NHAI distributed free FASTag : ਦੇਸ਼ ਭਰ ‘ਚ FASTag ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਨੈਸ਼ਨਲ ਹਾਈਵੇਅ ਦਾ ਪ੍ਰਬੰਧਨ ਕਰਨ ਵਾਲੀ National Highway Authority of India (NHAI) ਕਹਿੰਦੀ ਹੈ ਕਿ FASTag ਨੂੰ 15-16 ਫਰਵਰੀ ਨੂੰ ਅੱਧੀ ਰਾਤ ਤੋਂ 12 ਵਜੇ ਤੱਕ ਦੇਸ਼ ‘ਚ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਨਿਯਮ ਲਾਗੂ ਹੋਣ ਤੋਂ ਬਾਅਦ ਦੋ ਦਿਨਾਂ ਦੇ ਅੰਦਰ 2.5 ਲੱਖ ਤੋਂ ਵੱਧ FASTag ਖ਼ਰੀਦੇ ਗਏ। NHAI ਨੇ ਇੱਕ ਬਿਆਨ ‘ਚ ਕਿਹਾ ਹੈ ਕਿ 17 ਫਰਵਰੀ, 2021 ਨੂੰ ਦੇਸ਼ ਭਰ ਦੇ ਰਾਸ਼ਟਰੀ ਰਾਜ ਮਾਰਗ ‘ਤੇ FASTag ਤੋਂ 95 ਕਰੋੜ ਰੁਪਏ ਦੀ ਟੋਲ ਵਸੂਲੀ ਕੀਤੀ ਗਈ। ਇਹ FASTag ਤੋਂ ਇਕੱਤਰ ਕੀਤੇ ਟੋਲ ਦਾ ਸਭ ਤੋਂ ਉੱਚ ਪੱਧਰ ਹੈ। ਐਨਐਚਏਆਈ ਨੇ ਕਿਹਾ ਕਿ FASTag ਤੋਂ ਟੋਲ ਵਸੂਲੀ ਦੇਸ਼ ‘ਚ 87% ਤੱਕ ਪਹੁੰਚ ਗਈ ਹੈ। FASTag ਲਾਜ਼ਮੀ ਹੋਣ ਤੋਂ ਬਾਅਦ ਕੋਲੈਕਸ਼ਨ ‘ਚ ਸਿਰਫ ਦੋ ਦਿਨਾਂ ‘ਚ 7% ਵਾਧਾ ਹੋਇਆ ਹੈ। ਦੇਸ਼ ਵਿੱਚ 100 ਦੇ ਕਰੀਬ ਟੌਲ ਪਲਾਜ਼ੇ ਹਨ ਜਿਥੇ 90% ਟੋਲ ਇਕੱਤਰ ਕਰਨ ਦਾ ਕੰਮ FASTag ਤੋਂ ਹੋ ਰਿਹਾ ਹੈ।
NHAI ਦੇਸ਼ ਭਰ ਦੇ ਸਾਰੇ ਰਾਸ਼ਟਰੀ ਰਾਜਮਾਰਗਾਂ ਤੇ ਟੋਲ ਵਸੂਲੀ ਨੂੰ 100% ਨਕਦ ਰਹਿਤ ਕਰਨ ਲਈ 1 ਮਾਰਚ 2021 ਤੱਕ ਮੁਫਤ ਫਾਸਟੈਗ ਮੁਹਿੰਮ ਚਲਾਏਗੀ। ਇਸ ਦੇ ਤਹਿਤ ਉਹ FASTag ਦੀ 100 ਰੁਪਏ ਦੀ ਕੀਮਤ ਨੂੰ ਮਾਫ ਕਰੇਗਾ। ਇਹ ਸਹੂਲਤ ਸੂਬਿਆਂ ਦੇ ਟੋਲ ਬੂਥਾਂ ਸਮੇਤ ਦੇਸ਼ ਭਰ ‘ਚ 770 ਤੋਂ ਵੱਧ ਟੋਲ ਪਲਾਜ਼ਾ ‘ਤੇ ਉਪਲਬਧ ਹੋਵੇਗੀ। ਇਸਦਾ ਉਦੇਸ਼ ਵੱਧ ਤੋਂ ਵੱਧ ਵਾਹਨਾਂ ਦੇ ਮਾਲਕਾਂ ਨੂੰ ਫਾਸਟੈਗ ਖਰੀਦਣ ਲਈ ਉਤਸ਼ਾਹਤ ਕਰਨਾ ਹੈ।
NHAI ਵੱਲੋਂ ਕਿਹਾ ਗਿਆ ਹੈ ਕਿ ਇਸ ਨੇ ‘My FASTag App ’ ਉੱਤੇ ਇੱਕ ਨਵੀਂ ਵਿਸ਼ੇਸ਼ਤਾ ‘ਚੈੱਕ ਬੈਲੈਂਸ ਸਟੇਟਸ’ ਵੀ ਸ਼ਾਮਲ ਕੀਤਾ ਹੈ। ਇਸ ਨਾਲ ਵਾਹਨ ਮਾਲਕ ਆਪਣੇ FASTag ‘ਚ ਬਾਕੀ ਬਚੀ ਰਕਮ ਵੇਖ ਸਕਣਗੇ। ਇਸ ਨਾਲ FASTag ਦਾ ਐਕਟਿਵ ਸਟੇਟਸ ਵੀ ਪਤਾ ਲੱਗੇਗਾ। ਹਰਾ ਰੰਗ ਫੈਸਟੈਗ ਦੇ ਐਕਟਿਵ ਰਹਿਣ ਦਾ ਸੰਕੇਤ ਦੇਵੇਗਾ, ਜਦੋਂ ਕਿ ਸੰਤਰੀ ਰੰਗ FASTag ਰੀਚਾਰਜ ਕਰਨ ਦੀ ਜ਼ਰੂਰਤ ਨੂੰ ਦਰਸਾਉਂਦਾ ਹੈ। ਲਾਲ ਰੰਗ ਬਲੈਕਲਿਸਟ ਕੀਤੇ FASTag ਬਾਰੇ ਜਾਣਕਾਰੀ ਦੇਵੇਗਾ। FASTag ਨੂੰ ਆਨਲਾਈਨ ਪੇਮੈਂਟ ਜਾਂ ਹੋਰ ਡਿਜੀਟਲ ਪਲੇਟਫਾਰਮ ਤੋਂ ਵੀ ਰਿਚਾਰਜ ਕੀਤਾ ਜਾ ਸਕਦਾ ਹੈ।
