ਇਸ ਰੁਝੇਵਿਆਂ ਭਰੀ ਜ਼ਿੰਦਗੀ ਵਿਚ ਅਸੀਂ ਅਕਸਰ ਜ਼ਰੂਰੀ ਗੱਲਾਂ ਭੁੱਲ ਜਾਂਦੇ ਹਾਂ। ਜੇ ਕੋਈ ਬਹੁਤ ਜ਼ਰੂਰੀ ਮੈਸੇਜ ਮਿਸ ਹੋ ਜਾਵੇ ਤਾਂ ਇਸ ਨਤੀਜਾ ਕਈ ਵਾਰ ਅਸੀਂ ਸੋਚਿਆ ਵੀ ਨਹੀਂ ਹੁੰਦਾ। ਪਰ ਹੁਣ WhatsApp ਜ਼ਰੂਰੀ ਚੀਜ਼ਾਂ ਨੂੰ ਭੁੱਲਣ ਦੀ ਆਦਤ ਤੋਂ ਬਚਣ ਵਿੱਚ ਤੁਹਾਡੀ ਮਦਦ ਕਰੇਗਾ। ਮੈਟਾ ਨੇ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਲਈ ਇਕ ਨਵਾਂ ਫੀਚਰ ਜਾਰੀ ਕੀਤਾ ਹੈ ਜਿਸ ਦੀ ਮਦਦ ਨਾਲ ਤੁਸੀਂ ਸਭ ਤੋਂ ਜ਼ਰੂਰੀ ਚੀਜ਼ਾਂ ਨੂੰ ਯਾਦ ਰੱਖ ਸਕੋਗੇ।
ਅਸੀਂ ਜਿਸ ਫੀਚਰ ਦੀ ਗੱਲ ਕਰ ਰਹੇ ਹਾਂ ਉਸ ਦਾ ਨਾਂ ਹੈ- WhatsApp ਪਿੰਨ। ਇਹ ਫੀਚਰ ਵ੍ਹਾਟਸਐਪ ‘ਤੇ ਪਹਿਲਾਂ ਤੋਂ ਮੌਜੂਦ ਹੈ ਪਰ ਕੰਪਨੀ ਨੇ ਹਾਲ ਹੀ ‘ਚ ਇਸ ਨੂੰ ਅਪਡੇਟ ਕੀਤਾ ਹੈ। ਤੁਸੀਂ ਕਿਸੇ ਵੀ ਸੰਪਰਕ ਦੀ ਚੈਟ ‘ਤੇ ਜਾ ਕੇ ਇਸ ਵਿਸ਼ੇਸ਼ਤਾ ਦੀ ਵਰਤੋਂ ਕਰ ਸਕਦੇ ਹੋ। ਜੇਕਰ ਤੁਸੀਂ ਕਿਸੇ ਸੰਦੇਸ਼ ਨੂੰ ਪਿੰਨ ਕਰਦੇ ਹੋ, ਤਾਂ ਉਹ ਮੈਸੇਜ ਚੈਟ ਦੇ ਟੌਪ ‘ਤੇ ਰਹਿੰਦਾ ਹੈ।
ਵ੍ਹਾਟਸਐਪ ਦੇ ਨਵੇਂ ਅਪਡੇਟ ਮੁਚਾਹਤ ਹੁਣ ਤੁਸੀਂ ਚੈਟ ਵਿੱਚ ਤਿੰਨ ਮੈਸੇਜਿਸ ਨੂੰ ਪਿੰਨ ਕਰ ਸਕਦੇ ਹੋ। ਤੁਸੀਂ ਜੋ ਵੀ ਤਿੰਨ ਮੈਸੇਜਿਸ ਨੂੰ ਜ਼ਰੂਰੀ ਸਮਝਦੇ ਹੋ ਉਸਨੂੰ ਪਿੰਨ ਕਰ ਸਕਦੇ ਹੋ। ਇਸ ਤੋਂ ਬਾਅਦ, ਤਿੰਨੋਂ ਪਿੰਨ ਕੀਤੇ ਮੈਸੇਜ ਚੈਟ ਦੇ ਚੌਪ ‘ਤੇ ਦਿਖਾਈ ਦੇਣਗੇ। ਜਦੋਂ ਵੀ ਤੁਸੀਂ ਇਸ ਕਾਂਟੈਕਟ ਦੀ ਚੈਟ ਨੂੰ ਓਪਨ ਕਰੋਗੇ ਤਾਂ ਇਹ ਤਿੰਨ ਮੈਸੇਜ ਸਭ ਤੋਂ ਉੱਪਰ ਨਜ਼ਰ ਆਉਣਗੇ। ਇਸ ਤਰ੍ਹਾਂ ਇਹ ਜ਼ਰੂਰੀ ਸੰਦੇਸ਼ਾਂ ਨੂੰ ਯਾਦ ਰੱਖਣ ਵਿੱਚ ਮਦਦ ਕਰੇਗਾ।
ਵ੍ਹਾਟਸਐਪ ਦੀ ਪੇਰੈਂਟ ਕੰਪਨੀ ਮੇਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਨਵੇਂ ਅਪਡੇਟ ਬਾਰੇ ਜਾਣਕਾਰੀ ਦਿੱਤੀ। ਉਸ ਨੇ ਆਪਣੇ ਵ੍ਹਾਟਸਐਪ ਚੈਨਲ ਰਾਹੀਂ ਕਿਹਾ ਕਿ ਤੁਸੀਂ ਵ੍ਹਾਟਸਐਪ ਰਾਹੀਂ ਗੱਲਬਾਤ ਵਿੱਚ ਵੱਧ ਤੋਂ ਵੱਧ ਤਿੰਨ ਮੈਸੇਜ ਪਿੰਨ ਕਰ ਸਕਦੇ ਹੋ। ਤਿੰਨ ਮੈਸੇਜ ਦੇ ਫੀਚਰ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਇਸ ਦੇ ਟੈਸਟਿੰਗ ਦੀਆਂ ਖਬਰਾਂ ਆਈਆਂ ਸਨ। ਹਾਲਾਂਕਿ ਹੁਣ ਇਸ ਫੀਚਰ ਨੂੰ ਆਮ ਲੋਕਾਂ ਲਈ ਜਾਰੀ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਲੰਮੀ ਛੁੱਟੀ ‘ਤੇ ਗਏ ਬੰਦੇ ਨੂੰ ਵਾਪਸ ਪਰਤਣ ‘ਤੇ ਮਿਲੀ ਖੁਦ ਦੀ ‘ਮੌ.ਤ’ ਦੀ ਖ਼ਬਰ, ਉੱਡੇ ਹੋਸ਼
ਮੈਸੇਜ ਪਿੰਨ ਕਿਵੇਂ ਕਰੀਏ
ਯੂਜ਼ਰ ਹਰ ਕਿਸਮ ਦੇ ਮੈਸੇਜਿਸ ਨੂੰ ਪਿੰਨ ਕਰ ਸਕਦੇ ਹਨ, ਜਿਵੇਂ ਕਿ ਲਿੰਕ, ਟੈਕਸਟ, ਇਮੇਜ, ਪੋਲ ਆਦਿ। ਤੁਸੀਂ ਇੱਥੇ ਇੱਕ ਸੰਦੇਸ਼ ਨੂੰ ਪਿੰਨ ਕਰਨ ਦਾ ਤਰੀਕਾ ਪੜ੍ਹ ਸਕਦੇ ਹੋ।
- ਇੱਕ ਕਾਂਟੈਕਟ ਜਾਂ ਗਰੁੱਪ ਚੈਟ ਖੋਲ੍ਹੋ।
- ਉਸ ਮੈਸੇਜ ਨੂੰ ਕੁਝ ਸਮੇਂ ਲਈ ਦਬਾ ਕੇ ਰੱਖੋ ਜਿਸ ਨੂੰ ਤੁਸੀਂ ਪਿੰਨ ਕਰਨਾ ਚਾਹੁੰਦੇ ਹੋ।
- ਹੁਣ ਤਿੰਨ ਡਾਟਸ ਵਾਲੇ ਆਪਸ਼ਨ ‘ਤੇ ਟੈਪ ਕਰੋ ਅਤੇ ਪਿੰਨ ਆਪਸ਼ਨ ਨੂੰ ਚੁਣੋ।
- ਇਸ ਤੋਂ ਬਾਅਦ ਇੱਕ ਸਮਾਂ ਸੀਮਾ ਤੈਅ ਕਰੋ ਕਿ ਤੁਸੀਂ ਕਿੰਨੇ ਸਮੇਂ ਤੱਕ ਮੈਸੇਜ ਨੂੰ ਪਿੰਨ ਰੱਖਣਾ ਚਾਹੁੰਦੇ ਹੋ। (24 ਘੰਟੇ, 7 ਦਿਨ ਜਾਂ 30 ਦਿਨ)
- ਹੁਣ ਪਿਨ ਆਪਸ਼ਨ ‘ਤੇ ਟੈਪ ਕਰੋ।
- ਜੇ ਤੁਸੀਂ ਕਿਸੇ ਮੈਸੇਜ ਨੂੰ ਹਮੇਸ਼ਾ ਲਈ WhatsApp ਦੇ ਵੱਖਰੇ ਸੈਕਸ਼ਨ ਵਿੱਚ ਰੱਖਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਨੂੰ ਸਟਾਰ ਵਜੋਂ ਮਾਰਕ ਕਰ ਸਕਦੇ ਹੋ। ਇਸ ਦੇ ਨਾਲ ਤੁਸੀਂ ਸਟਾਰ ਸੈਕਸ਼ਨ ਵਿੱਚ ਜਾ ਸਕਦੇ ਹੋ ਅਤੇ ਜਦੋਂ ਚਾਹੋ ਸਟਾਰ ਮਾਰਕ ਕੀਤੇ ਮੈਸੇਜ ਪੜ੍ਹ ਸਕਦੇ ਹੋ।
ਵੀਡੀਓ ਲਈ ਕਲਿੱਕ ਕਰੋ -:
