ਓਡੀਸ਼ਾ ਵਿਜੀਲੈਂਸ ਵਿਭਾਗ ਨੇ ਸੜਕ ਅਤੇ ਯੋਜਨਾਬੰਦੀ (RW) ਡਿਵੀਜ਼ਨ ਦੇ ਮੁੱਖ ਇੰਜੀਨੀਅਰ ਬੈਕੁੰਠ ਨਾਥ ਸਾਰੰਗੀ ਵਿਰੁੱਧ ਆਮਦਨ ਤੋਂ ਵੱਧ ਜਾਇਦਾਦ (DA) ਦੇ ਮਾਮਲੇ ਵਿੱਚ ਵੱਡੀ ਕਾਰਵਾਈ ਕੀਤੀ। ਵਿਭਾਗ ਨੇ ਅੰਗੁਲ, ਭੁਵਨੇਸ਼ਵਰ ਅਤੇ ਪੁਰੀ ਦੇ ਪਿਪਿਲੀ ਵਿੱਚ ਬੈਕੁੰਠ ਦੇ ਸੱਤ ਸਥਾਨਾਂ ‘ਤੇ ਇੱਕੋ ਸਮੇਂ ਛਾਪੇਮਾਰੀ ਕੀਤੀ। ਇਸ ਛਾਪੇਮਾਰੀ ਵਿੱਚ ਲਗਭਗ 2.1 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਗਈ। ਇਸ ਕਾਰਵਾਈ ਦੌਰਾਨ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਵੀ ਸਾਹਮਣੇ ਆਈ।
ਜਾਣਕਾਰੀ ਮੁਤਾਬਕ ਬੈਕੁੰਠ ਨੇ ਵਿਜੀਲੈਂਸ ਅਧਿਕਾਰੀਆਂ ਨੂੰ ਦੇਖਦੇ ਹੀ ਆਪਣੇ ਭੁਵਨੇਸ਼ਵਰ ਫਲੈਟ ਦੀ ਬਾਰੀ ਵਿੱਚੋਂ 500 ਰੁਪਏ ਦੇ ਨੋਟਾਂ ਦੇ ਬੰਡਲ ਸੁੱਟਣ ਦੀ ਕੋਸ਼ਿਸ਼ ਕੀਤੀ। ਓਡੀਸ਼ਾ ਵਿਜੀਲੈਂਸ ਵਿਭਾਗ ਨੇ ਅੰਗੁਲ ਦੇ ਵਿਜੀਲੈਂਸ ਵਿਭਾਗ ਦੇ ਵਿਸ਼ੇਸ਼ ਜੱਜ ਦੁਆਰਾ ਜਾਰੀ ਸਰਚ ਵਾਰੰਟ ਦੇ ਆਧਾਰ ‘ਤੇ ਇਹ ਕਾਰਵਾਈ ਕੀਤੀ। ਇਸ ਕਾਰਵਾਈ ਵਿੱਚ ਅੱਠ ਡਿਪਟੀ ਸੁਪਰਡੈਂਟ ਆਫ਼ ਪੁਲਿਸ (DSP), 12 ਇੰਸਪੈਕਟਰ, ਛੇ ਸਹਾਇਕ ਸਬ-ਇੰਸਪੈਕਟਰ (ASI) ਅਤੇ ਹੋਰ ਸਹਾਇਕ ਸਟਾਫ਼ ਦੀ ਇੱਕ ਵੱਡੀ ਟੀਮ ਸ਼ਾਮਲ ਸੀ। ਛਾਪੇਮਾਰੀ ਵਿੱਚ ਮੁੱਖ ਇੰਜੀਨੀਅਰ ਬੈਕੁੰਠ ਨਾਥ ਸਾਰੰਗੀ ਦੇ ਰਿਹਾਇਸ਼ੀ ਅਤੇ ਦਫ਼ਤਰੀ ਸਥਾਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ।
ਅੰਗੁਲ ਦੇ ਘਰੋਂ 1.1 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਹੋਈ। ਭੁਵਨੇਸ਼ਵਰ ਦੇ ਫਲੈਟ ਨੰਬਰ C-102 ਤੋਂ 1 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਹੋਈ। ਇੱਥੋਂ ਹੀ ਸਾਰੰਗੀ ਨੇ ਖਿੜਕੀ ਤੋਂ ਨੋਟਾਂ ਦੇ ਬੰਡਲ ਸੁੱਟੇ, ਜੋ ਗਵਾਹਾਂ ਦੀ ਮੌਜੂਦਗੀ ਵਿੱਚ ਬਰਾਮਦ ਹੋਏ। ਇਸ ਤੋਂ ਇਲਾਵਾ ਪੁਰੀ, ਸ਼ਿਕਸ਼ਕਪਾਰਾ, ਲੋਕੇਪਸੀ ਅਤੇ ਮਟਿਆਸਾਹੀ ਵਿੱਚ ਵੀ ਛਾਪੇਮਾਰੀ ਕੀਤੀ ਗਈ।
ਇਹ ਵੀ ਪੜ੍ਹੋ : ਪੰਜਾਬ ‘ਚ 31 ਮਈ ਸ਼ਾਮ ਨੂੰ ਵੱਜਣਗੇ ‘ਖਤਰੇ ਦੇ ਘੁੱਗੂ’! Mock Drill ਨੂੰ ਲੈ ਕੇ ਆ ਗਏ ਨਵੇਂ ਆਰਡਰ
ਛਾਪੇਮਾਰੀ ਦੌਰਾਨ ਭੁਵਨੇਸ਼ਵਰ ਦੇ ਪੀਡੀਐਨ ਐਕਸੋਟਿਕਾ ਫਲੈਟ ਵਿੱਚ ਵਿਜੀਲੈਂਸ ਅਧਿਕਾਰੀਆਂ ਨੂੰ ਦੇਖ ਕੇ, ਬੈਕੁੰਠ ਨਾਥ ਸਾਰੰਗੀ ਨੇ ਘਬਰਾਹਟ ਵਿੱਚ ਬਾਰੀ ਤੋਂ 500 ਰੁਪਏ ਦੇ ਨੋਟਾਂ ਦੇ ਬੰਡਲ ਸੁੱਟ ਦਿੱਤੇ। ਵਿਜੀਲੈਂਸ ਟੀਮ ਨੇ ਗਵਾਹਾਂ ਦੀ ਮੌਜੂਦਗੀ ਵਿੱਚ ਇਹ ਨੋਟ ਬਰਾਮਦ ਕੀਤੇ। ਕੁੱਲ ਮਿਲਾ ਕੇ, ਅੰਗੁਲ ਅਤੇ ਭੁਵਨੇਸ਼ਵਰ ਦੇ ਲੁਕਣਗਾਹਾਂ ਤੋਂ 2.1 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਹੋਈ। ਗਿਣਤੀ ਮਸ਼ੀਨਾਂ ਨਾਲ ਨੋਟਾਂ ਦੀ ਗਿਣਤੀ ਕਰਦੇ ਸਮੇਂ ਅਧਿਕਾਰੀਆਂ ਦੇ ਵੀ ਪਸੀਨੇ ਛੁੱਟ ਗਏ।
ਸਾਰੰਗੀ ‘ਤੇ ਆਪਣੀ ਆਮਦਨ ਤੋਂ ਵੱਧ ਜਾਇਦਾਦ ਇਕੱਠੀ ਕਰਨ ਦਾ ਦੋਸ਼ ਹੈ। ਵਿਜੀਲੈਂਸ ਵਿਭਾਗ ਹੁਣ ਉਸ ਦੀਆਂ ਜਾਇਦਾਦਾਂ, ਬੈਂਕ ਖਾਤਿਆਂ ਅਤੇ ਹੋਰ ਵਿੱਤੀ ਲੈਣ-ਦੇਣ ਦੀ ਡੂੰਘਾਈ ਨਾਲ ਜਾਂਚ ਕਰ ਰਿਹਾ ਹੈ। ਇਸ ਕਾਰਵਾਈ ਨੇ ਇੱਕ ਵਾਰ ਫਿਰ ਸਰਕਾਰੀ ਅਧਿਕਾਰੀਆਂ ਵਿੱਚ ਭ੍ਰਿਸ਼ਟਾਚਾਰ ਅਤੇ ਅਨੈਤਿਕ ਦੌਲਤ ਇਕੱਠੀ ਕਰਨ ਦੇ ਮੁੱਦੇ ਨੂੰ ਉਜਾਗਰ ਕੀਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
