Controversy over agriculture law: ਸੰਸਦ ਵਿੱਚ ਵਿਰੋਧੀ ਧਿਰ ਖੇਤੀਬਾੜੀ ਕਾਨੂੰਨਾਂ ਦੇ ਸਬੰਧ ਵਿੱਚ ਸਰਕਾਰ ਨੂੰ ਘੇਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਵਿਰੋਧੀ ਪਾਰਟੀਆਂ ਸੜਕ ਤੋਂ ਲੇ ਕੇ ਸੰਸਦ ਤੱਕ ਮੋਦੀ ਸਰਕਾਰ ਨੂੰ ਨਿਸ਼ਾਨਾ ਬਣਾ ਰਹੀਆਂ ਹਨ। ਇਸ ਦੌਰਾਨ ਕਿਸਾਨ ਆਗੂ ਮਨਜੀਤ ਸਿੰਘ ਰਾਏ ਨੇ ਕਿਹਾ ਕਿ ‘ਅਸੀਂ ਸ਼ੁੱਕਰਵਾਰ ਨੂੰ ਰਾਜਸਥਾਨ ਵਿੱਚ ਸਾਰੇ ਟੋਲ ਪਲਾਜ਼ਾ ਮੁਫਤ ਕਰਾਂਗੇ ਤਾਂ ਜੋ ਸਰਕਾਰ ਨੂੰ ਦਿਖਾ ਸਕੀਏ ਕਿ ਇਹ ਸਿਰਫ ਪੰਜਾਬ ਅਤੇ ਹਰਿਆਣਾ ਦਾ ਅੰਦੋਲਨ ਨਹੀਂ ਹੈ ,ਇਹ ਪੂਰੇ ਦੇਸ਼ ਦਾ ਅੰਦੋਲਨ ਹੈ।” ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਵੀਰਵਾਰ ਨੂੰ ਕਿਸਾਨ ਅੰਦੋਲਨ ਅਤੇ ਰੁਜ਼ਗਾਰ ਦੇ ਮੁੱਦੇ ‘ਤੇ ਸਰਕਾਰ ਤੇ ਨਿਸ਼ਾਨਾ ਸਾਧਿਆ। ਰਾਹੁਲ ਨੇ ਕਿਹਾ ਕਿ ਅੱਜ ਸਾਡਾ ਦੇਸ਼ ਰੁਜ਼ਗਾਰ ਪੈਦਾ ਨਹੀਂ ਕਰ ਸਕਦਾ, ਇਹ ਕੱਲ ਵੀ ਨਹੀਂ ਕਰ ਸਕੇਗਾ, ਕਿਉਂਕਿ ਤੁਸੀਂ (ਕੇਂਦਰ ਸਰਕਾਰ) ਦੇਸ਼ ਦੀ ਰੀੜ ਦੀ ਹੱਡੀ ਤੋੜ ਦਿੱਤੀ ਹੈ। ਇਹ ਕਿਸਾਨ ਦਾ ਨਹੀਂ, ਦੇਸ਼ ਦਾ ਅੰਦੋਲਨ ਹੈ, ਜਿਸ ਨੂੰ ਕਿਸਾਨ ਸਿਰਫ ਰਸਤਾ ਦਿਖਾ ਰਿਹਾ ਹੈ, ਹਨੇਰੇ ਵਿੱਚ ਟਾਰਚ ਦਿਖਾ ਰਿਹਾ ਹੈ।
ਰਾਸ਼ਟਰਪਤੀ ਦੇ ਲੋਕ ਸਭਾ ਵਿੱਚ ਸੰਬੋਧਨ ‘ਤੇ ਚਰਚਾ ਦੇ ਜਵਾਬ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਕਿਹਾ,‘‘ਮੈਂ ਕਿਸਾਨਾਂ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿ ਜੋ ਸਹੂਲਤਾਂ ਉਨ੍ਹਾਂ ਕੋਲ ਪਹਿਲਾ ਸੀ, ਉਸ ਵਿੱਚ ਕਿਸੇ ਚੀਜ ਨੂੰ ਨਵੇਂ ਖੇਤੀ ਕ਼ਾਨੂਨਾਂ ਨੇ ਖੌਹ ਲਿਆ ਹੈ ਕੀ? ਖੇਤੀਬਾੜੀ ਕਾਨੂੰਨਾਂ ਵਿੱਚ ਜੋ ਸਹੂਲਤਾਂ ਹਨ ਉਹ ਓਪਸ਼ਨਲ ਹਨ। ਨਵੇਂ ਕਾਨੂੰਨ ਕਿਸੇ ਦੇ ਲਈ ਬੰਦਨ ਨਹੀਂ ਹਨ, ਉਨ੍ਹਾਂ ਲਈ ਸਿਰਫ ਵਿਕਲਪ ਹੈ। ਜਥੇ,ਵਿਰੋਧ ਦਾ ਕੋਈ ਕਾਰਨ ਨਹੀਂ ਬਣਦਾ। ਪੁਰਾਣੀਆਂ ਮੰਡੀਆਂ’ ਤੇ ਕੋਈ ਪਾਬੰਦੀ ਨਹੀਂ ਹੈ, ਇਨ੍ਹਾਂ ਪੁਰਾਣੀਆਂ ਮੰਡੀਆਂ ਨੂੰ ਸੁਧਾਰਨ ਅਤੇ ਬਜਟ ਦਾ ਪ੍ਰਬੰਧ ਕੀਤਾ ਗਿਆ ਹੈ। “
ਦੇਖੋ ਵੀਡੀਓ : ਲਓ ਜੀ ਕਿਸਾਨਾਂ ਨੇ ਟਿਕਰੀ ਬਾਡਰ ਤੇ ਬਣਾ ਦਿੱਤਾ ਬਾਗ਼, ਕਹਿੰਦੇ ਏ ਸੀ ਤੇ ਫਰਿੱਜ ਦਾ ਵੀ ਹੋਵੇਗਾ ਪ੍ਰਬੰਧ
