ED takes major action: ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਦੋ ਚੀਨੀ ਨਾਗਰਿਕਾਂ ਨੂੰ ਮਨੀ ਲਾਂਡਰਿੰਗ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਹੈ। ਉਨ੍ਹਾਂ ਦੇ ਨਾਮ ਚਾਰਲੀ ਪੇਂਗ ਅਤੇ ਕਾਰਟਰ ਲੀ ਹਨ। ਇਹ ਦੋਵੇਂ ਚੀਨੀ ਨਾਗਰਿਕ ਦਿੱਲੀ ਵਿਚ ਰਹਿ ਰਹੇ ਸਨ, ਚੀਨੀ ਕੰਪਨੀਆਂ ਲਈ ਬਹੁਤ ਵੱਡਾ ਹਵਾਲਾ ਰੈਕੇਟ ਚਲਾ ਰਹੇ ਸਨ ਅਤੇ ਭਾਰਤ ਸਰਕਾਰ ਨੂੰ ਕਰੋੜਾਂ ਦਾ ਨੁਕਸਾਨ ਪਹੁੰਚਾ ਰਹੇ ਸਨ। ਪਿਛਲੇ ਸਾਲ ਆਮਦਨ ਕਰ ਵਿਭਾਗ ਨੇ ਚਾਰਲੀ ਪੇਂਗ ਦੀਆਂ ਥਾਵਾਂ ‘ਤੇ ਵੀ ਛਾਪਾ ਮਾਰਿਆ ਸੀ। ਇਸ ਤੋਂ ਬਾਅਦ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਵੀ ਚਾਰਲੀ ਪੇਂਗ ਉੱਤੇ ਐਫਆਈਆਰ ਦਰਜ ਕੀਤੀ ਹੈ।
ਚਾਰਲੀ ਪੇਂਗ ਨਕਲੀ ਕੰਪਨੀਆਂ ਬਣਾ ਕੇ ਹਵਾਲਾ ਨੈਟਵਰਕ ਚਲਾ ਰਿਹਾ ਸੀ। ਚਾਰਲੀ ਨੇ ਪਰਮ ਸਪਰਿੰਗ ਪਲਾਜ਼ਾ ਸੈਕਟਰ 59 ਗੋਲਫ ਕੋਰਸ ਰੋਡ, ਸਾਈਬਰ ਸਿਟੀ ਗੁਰੂਗਰਾਮ, ਦਿੱਲੀ ਐਨਸੀਆਰ ਦੇ ਪਤੇ ‘ਤੇ ਇਨਵਿਨ ਲੋਜਿਸਟਿਕਸ ਇੰਡੀਆ ਪ੍ਰਾਈਵੇਟ ਲਿਮਟਿਡ ਨਾਮ ਦੀ ਇੱਕ ਕੰਪਨੀ ਰਜਿਸਟਰ ਕੀਤੀ ਸੀ। ਪਰ ਪਲਾਜ਼ਾ ਦੇ ਮੈਨੇਜਰ ਦੇ ਅਨੁਸਾਰ ਇੱਥੇ ਕੋਈ ਚੀਨੀ ਕੰਪਨੀ ਨਹੀਂ ਸੀ। ਇਸੇ ਤਰ੍ਹਾਂ, ਚਾਰਲੀ ਕਈ ਪੈਸੇ ਲੈਣ-ਦੇਣ ਦੁਆਰਾ ਕੰਪਨੀਆਂ ਦਾ ਸੰਚਾਲਨ ਕਰ ਰਿਹਾ ਸੀ। ਜਾਂਚ ਏਜੰਸੀਆਂ ਨੇ ਚਾਰਲੀ ਤੋਂ ਦਿੱਲੀ ਅਤੇ ਗੁਰੂਗ੍ਰਾਮ ਵਿਚਲੇ ਸਾਰੇ ਪਤਿਆਂ ਬਾਰੇ ਵੀ ਪੁੱਛਗਿੱਛ ਕੀਤੀ ਹੈ, ਜਿਸ ਦੇ ਅਧਾਰ ‘ਤੇ ਉਸ ਨੇ ਆਪਣਾ ਆਧਾਰ ਕਾਰਡ ਬਣਾਇਆ ਅਤੇ ਉਸ ਦੀਆਂ ਨਕਲੀ ਕੰਪਨੀਆਂ ਨੂੰ ਭਾਰਤ ਵਿਚ ਰਜਿਸਟਰ ਕਰਵਾਇਆ।
ਦੇਖੋ ਵੀਡੀਓ : ਕਿਸਾਨੀ ਧਰਨੇ ਦੌਰਾਨ ਇਸ ਬਾਬੇ ਦੇ ਡਾਂਸ ਅਤੇ ਕਲਾਬਾਜ਼ੀਆਂ ਨੇ ਸਭ ਨੂੰ ਖੂਬ ਹਸਾਇਆ, ਦੇਖੋ ਵੀਡੀਓ
