰਟਨਰ ਨੂੰ ਮੇਰੇ ਨੀਂਦ ‘ਚ ਤੁਰਨ ਦੀ ਆਦਤ ਨਾਲ ਕੋਈ ਸਮੱਸਿਆ ਨਹੀਂ ਹੈ। ਉਹ ਰਾਤ ਨੂੰ ਮੇਰੇ ਵੀਡੀਓ ਬਣਾਉਂਦੀ ਹੈ। ਮੇਰੇ ਪੇਂਟਿੰਗ ਦੇ ਵੀਡੀਓ ਦੇਖਣਾ ਬਹੁਤ ਅਜੀਬ ਹੈ, ਕਿਉਂਕਿ ਮੈਨੂੰ ਸਵੇਰੇ ਕੁਝ ਵੀ ਯਾਦ ਨਹੀਂ ਰਹਿੰਦਾ।
ਹੈਰਾਨੀ ਦੀ ਗੱਲ ਇਹ ਹੈ ਕਿ ਲੀ ਹੈਡਵਿਨ ਜਾਗਦੇ ਸਮੇਂ ਸਿਰਫ਼ ਆਪਣੇ ਸੱਜੇ ਹੱਥ ਨਾਲ ਪੇਂਟ ਕਰ ਸਕਦਾ ਹੈ ਪਰ ਜਦੋਂ ਉਹ ਸੌਂ ਰਿਹਾ ਹੁੰਦਾ ਹੈ ਤਾਂ ਉਹ ਦੋਵੇਂ ਹੱਥਾਂ ਨਾਲ ਪੇਂਟ ਕਰ ਸਕਦਾ ਹੈ। ਉਸ ਸਮੇਂ ਰਫ਼ਤਾਰ ਵੀ ਜ਼ਿਆਦਾ ਰਹਿੰਦੀ ਹੈ। ਜੇ ਡਰਾਇੰਗ ਨੋਟਬੁੱਕ ਅਤੇ ਸਕੈਚਿੰਗ ਸਮੱਗਰੀ ਅਲਮਾਰੀ ਵਿੱਚ ਰੱਖੀ ਹੋਈ ਹੈ, ਤਾਂ ਉਹ ਨੀਂਦ ਵਿੱਚ ਹੀ ਉਸ ਨੂੰ ਲੱਭ ਲੈਂਦਾ ਹੈ।
ਇੱਕ ਵਾਰ ਉਹ ਇੱਕ ਦੋਸਤ ਦੇ ਘਰ ਗਿਆ। ਉੱਥੇ ਸਕੈਚ ਸਮੱਗਰੀ ਉਪਲਬਧ ਨਾ ਹੋਣ ਕਾਰਨ ਉਸ ਨੇ ਬਗੀਚੇ ਵਿੱਚ ਰੱਖੇ ਬਾਰਬੇਕਿਊ ਵਿੱਚੋਂ ਚਿਕਨ ਦੀਆਂ ਹੱਡੀਆਂ ਅਤੇ ਬਚੇ ਹੋਏ ਕੋਲੇ ਦੀ ਵਰਤੋਂ ਕਰਕੇ ਸਕੈਚ ਬਣਾਉਣੇ ਸ਼ੁਰੂ ਕਰ ਦਿੱਤੇ। ਉਹ ਚਾਕੂਆਂ ਅਤੇ ਕਾਂਟੇ ਨਾਲ ਕੰਧਾਂ ‘ਤੇ ਕਲਾਕਾਰੀ ਵੀ ਬਣਾਉਂਦਾ ਹੈ। ਸ਼ੁਕਰ ਦੀ ਗੱਲ ਹੈ ਕਿ ਉਸ ਨੇ ਇਸ ਨਾਲ ਕਦੇ ਵੀ ਆਪਣਾ ਜਾਂ ਦੂਜਿਆਂ ਨੂੰ ਦੁਖੀ ਨਹੀਂ ਕੀਤਾ।
ਇਹ ਵੀ ਪੜ੍ਹੋ : ਟ੍ਰੇਨਾਂ ‘ਚ ਵੇਟਿੰਗ ਲਿਸਟ ਦਾ ਝੰਜਟ ਹੋਵੇਗਾ ਖ਼ਤਮ, ਮਿਲੇਗੀ ਕੰਫਰਮ ਸੀਟ! ਰੇਲਵੇ ਬਣਾ ਰਿਹਾ ਇਹ ਪਲਾਨ
ਵੀਡੀਓ ਲਈ ਕਲਿੱਕ ਕਰੋ : –
