Policeman throws young man down : ਰਾਜਸਥਾਨ ਦੇ ਜੋਧਪੁਰ ਤੋਂ ਵੀ ਇਕ ਪੁਲਿਸ ਵਾਲੇ ਦਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿਚ ਇਕ ਵਿਅਕਤੀ ਜ਼ਮੀਨ ’ਤੇ ਪਿਆ ਹੋਇਆ ਨਜ਼ਰ ਆ ਰਿਹਾ ਹੈ ਅਤੇ ਇਕ ਪੁਲਿਸ ਵਾਲੇ ਨੇ ਉਸ ਦੀ ਗਰਦਨ ਨੂੰ ਆਪਣੇ ਗੋਡੇ ਨਾਲ ਦਬਾਇਆ ਹੋਇਆ ਹੈ। ਇਸ ਵੀਡੀਓ ਵਿਚ ਕੁਝ ਹੋਰ ਪੁਲਿਸ ਵਾਲੇ ਵੀ ਨਜ਼ਰ ਆ ਰਹੇ ਹਨ। ਜਿਸ ਪੁਲਿਸ ਵਾਲੇ ਨੇ ਗੋਡੇ ਨਾਲ ਨੌਜਵਾਨ ਦੀ ਗਰਦਨ ਦਬਾਈ ਹੋਈ ਹੈ ਉਹ ਉਸ ਨੂੰ ਘਸੁੰਨ-ਮੁੱਕੇ ਵੀ ਮਾਰ ਰਿਹਾ ਹੈ ਤਾਂ ਇਹ ਨੌਜਵਾਨ ਉਠ ਕੇ ਖੜ੍ਹਾ ਹੋ ਜਾਂਦਾ ਹੈ ਅਤੇ ਫਿਰ ਪੁਲਿਸ ਵਾਲੇ ਉਸ ਨੂੰ ਦਬੋਚ ਲੈਂਦੇ ਹਨ। ਪਰ ਖੜ੍ਹਾ ਹੁੰਦੇ ਹੀ ਇਹ ਸ਼ਖਸ ਵਰਦੀ ਪਹਿਨੇ ਪੁਲਿਸ ਵਾਲੇ ਨਾਲ ਮਾਰਕੁੱਟ ਕਰਨੀ ਸ਼ੁਰੂ ਕਰ ਦਿੰਦਾ ਹੈ। ਇਹ ਨੌਜਵਾਨ ਪੁਲਿਸ ਵਾਲੇ ’ਤੇ ਘਸੁੰਨਾਂ ਦੀ ਬਰਸਾਤ ਕਰ ਦਿੰਦਾ ਹੈ।
ਇਸੇ ਚੱਲ ਰਹੇ ਹੰਗਾਮੇ ਦੌਰਾਨ ਸੜਕ ’ਤੇ ਕਾਫੀ ਲੋਕਾਂ ਦੀ ਭੀੜ ਉਥੇ ਜਮ੍ਹਾ ਹੋ ਗਈ। ਫਿਰ ਥੋੜ੍ਹੀ ਦੇਰ ਬਾਅਦ ਕੁਝ ਹੋਰ ਲੋਕ ਵੀ ਉਥੇ ਪਹੁੰਚ ਜਾਂਦੇ ਹਨ ਅਤੇ ਇਸ ਨੌਜਵਾਨ ਨੂੰ ਕਾਬੂ ਕਰ ਲਿਆ ਜਾਂਦਾ ਹੈ। ਇਸ ਵੀਡੀਓ ਨੂੰ ਲੈ ਕੇ ਜਿਹੜੀ ਜਾਣਕਾਰੀ ਸਾਹਮਣੇ ਆਈ ਹੈ ਉਸ ਮੁਤਾਬਕ ਪੁਲਿਸ ਵੱਲੋਂ ਮਾਰਕੁੱਟ ਕਰਨ ਵਾਲਾ ਇਹ ਵਿਅਕਤੀ ਅਪਰਾਧਿਕ ਪ੍ਰਬਿਰਤੀ ਦਾ ਹੈ। ਇਹ ਵਿਅਕਤੀ ਦਾ ਦੋਸ਼ ਹੈ ਕਿ ਉਸ ਨੇ ਸੜਕ ’ਤੇ ਮਾਸਕ ਨਹੀਂ ਪਹਿਨਿਆ ਸੀ ਅਤੇ ਜਦੋਂ ਪੁਲਿਸ ਵਾਲਿਆਂ ਨੇ ਉਸ ਨੂੰ ਮਾਸਕ ਪਹਿਨਣ ਲਈ ਕਿਹਾ ਤਾਂ ਉਹ ਪੁਲਿਸ ਵਾਲਿਆਂ ਨਾਲ ਉਲਝ ਗਿਆ।
