ਫਤਿਹਗੜ੍ਹ ਸਾਹਿਬ ‘ਚ ਸਥਿਤ ਏਸ਼ੀਆ ਦੇ ਸਭ ਤੋਂ ਵੱਡੇ ਲੋਹੇ ਦੇ ਸ਼ਹਿਰ ਮੰਡੀ ਗੋਬਿੰਦਗੜ੍ਹ ‘ਚ ਕਰੀਬ ਇਕ ਮਹੀਨਾ ਪਹਿਲਾਂ ਇਕ ਵਪਾਰੀ ਦੇ ਘਰ ਹੋਈ ਚੋਰੀ ਦੀ ਘਟਨਾ ਨੂੰ ਪੁਲਿਸ ਨੇ ਟਰੇਸ ਕਰ ਲਿਆ ਹੈ। ਇਸ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਕਾਰੋਬਾਰੀ ਦੀ ਸਾਬਕਾ ਨੌਕਰਾਣੀ, ਉਸ ਦੇ ਡਰਾਈਵਰ ਪਿਤਾ ਅਤੇ ਚਾਰ ਹੋਰ ਸਾਥੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਫੜੇ ਗਏ ਦੋਸ਼ੀਆਂ ਕੋਲੋਂ ਸੋਨੇ-ਚਾਂਦੀ ਦੇ ਗਹਿਣੇ, ਹੀਰੇ, ਆਈਫੋਨ, ਚੋਰੀ ਦੀ ਰਕਮ ਨਾਲ ਖਰੀਦੀ ਇਕ ਕਾਰ ਅਤੇ ਲੱਖਾਂ ਰੁਪਏ ਦੇ ਦੋ ਮੋਟਰਸਾਈਕਲ ਬਰਾਮਦ ਕੀਤੇ ਗਏ ਹਨ।
ਫਤਿਹਗੜ੍ਹ ਸਾਹਿਬ ਦੇ ਐਸਪੀ (ਆਈ) ਰਾਕੇਸ਼ ਯਾਦਵ ਨੇ ਦੱਸਿਆ ਕਿ ਕਰੀਬ ਇੱਕ ਮਹੀਨਾ ਪਹਿਲਾਂ ਮੰਡੀ ਗੋਬਿੰਦਗੜ੍ਹ ਦੀ ਚੰਦਰਲੋਕ ਕਲੋਨੀ ਵਿੱਚ ਰਹਿਣ ਵਾਲੇ ਵੱਡੇ ਕਾਰੋਬਾਰੀ ਗੌਰਵ ਸਿੰਗਲਾ ਅਤੇ ਸੌਰਵ ਸਿੰਗਲਾ ਦੇ ਘਰ ਚੋਰੀ ਦੀ ਘਟਨਾ ਵਾਪਰੀ ਸੀ। ਪਰਿਵਾਰ 8 ਮਈ ਦੀ ਸ਼ਾਮ ਨੂੰ ਦਿੱਲੀ ਵਿੱਚ ਇੱਕ ਵਿਆਹ ਵਿੱਚ ਗਿਆ ਹੋਇਆ ਸੀ। ਉਸ ਨੇ ਆਪਣੇ ਨੌਕਰਾਂ ਨੂੰ ਘਰ ਦੀ ਰਾਖੀ ਕਰਨ ਲਈ ਛੱਡਿਆ ਸੀ।
ਰਾਤ ਕਰੀਬ 12 ਵਜੇ ਚਾਰ ਅਣਪਛਾਤੇ ਨੌਜਵਾਨ ਘਰ ਦਾ ਪਿਛਲਾ ਦਰਵਾਜ਼ਾ ਤੋੜ ਕੇ ਅੰਦਰ ਦਾਖਲ ਹੋਏ, ਦੋਵਾਂ ਨੌਕਰਾਂ ਨੂੰ ਬੰਧਕ ਬਣਾ ਕੇ ਬੈੱਡਰੂਮ ਵਿਚ ਦਾਖਲ ਹੋ ਗਏ। ਲਾਕਰ ਤੋੜ ਕੇ ਲੱਖਾਂ ਰੁਪਏ, ਚਾਂਦੀ ਦੇ ਦੋ ਡਿਨਰ ਸੈੱਟ, ਸੋਨਾ-ਚਾਂਦੀ, ਹੀਰੇ ਦੇ ਗਹਿਣੇ, ਕੀਮਤੀ ਧਾਤਾਂ, ਚਾਂਦੀ ਦੀਆਂ ਮੂਰਤੀਆਂ ਅਤੇ ਆਈਫੋਨ 15 ਪ੍ਰੋ ਚੋਰੀ ਕਰ ਲਿਆ ਗਿਆ। ਦੋਵੇਂ ਨੌਕਰਾਂ ਨੂੰ ਬੰਧਕ ਬਣਾ ਤੋਂ ਬਾਅਦ ਉਹ ਫਰਾਰ ਹੋ ਗਏ। ਗੌਰਵ ਸਿੰਗਲਾ ਨੇ ਦਿੱਲੀ ਤੋਂ ਵਾਪਸ ਆ ਕੇ 9 ਮਈ ਨੂੰ ਮੰਡੀ ਗੋਬਿੰਦਗੜ੍ਹ ਥਾਣੇ ਵਿੱਚ ਕੇਸ ਦਰਜ ਕਰਵਾਇਆ ਸੀ।
ਐਸਪੀ ਯਾਦਵ ਨੇ ਦੱਸਿਆ ਕਿ ਗੁਰਦੀਪ ਸਿੰਘ ਉਰਫ਼ ਬੂਟਾ ਵਾਸੀ ਤਰਲੋਕਪੁਰੀ ਮੰਡੀ ਗੋਬਿੰਦਗੜ੍ਹ, ਕਰਨਵੀਰ ਸਿੰਘ ਵਾਸੀ ਬੀੜ ਕੁੰਭੜਾ, ਸੁਨੀਲ ਕੁਮਾਰ ਵਾਸੀ ਫੋਕਲ ਪੁਆਇੰਟ ਅਜਨਾਲਾ, ਰਕੀਬ ਖ਼ਾਨ ਵਾਸੀ ਗਾਂਧੀ ਨਗਰ ਮੰਡੀ ਗੋਬਿੰਦਗੜ੍ਹ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਚੋਰੀ ਦਾ ਸਾਮਾਨ ਗੁਰਦੀਪ ਸਿੰਘ ਬੂਟਾ ਦੇ ਕਿਰਾਏ ਦੇ ਕਮਰੇ ਵਿੱਚੋਂ ਮਿਲਿਆ ਹੈ।
ਜਾਂਚ ‘ਚ ਸਾਹਮਣੇ ਆਇਆ ਕਿ ਗੌਰਵ ਸਿੰਗਲਾ ਦੇ ਘਰ ਨੰਨੂ ਨਿਵਾਸੀ ਦਾਲੋਮਾਜਰਾ ਕੰਮ ਕਰਦੀ ਸੀ। ਨੰਨੂ ਦਾ ਪਿਤਾ ਤੇਜਿੰਦਰ ਸਿੰਘ ਉਨ੍ਹਾਂ ਦਾ ਡਰਾਈਵਰ ਸੀ। ਨੰਨੂ ਨੇ ਆਪਣੇ ਪਿਤਾ ਨਾਲ ਸਾਜ਼ਿਸ਼ ਰਚੀ। ਉਸ ਨੇ ਘਰ ‘ਤੇ ਨਜ਼ਰ ਰੱਖੀ। ਜਿਵੇਂ ਹੀ ਪਰਿਵਾਰ ਦਿੱਲੀ ਵਿਆਹ ਦੇ ਪ੍ਰੋਗਰਾਮ ‘ਚ ਗਿਆ ਤਾਂ ਬਾਅਦ ‘ਚ ਉਨ੍ਹਾਂ ਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਇਹ ਵੀ ਪੜ੍ਹੋ : PGI ਚੰਡੀਗੜ੍ਹ ਨੇ ਲਿਆ ਅਹਿਮ ਫੈਸਲਾ, ਮਰੀਜ਼ਾਂ ਨੂੰ ਹੁਣ ਇਸ ਗੱਲ ‘ਚ ਨਹੀਂ ਆਏਗੀ ਪ੍ਰੇਸ਼ਾਨੀ
ਚੋਰੀ ਨੂੰ ਅੰਜਾਮ ਦੇਣ ਤੋਂ ਬਾਅਦ ਦੋਸ਼ੀ ਐਸ਼ੋਪ੍ਰਸਤੀ ਕਰਨ ਲੱਗੇ। ਰਫੀਕ ਖਾਨ ਨੇ ਚੋਰੀ ਕੀਤੇ ਪੈਸਿਆਂ ਨਾਲ ਇੰਡੀਕਾ ਕਾਰ ਖਰੀਦੀ ਸੀ। ਕਰਨਵੀਰ ਨੇ ਨਵਾਂ ਮੋਟਰਸਾਈਕਲ ਖਰੀਦਿਆ ਹੈ। ਗੁਰਦੀਪ ਸਿੰਘ ਨੇ ਯਾਮਾਹਾ ਖਰੀਦੀ। ਨੰਨੂ ਨੂੰ 3 ਲੱਖ ਰੁਪਏ ਮਿਲੇ, ਜੋ ਉਸਨੇ ਆਪਣੇ ਐਚਡੀਐਫਸੀ ਬੈਂਕ ਖਾਤੇ ਵਿੱਚ ਜਮ੍ਹਾ ਕਰਵਾ ਦਿੱਤੇ। ਪੁਲਿਸ ਨੇ ਇਸ ਖਾਤੇ ਨੂੰ ਸੀਲ ਕਰ ਦਿੱਤਾ ਹੈ। ਸਾਰੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
