ਪੰਜਾਬ ਦੇ ਸਾਬਕਾ ਉਪ ਮੁੱਖ ਮੰਤਰੀ ਓਮ ਪ੍ਰਕਾਸ਼ ਸੋਨੀ ਨੇ ਸ਼ੁੱਕਰਵਾਰ ਨੂੰ ਗੈਂਗਸਟਰਾਂ ਵੱਲੋਂ ਮਿਲ ਰਹੀਆਂ ਧਮਕੀਆਂ ਅਤੇ ਪੰਜਾਬ ਦੇ ਸਿਹਤ ਵਿਭਾਗ ‘ਚ ਮੰਤਰੀ ਰਹਿੰਦਿਆਂ ਘਪਲਿਆਂ ਦੀਆਂ ਚਰਚਾਵਾਂ ਵਿਚਾਲੇ ਸਫਾਈ ਪੇਸ਼ ਕੀਤੀ ਹੈ। ਪ੍ਰੈਸ ਕਾਨਫਰੰਸ ਵਿੱਚ ਸੋਨੀ ਦੇ ਨਾਲ ਨਿੱਜੀ ਵਕੀਲ ਵੀ ਸਨ। ਓਪੀ ਸੋਨੀ ਨੇ ਕਿਹਾ ਕਿ ਉਹ ਸੈਨੀਟਾਈਜ਼ਰ ਖਰੀਦਣ ਅਤੇ SPI ਬੀਮਾ ਕੰਪਨੀ ਬਾਰੇ ਗੱਲ ਕਰਨ ਆਏ ਹਨ।
ਕੁਝ ਦਿਨਾਂ ਤੋਂ ਸੈਨੀਟਾਈਜ਼ਰ ਘਪਲੇ ‘ਚ ਸੋਨੀ ਦਾ ਨਾਂ ਉਛਲ ਰਿਹਾ ਹੈ। ਦੋਸ਼ ਹੈ ਕਿ ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਜੋ ਸੈਨੀਟਾਈਜ਼ਰ ਖਰੀਦਿਆ ਗਿਆ ਸੀ, ਉਹ ਬਹੁਤ ਮਹਿੰਗਾ ਸੀ। ਇਸ ‘ਤੇ ਆਪਣਾ ਸਪੱਸ਼ਟੀਕਰਨ ਦਿੰਦੇ ਹੋਏ ਸੋਨੀ ਨੇ ਕਿਹਾ ਕਿ ਅਫਵਾਹਾਂ ਫੈਲਾਈਆਂ ਜਾ ਰਹੀਆਂ ਹਨ ਕਿ ਪੂਰੇ ਪੰਜਾਬ ‘ਚ 2250 ਕਰੋੜ ਰੁਪਏ ਦੇ ਸੈਨੇਟਾਈਜ਼ਰ ਖਰੀਦੇ ਗਏ ਹਨ, ਜਦਕਿ ਅਜਿਹਾ ਨਹੀਂ ਹੈ। ਪੰਜਾਬ ਵਿੱਚ ਸਿਰਫ਼ 2.50 ਕਰੋੜ ਰੁਪਏ ਦੇ ਸੈਨੇਟਾਈਜ਼ਰ ਹੀ ਖਰੀਦੇ ਗਏ।
ਉਨ੍ਹਾਂ ਕਿਹਾ ਕਿ ਪਿਛਲੇ 35 ਸਾਲਾਂ ਦੇ ਆਪਣੇ ਸਿਆਸੀ ਸਫ਼ਰ ਵਿੱਚ ਉਨ੍ਹਾਂ ਨੇ ਪੰਜਾਬ ਦੀ ਸੇਵਾ ਹੀ ਕੀਤੀ ਹੈ। ਉਨ੍ਹਾਂ ਬਾਰੇ ਜੋ ਵੀ ਕਿਹਾ ਜਾ ਰਿਹਾ ਹੈ, ਉਹ ਸੱਚ ਨਹੀਂ ਹੈ।
ਓਪੀ ਸੋਨੀ ਨੇ ਦੱਸਿਆ ਕਿ ਸੈਨੀਟਾਈਜ਼ਰ ਦੀ ਖਰੀਦ ਭਾਰਤ ਸਰਕਾਰ ਵੱਲੋਂ ਤੈਅ ਰੇਟਾਂ ‘ਤੇ ਕੀਤੀ ਗਈ ਹੈ। ਜਿਸ ਰੇਟ ‘ਤੇ ਪੰਜਾਬ ਸਰਕਾਰ ਨੇ ਸੈਨੇਟਾਈਜ਼ਰ ਖਰੀਦਿਆ, ਉਸੇ ਰੇਟ ‘ਤੇ ਭਾਰਤ ਸਰਕਾਰ ਵੀ ਉਸੇ ਕੰਪਨੀ ਤੋਂ ਸੈਨੇਟਾਈਜ਼ਰ ਖਰੀਦ ਰਹੀ ਹੈ। ਇਸ ਲਈ ਰੇਟ ਵਧਾ ਕੇ ਖਰੀਦਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।
ਸੋਨੀ ਨੇ ਸਪੱਸ਼ਟ ਕੀਤਾ ਕਿ ਚੋਣਾਂ ਵੇਲੇ ਖਰੀਦੇ ਗਏ ਸੈਨੀਟਾਈਜ਼ਰ ਸਸਤੇ ਸਨ। ਡਾਕਟਰਾਂ ਲਈ ਖਰੀਦਿਆ ਗਿਆ ਸੈਨੀਟਾਈਜ਼ਰ ਮਹਿੰਗਾ ਸੀ। ਇਸ ਦੇ ਪਿੱਛੇ ਸੈਨੇਟਾਈਜ਼ਰ ਦੀਆਂ ਵਿਸ਼ੇਸ਼ਤਾਵਾਂ ਸਨ। ਇਸੇ ਕਰਕੇ ਦੋਵਾਂ ਦੇ ਰੇਟਾਂ ਵਿੱਚ ਫਰਕ ਸੀ।
ਸੋਨੀ ਨੇ ਮੁੱਖ ਮੰਤਰੀ ਸਿਹਤ ਬੀਮਾ ਯੋਜਨਾ ਨਾਲ ਜੁੜੇ ਵਿਵਾਦ ‘ਤੇ ਵੀ ਆਪਣਾ ਪੱਖ ਰੱਖਿਆ। ਸੋਨੀ ਨੇ ਦੱਸਿਆ ਕਿ ਇਹ ਸਕੀਮ ਕੇਂਦਰ ਅਤੇ ਸੂਬਾ ਸਰਕਾਰਾਂ ਵੱਲੋਂ ਸਾਂਝੇ ਤੌਰ ‘ਤੇ ਚਲਾਈ ਜਾ ਰਹੀ ਹੈ। ਕੇਂਦਰ 60 ਫੀਸਦੀ ਅਤੇ ਰਾਜ 40 ਫੀਸਦੀ ਖਰਚ ਕਰ ਰਹੇ ਹਨ। ਇਸ ਯੋਜਨਾ ਦਾ ਕਾਂਗਰਸ ਸਰਕਾਰ ਨੇ 45 ਲੱਖ ਲੋਕਾਂ ਨੂੰ ਲਾਭ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਨਵੀਂ ਐਕਸਾਈਜ਼ ਪਾਲਿਸੀ ‘ਤੇ ਮਨਜਿੰਦਰ ਸਿਰਸਾ ਨੇ ਖੋਲ੍ਹੇ ਭੇਦ ! 12% ਫਿਕਸ 1 ਦਾਰੂ ਦੀ ਬੋਤਲ ‘ਤੇ? ਦੇਖੋ “
ਉਨ੍ਹਾਂ ਕਿਹਾ ਕਿ ਕੋਰੋਨਾ ਦੌਰਾਨ ਨਿੱਜੀ ਹਸਪਤਾਲਾਂ ਨੇ ਇਸ ਸਕੀਮ ਤਹਿਤ ਇਲਾਜ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਦਰਅਸਲ, ਬੀਮਾ ਕੰਪਨੀ ਪ੍ਰਾਈਵੇਟ ਹਸਪਤਾਲਾਂ ਨੂੰ ਕਲੇਮ ਦੀ ਅਦਾਇਗੀ ਨਹੀਂ ਕਰ ਰਹੀ ਸੀ। ਇਸ ਦੇ ਲਈ ਮੀਟਿੰਗਾਂ ਵੀ ਕੀਤੀਆਂ ਗਈਆਂ। ਪਹਿਲੀ ਮੀਟਿੰਗ ਅੰਮ੍ਰਿਤਸਰ ਵਿੱਚ ਹੀ ਹੋਈ। ਮਾਮਲੇ ਦੇ ਹੱਲ ਲਈ ਕੁੱਲ 4 ਮੀਟਿੰਗਾਂ ਹੋਈਆਂ।
